WALAWI 4:26 - Biblia Ilagho Jiboie Kwa Wandu Wose

²⁶ Na mavuda ghake ghose uchaghikora aighu ya madhabahu, sa iji koni orebonyereghe kwa vizongona va mapatano. Uchabonya wupatanisho kwa wundu ghwake, nao uchafuilwa wughoma.

WALAWI 4:26 ပူးပေါင်းရင်းမြစ်များ

2 MALAGHO GHA NGELO 29:24

Wakohani wikaribwagha, wikafunya kizongona kwa wundu ghwa kaung'a kwa kudia bagha yaro aighu ya madhabahu, kukaia wupatanisho kwa wundu ghwa wandu wose wa Israeli. Angu mzuri orefunyireghe momu kukaia, kizongona chekora na kizongona kwa wundu ghwa mapatano chifunyo kwa wundu ghwa wandu wose wa Israeli.

EZEKIELI 43:22

Ituku ja kawi kuchafunya fwandi iseko na itiko jingi, ikaie kizongona kwa wundu ghwa kaung'a, na madhabahu ichaeleshwa sa iji koni ereelesheroghe na kizongona cha njau.

WALAWI 1:4

Uo mundu uchawika mkonu ghwake aighu ya chongo cha ija njau ya kizongona chekora, nayo icharumirilwa ikaie kizongona cheinja kaung'a rake.

WALAWI 12:8

Iji usedimagha kupata mwana wa ng'ondi, uchareda vana viwi va mbughi angu va maringo; imu kwa wundu ghwa kizongona chekora, na imu ichakaia kizongona kwa wundu ghwa kaung'a; na mkohani uchabonya mapatano kwa wundu ghwa uo muka, nao uchaeleshwa.”

WALAWI 14:18

Niko uchamshinga agho mavuda ghasigharika luinyi aighu chongonyi kwake; na mkohani uchabonya wupatanisho kwa wundu ghwake imbiri ya BWANA.

WALAWI 15:15

Mkohani uchafunya imu ikaie kizongona kwa wundu ghwa kaung'a na imu kwa wundu ghwa kizongona chekora, nao uchabonya mapatano kwa wundu ghwa uo mundu imbiri ya BWANA kwa wundu ghwa uko kufumwa ni wufia kwake.

WALAWI 17:11

Kwa kukaia irangi ja mumbinyi jeeka andenyi ya bagha, nani namneka bagha madhabahunyi mpate kubonya wupatanisho ghwa kaung'a kwa wundu ghwa roho renyu; angu bagha niyo ibonyagha mapatano, nayo niyo irangi.

WALAWI 19:22

na mkohani uchawada iyo bauru, na kubonya mapatano kwa wundu ghwa kaung'a ya uo mundu; na Mlungu uchamfuya wughoma.

WALAWI 3:5

Niko wana wa Haruni wichavikoranya na icho kizongona chekora chiko aighu ya mbande madhabahunyi, vikaie kizongona chekora; irumba ja vindo ivo jamnukiagha BWANA nicha na ndingi.

WALAWI 4:19

Na mavuda ghake ghose uchaghiwada na kughikora aighu ya madhabahu.

WALAWI 4:20

Huwo niko uchaabonya na iyo njau; sa iji koni orebonyereghe kwa njau ifunyiro kukaia kizongona kwa wundu ghwa kaung'a; na mkohani uchabonya mapatano kwa wundu ghwa kaung'a rawo; nawo wichafuilwa wughoma.

WALAWI 4:31

Nao uchainja mavuda ghake ghose, sa iji koni mavuda ghiinjwagha kufuma kwa vizongona va mapatano; na kughikora aighu ya madhabahu ghikaie marumba mecha kwa BWANA. Kwa chia ihi, mkohani uchabonya mapatano kwa wundu ghwa kaung'a ra uo mundu, nao uchafuilwa wughoma.

WALAWI 4:35

Nao uchainja mavuda ghake ghose sa iji koni mavuda gha mwana wa ng'ondi ghiinjwagha kufuma kwa kizongona cha mapatano; na mkohani uchaghikora aighu ya madhabahu kwa BWANA; upate kubonya mapatano kwa wundu ghwa kaung'a rake oreribonyereghe, nao uchafuilwa wughoma.

WALAWI 5:10

Nao uchafunya ija nyonyi ya kawi ikaie kizongona chekora, kunughana na sharia. Mkohani uchabonya mapatano kwa wundu ghwa kaung'a ya uo mundu, nao uchafuilwa wughoma.

WALAWI 5:13

Kwa chia iyo, mkohani uchabonya mapatano kwa wundu ghwa kaung'a yake, nao uchafuilwa wughoma. Masighariko gha mufu ghichawuya gha mkohani; ni kizongona cha viro.”

WALAWI 5:16

Uchalipa iyo sile ya makosa ukosere, sena uchurie mirongo iwi kwa ighana ya agho malipo na kumneka mkohani; uchaifunya iyo bauru ikaie kizongona kwa wundu ghwa makosa ghake, nao uchafuilwa wughoma.

WALAWI 5:18

Uchareda bauru iseko na itiko kwa mkohani kufuma chaghenyi, na oho kuchabonya ighuri jaro kunughana na ighuri ja agho matuku; mkohani uchabonya mapatano kwa wundu ghwa kaung'a yake uibonyere usemanyire, nao uchafuilwa wughoma.

WALAWI 6:7

Na mkohani ucham'bonyera uo mundu mapatano imbiri ya BWANA, nao uchafuilwa wughoma kwa maza iro rose ubonyere na kuwuya mkosi.”

MITALO 15:25

Na mkohani uchabonya wupatanisho kwa wundu ghwa izungu jose ja wandu wa Israeli, nawo wichafuilwa wughoma kwa kukaia wedechumbwa wikabonya ikosa kuseko kukunda, nawo wareda kizongona chawo chekora na kizongona cha viro kwa BWANA kwa wundu ghwa kaung'a.

MITALO 15:28

Na mkohani uchabonya wupatanisho imbiri ya BWANA kwa wundu ghwa uja mundu wachumbwa ukabonya kaung'a; nao uchafuilwa wughoma.