WALAWI 4:32 - Biblia Ilagho Jiboie Kwa Wandu Wose

³² “Ikakaia uo mundu wareda mwana wa ng'ondi ukaie kizongona chake kwa wundu ghwa kaung'a, uchareda wa waka useko na itiko;

WALAWI 4:32 ပူးပေါင်းရင်းမြစ်များ

KUFUMA 12:3

Mjighorie ikwanyiko jose ja Israeli angu ituku ja ikumi ja ughu mori, kula mundu uchawada mwana wa ng'ondi, kunughana na nyumba ra weke ndee; mwana wa ng'ondi kula nyumba.

KUFUMA 12:5

Kwadima kusaghua mwana wa ng'ondi angu wa mburi uboie wa mwaka ghumweri usewadie ikosa jingi.

ISAYA 53:7

“Orekorongeloghe na kutirirwa, ela ndereghorieghe ilagho jingi; Orenyameghe kima kara kara na mwana wa ng'ondi ughenjwagha kichinjonyi, ee, seji ng'ondi ikaiagha kima imbiri ya uo mundu uidumbuagha mafuri; nderetumbulieghe ilagho jingi anduangi.

WALAWI 1:3

Ikakaia uafunya ng'ombe yake ikaie kizongona chekora, suti urede njau isene itiko. Uchaireda mnyangonyi ghwa Hema ekwania, eri kizongona chake chipate kurumirilwa ni BWANA.

WALAWI 4:28

ukameria kuwonyerwa kaung'a yake, uchareda ifunyo ja mburi ya waka iseko na itiko kwa wundu ghwa iyo kaung'a yake oreibonyereghe.

WALAWI 5:6

nao uchafunya kizongona kwa BWANA kwa wundu ghwa iyo kaung'a oreibonyereghe. Uchafunya kufuma chaghenyi ng'ondi angu mburi ya waka ikaie kizongona kwa wundu ghwa kaung'a; na mkohani uchabonya mapatano kwa wundu ghwa kaung'a yake.

LUKA 1:35

Malaika ukamzera, “Roho Mweli uchakuchea aighu kwako, nandighi ra Uo-Uko-Aighu-Nandighi richakaia aighu kwako; kwa huwu mwana uchaavalwa uchawangwa Mweli Mwana wa Mlungu.

JOHANE 1:29

Nakesho yaro, Johane ukammbona Jesu ukimchea ukaghamba, “Zighanenyi Mwana wa ng'ondi wa Mlungu, uinjagha kaung'a ra wurumwengu.

JOHANE 1:36

Ukamzighana Jesu ukighenda ukaghamba, “Zighanenyi Mwana wa Ng'ondi wa Mlungu.”

WAEFESO 5:27

eri ukupatire moni ikanisa jighokie na ndighi, jisewadie iboli angu itiko jingi, hata ilagho jingi jifwane sa ijo anduangi; jielie, jiseko na kilema chingi.

WAEBRANIA 7:26

Niko koni erefwaneghe dipate Mkohani M'baa uko huwo; wa wueli, usewadie ikosa jingi, usene iboli, utanyiro na wakaung'a, na kujoswa ighu kuchumba milungunyi.

WAEBRANIA 9:14

ni kuchumba saki bagha ya Kristo, uo kwa chia ya Roho wa kala na kala, orekufunyireghe moni kwa Mlungu kuseko na iboli jingi, ichamuelesha nia renyu mfume kwa kazi rifue, mpate kumdumikia Mlungu uko moyo.

1 PETRO 2:22

Uo nderebonyerege kaung'a ingi, hata wukalo ghungi ndeghorewonekieghe andenyi ya madedo ghake anduangi.

1 PETRO 2:24

Kristo moni oreridukieghe kaung'a redu mumbinyi kwake aighu ya mudi, eri dipate kufwa cha kaung'enyi, na kukaia moyo cha hachinyi. Kwa makabo ghake, moreombochologhe.

1 PETRO 3:18

Angu Kristo wori orefueghe kwa wundu ghwa kaung'a indo jimweri tua; mundu wa hachi, kwa wundu ghwa wandu wiseko na hachi; eri upate kudireda kwa Mlungu; mumbi ghukabwaghwa, ela roho ikakaishwa moyo.

WUFUNUO 5:6

Niko neremmbonieghe Mwana wa Ng'ondi uko kimusi ghadi na ghadi ya icho kifumbi cha nguma, na iro nyamandu riko moyo inya, na awo waghosi. Nao orekoghe ukiwoneka seji odebwaghwa; orekoghe na mbembe mfungade, na meso mfungade, nagho ni roho mfungade ra Mlungu ridumilo ndoenyi kose.