WALAWI 4:4 - Biblia Ilagho Jiboie Kwa Wandu Wose

⁴ Uchaireda iyo njau imbiri ya BWANA mnyangonyi ghwa Hema ekwania, na kuwikiria mkonu ghwake aighu ya chongo cha iyo njau; niko uchaibwagha imbiri ya BWANA.

WALAWI 4:4 ပူးပေါင်းရင်းမြစ်များ

2 MALAGHO GHA NGELO 29:23

Niko fwandi ra kizongona kwa wundu ghwa kaung'a rikaredwa kwa mzuri na ikwanyiko ja wandu; wikawikiria mikonu yawo aighu yaro.

ISAYA 53:6

Isi diwose dalagharie kara kara na ng'ondi, kula umu odu ukaighalukia chia yake moni; na BWANA ukamdukishira mawiwi ghedu ghose.

DANIELI 9:26

Nyuma ya iyo miaka mirongo irandadu na iwi mandu mfungade, uja mshingwa mavuda uchabwaghwa duu; wandu wa m'baa wa ughu muzi na Hekalu yaro.

WALAWI 16:21

nao uchawikiria mikonu yake aighu ya chongo cha ija mburi, na kurumiria mawiwi ghose gha wandu wa Israeli, na makosa ghawo ghose na kaung'a rawo rose. Na kwa chia iyo, uchawikiria iro kaung'a aighu ya chongo cha ija mburi, na kuighenja noko cha kireti kwa mkonu ghwa mndumu wasaghulwa, nao uchailekeria noko cha kireti.

WALAWI 4:15

na waghosi wa wandu wichawikiria mikonu yawo aighu ya chongo cha ija njau imbiri ya BWANA, nayo ichabwaghwa.

WALAWI 4:29

Nao uchawikiria mkonu ghwake aighu ya chongo cha iyo mburi ya kizongona kwa wundu ghwa kaung'a, na kuibwaghia andu vizongona vekora vibwaghilwagha.

WALAWI 8:14

Niko Musa ukareda njau ikaie kizongona kwa wundu ghwa kaung'a, na Haruni na wana wake wikawikiria mikonu yawo aighu ya chongo cha ija njau ya kizongona kwa wundu ghwa kaung'a.

MITALO 8:12

Niko Walawi wichawikiria mikonu yawo aighu ya vongo va iro njau, na oho kuchafunya imu ikaie kizongona kwa wundu ghwa kaung'a, na imu ikaie kizongona chekora kwa BWANA, na kubonya wupatanisho kwa wundu gha Walawi.

1 PETRO 3:18

Angu Kristo wori orefueghe kwa wundu ghwa kaung'a indo jimweri tua; mundu wa hachi, kwa wundu ghwa wandu wiseko na hachi; eri upate kudireda kwa Mlungu; mumbi ghukabwaghwa, ela roho ikakaishwa moyo.