WALAWI 4:31 - Biblia Ilagho Jiboie Kwa Wandu Wose

³¹ Nao uchainja mavuda ghake ghose, sa iji koni mavuda ghiinjwagha kufuma kwa vizongona va mapatano; na kughikora aighu ya madhabahu ghikaie marumba mecha kwa BWANA. Kwa chia ihi, mkohani uchabonya mapatano kwa wundu ghwa kaung'a ra uo mundu, nao uchafuilwa wughoma.

WALAWI 4:31 ပူးပေါင်းရင်းမြစ်များ

KUZOYA 8:21

Hata iji BWANA wasikira irumba jiboie ja icho kizongona, ukaghamba ngolonyi kwake, “Sichaaiwasira ndoe njowe sena kwa wundu ghwa mdamu, kwa kukaia maririkanyo gha ngolo ya mdamu kari kose ni mawiwi kufuma wanake ghwake, hata sichaachitotesha icho chose chiko moyo sena sa iji nabonya.

EZRA 6:10

Malagho agho ghibonyo eri widime kumfunyira Mlungu wa mlungunyi vizongona viboie, winilombie na wana wapo.

AYUBU 42:8

Idana mmbwade njau mfungade na bauru mfungade, mghende kwa mdumiki wapo Ayubu mfunye kizongona chekora kwa wundu ghonyu. Mdumiki wapo Ayubu uchamlombia, nani nichasikira malombi ghake nisechem'bonyera kunughana na wukelu ghonyu; kwa kukaia ndemdedie malagho gha loli aighu yapo sa mdumiki wapo Ayubu.”

KUFUMA 29:18

Niko kuikore yose aighu ya madhabahu, ikaie kizongona chekora. Irumba ja kizongona icho, janiboiagha na ndighi.

ISAYA 42:21

Yam'boie BWANA kuibonya sharia yake italo na kunekwa wubaa mungi, kwa wundu ghwa hachi yake.

ISAYA 53:10

BWANA waghamba, “Erekoghe ni lukundo lwapo kumvonua, na kumngira wasinyi; ingelo orekufunyagha uo moni kizongona kwa wundu ghwa kaung'a, nao uchawona kivalwa chake, na kudua moyo matuku mengi, lukundo lwapo luchakatishwa kwa chia yake uo;

WALAWI 1:13

Uja mundu wafunya icho kizongona uchaoghosha na mkohani uchavifunya vose kwa BWANA na kuvikora aighu ya madhabahu, vikaie kizongona chekora; irumba ja vindo ivo jamnukiagha BWANA nicha na ndighi.

WALAWI 1:17

Uchaibara mawawenyi, ela ndechaitanya putu; na mkohani uchaikora yose aighu ya madhabahu, ikaie kizongona chekora; irumba ja vindo ivo jamnukiagha BWANA nicha na ndighi.

WALAWI 1:9

Uja mundu wafuya icho kizongona uchaoghosha mawula na vindo vose va ndenyi na maghu gharo, na mkohani uchavikora vose madhabahunyi, vikaie kizongona chekora; irumba ja vindo ivo jamnukiagha BWANA nicha nandighi.

WALAWI 14:18

Niko uchamshinga agho mavuda ghasigharika luinyi aighu chongonyi kwake; na mkohani uchabonya wupatanisho kwa wundu ghwake imbiri ya BWANA.

WALAWI 15:15

Mkohani uchafunya imu ikaie kizongona kwa wundu ghwa kaung'a na imu kwa wundu ghwa kizongona chekora, nao uchabonya mapatano kwa wundu ghwa uo mundu imbiri ya BWANA kwa wundu ghwa uko kufumwa ni wufia kwake.

WALAWI 19:22

na mkohani uchawada iyo bauru, na kubonya mapatano kwa wundu ghwa kaung'a ya uo mundu; na Mlungu uchamfuya wughoma.

WALAWI 2:2

ima ughurede kwa wakohani, wana wa Haruni. Niko mkohani uchabegha ngonde ichue ya ugho mufu ghudendere na mavuda, chiaimweri na vilungo varo vose; nao uchaghukora sa ifungu jekumbuka kukaia mufu ghose ghwameria kukorwa aighu ya madhabahu, ghukaie kizongona chekora; irumba ja vindo ivo jamnukiagha BWANA nicha na ndighi.

WALAWI 2:9

Na uo mkohani uchawusa katini ka ijo ifunyo ja viro, na kukora sa ifungu jekumbuka kukaia mkate ghose ghwameria kukorwa aighu ya madhabahu, ghukaie kizongona chekora; irumba ja vindo ivo jamnukiagha BWANA nicha na ndighi.

WALAWI 4:19

Na mavuda ghake ghose uchaghiwada na kughikora aighu ya madhabahu.

WALAWI 4:26

Na mavuda ghake ghose uchaghikora aighu ya madhabahu, sa iji koni orebonyereghe kwa vizongona va mapatano. Uchabonya wupatanisho kwa wundu ghwake, nao uchafuilwa wughoma.

WALAWI 4:35

Nao uchainja mavuda ghake ghose sa iji koni mavuda gha mwana wa ng'ondi ghiinjwagha kufuma kwa kizongona cha mapatano; na mkohani uchaghikora aighu ya madhabahu kwa BWANA; upate kubonya mapatano kwa wundu ghwa kaung'a rake oreribonyereghe, nao uchafuilwa wughoma.

WALAWI 5:10

Nao uchafunya ija nyonyi ya kawi ikaie kizongona chekora, kunughana na sharia. Mkohani uchabonya mapatano kwa wundu ghwa kaung'a ya uo mundu, nao uchafuilwa wughoma.

WALAWI 5:6

nao uchafunya kizongona kwa BWANA kwa wundu ghwa iyo kaung'a oreibonyereghe. Uchafunya kufuma chaghenyi ng'ondi angu mburi ya waka ikaie kizongona kwa wundu ghwa kaung'a; na mkohani uchabonya mapatano kwa wundu ghwa kaung'a yake.

WALAWI 8:21

Hata nyuma ya kuoghosha vindo vose va ndenyi na maghu kwa machi, Musa ukakora bauru yose aighu ya madhabahu, ikaie kizongona chekora, irumba jinukie nicha ja kizongona chekora chifunyiro kwa BWANA, sa iji koni BWANA oremlaghirieghe.

MITALO 15:25

Na mkohani uchabonya wupatanisho kwa wundu ghwa izungu jose ja wandu wa Israeli, nawo wichafuilwa wughoma kwa kukaia wedechumbwa wikabonya ikosa kuseko kukunda, nawo wareda kizongona chawo chekora na kizongona cha viro kwa BWANA kwa wundu ghwa kaung'a.

MATHAYO 3:17

Na lwaka lukasikirika kufuma mlungunyi lukighamba, “Uhu nuo Mwana wapo mkundwa, uniboiagha loli-loli.”

WAEFESO 5:2

Nenyo mghende kwa lukundo, sa iji koni Kristo oredikundieghe, na kukufunya moni kwa wundu ghodu, ukaie ifunyo na kizongona cha marumba mecha kwa Mlungu.

WAEBRANIA 1:3

Uo Mwana, ni uko kung'ala-ng'ala kwa wubaa ghwa Mlungu, nao ni fwana tiki ya Mlungu moni; uvimaziriagha vilambo vose kwa ilagho jake jiwadie kudima. Nao umeria kubonya kuja kuelesha kaung'a, oreserieghe kidombo chia ya mkonu ghwa kiwomi ghwa Mlungu wa Wubaa uko aighu.

WAEBRANIA 10:12

Ela Kristo uendafunya kizongona chimweri cha ngelo rose kwa wundu ghwa kaung'a, oreserieghe kidombo chia ya mkonu ghwa kiwomi ghwa Mlungu.

WAEBRANIA 10:14

Angu kwa uko kukufunya indo jimweri, wawikatisha kwa kala na kala awo wieleshwagha.

WAEBRANIA 9:12

orengirieghe andenyi ya Andu kwa Wueli indo jimweri tua ukidwa bagha; si ya mburi na ngache anduangi, ela bagha yake moni. Kwa chia iyo ukaghupata ghuja wukomboli ghwa kala na kala.

1 JOHANE 1:7

Ela dikaghenda na mwengere, sa iji koni uo uko mwengerenyi, dichakaia na wungara diweni na diweni, na bagha ya Jesu Mwana wake, iadioghoshagha kaung'a rose.

WUFUNUO 5:9

Wikabora lumbo luwishi wikighamba, “Kwafwana oho kuchiwada icho chuo na kuifungua mihuri yaro; angu oho korebwaghiloghe, na kwa bagha yako, kukamkombuya Mlungu wandu kufuma kula kichuku, kiteto, wandu, na mbari.