WALAWI 4:6 - Biblia Ilagho Jiboie Kwa Wandu Wose

⁶ nao uchangira chala chake baghenyi, na kuishinga naimbiri ya pazia ya Andu kwa Wueli mando mfungade imbiri ya BWANA.

WALAWI 4:6 ပူးပေါင်းရင်းမြစ်များ

KUFUMA 40:21

Ukangira iyo Sanduku Hemenyi na kurugha pazia. Huwo ukairugha iyo Sanduku sa iji koni BWANA oremlaghirieghe.

KUFUMA 40:26

Ukangira madhabahu ya dhahabu andenyi ya Hema Ekwania naimbiri ya pazia;

WALAWI 14:16

nao uchangira chala chake cha mkonu ghwa kiwomi mavudenyi ghiko luinyi lwa mkonu ghwake ghwa kiwaka, na kumichira agho mavuda aeni aho imbiri ya BWANA mando mfungade.

WALAWI 14:18

Niko uchamshinga agho mavuda ghasigharika luinyi aighu chongonyi kwake; na mkohani uchabonya wupatanisho kwa wundu ghwake imbiri ya BWANA.

WALAWI 14:27

nao uchamichira na chala chake bagha imu kufuma luinyi lwake aeni aho imbiri ya BWANA mando mfungade.

WALAWI 14:7

Niko uchammichira uja mundu ukunde kueleshwa iyo bagha mando mfungade, na kumghora kukaia uelie. Nao uchailekeria ija nyonyi iko moyo iburuke noko.

WALAWI 16:14

Niko aho uchawada bagha imu ya njau na chala chake, na kuimichira naimbiri ya icho Kifumbi cha Wughoma, sena uchamichira bagha imu kwa chala chake mando mfungade naimbiri ya Sanduku ya Ilaghano.

WALAWI 16:19

Bagha imu uchaimichira na chala chake aighu ya madhabahu mando mfungade, upate kuielesha kufumanya na kulua kwa wandu wa Israeli.

WALAWI 25:8

“Kutale miaka mfungade mando mfungade iyo ya kuhora kwa mbuwa, mando mfungade; ipate kuvika miaka mirongo ina na ikenda.

WALAWI 26:18

“Mkalema kusikira nyuma ya agho makabo ghose, nichaghichuria makabo ghenyu mando mfungade kwa wundu ghwa kaung'a renyu.

WALAWI 26:24

ini wori nichamghalukia na mbai na kumkaba mando mfungade kwa wundu ghwa kaung'a renyu.

WALAWI 26:28

nichamghalukia na kumkaba kwa kubia mando mfungade kwa wundu ghwa kaung'a renyu.

WALAWI 4:17

nao uchangira chala chake baghenyi, na kuishinga naimbiri ya iyo pazia mando mfungade imbiri ya BWANA.

WALAWI 4:25

Niko mkohani uchawada bagha imu ya kizongona kwa wundu ghwa kaung'a na chala chake, na kuishinga aighu ya mbembe ra madhabahu ekoria vizongona; na bagha yasigharika uchaidia nandonyi ya madhabahu ghekoria vizongona.

WALAWI 4:30

Na mkohani uchawada imu ya bagha yake na chala chake na kuishinga aighu ya iro mbembe ra madhabahu ekoria vizongona na bagha yasigharika uchaidia nandonyi ya madhabahu.

WALAWI 4:34

Na mkohani uchawada imu ya iyo bagha ya kizongona kwa wundu ghwa kaung'a na chala chake, na kuishinga aighu ya mbembe ra madhabahu ya vizongona vekora; na iyo yasigharika, uchaidia nandonyi ya madhabahu.

WALAWI 8:11

Ukamichira mavuda ghamu madhabahunyi mando mfungade, ukaishinga madhabahu mavuda, na vilambo varo wori; na wokoni beseni na andu kwaro koiwikiria, ukaviwika wakfu kwa BWANA.

WALAWI 8:15

Nao Musa ukaibwagha, ukawada bagha na chala chake ukarishinga rija mbembe inya ra madhabahu na kuielesha; ukadia bagha nandonyi ya madhabahu na kuiwika wakfu ipate kukaia ereda mapatano.

WALAWI 9:9

na wana wake wikamredia iyo bagha, nao ukangira chala chake baghenyi, ukashinga mbembe inya ra madhabahu, na bagha isigharikie ukaidia nandonyi ya madhabahu.

MITALO 19:4

Mkohani Eleazari uchawada bagha imu ya iyo tagho na chala chake uishinge mnyangonyi ghwa Hema ekwania mando mfungade;

JOSHUA 6:4

Na wakohani mfungade wichadwa tarumbeta mfungade ra mbembe ra bauru imbiri ya Sanduku, na ituku ja mfungade, mchaghumara ugho muzi mando mfungade, wakohani wikikaba tarumbeta.

JOSHUA 6:8

Na sa iji koni Joshua orewilaghirieghe, wakohani mfungade wikadwa tarumbeta mfungade ra mbembe ra bauru imbiri ya BWANA, wikaghenda imbiri wikirikaba iro tarumbeta na Sanduku ya Ilaghano ja BWANA ikiwinugha na nyuma.