WALAWI 4:21 - Biblia Ilagho Jiboie Kwa Wandu Wose

²¹ Nao uchaighenja ija njau shighadi ya kambi, na kuikora sa iji koni orekorieghe njau ya imbiri kwa kaung'a rake moni. Ni kizongona kwa wundu ghwa kuinja kaung'a ya Ikwanyiko.

WALAWI 4:21 ပူးပေါင်းရင်းမြစ်များ

EZRA 8:35

Ngelo iyo, wandu wose werewurieghe kufuma wubarishonyi werefunyireghe vizongona vekora kwa Mlungu wa Israeli. Werefunyireghe njau ikumi na iwi kwa wundu ghwa Waisraeli wose, bauru mirongo ikenda na irandadu, na wana wa ng'ondi mirongo mfungade na mfungade; wokoni wikafunya fwandi ikumi na iwi kukuelesha na kaung'a. Ivi vose verekoghe vizongona vekora va kumfunyira BWANA.

KUFUMA 29:14

Ela iyo nyama ya njau yose, mrongo ghwake, vifu na mawula ghake, kuchavikora shighadi ya mbenge. Mafunyo agha ni gheinja kaung'a ra wakohani.

EZEKIELI 45:22

Ituku ijo, m'baa wa isanga uchafunya mwana wa njau kwa wundu ghwake na kwa wundu ghwa wandu wose wa isanga ukaie ifunyo ja kizongona kwa wundu ghwa kaung'a.

WALAWI 16:15

“Niko uchabwagha ija fwandi ipate kukaia kizongona kwa wundu ghwa kaung'a ra wandu, nao uchareda bagha yake andenyi ya pazia. Na sa iji koni ubonyereghe na bagha ya njau, uchabonya woruwo koni kwa kumichira bagha naimbiri ya Kifumbi cha Wughoma, na naimbiri ya Sanduku ya Ilaghano.

WALAWI 16:21

nao uchawikiria mikonu yake aighu ya chongo cha ija mburi, na kurumiria mawiwi ghose gha wandu wa Israeli, na makosa ghawo ghose na kaung'a rawo rose. Na kwa chia iyo, uchawikiria iro kaung'a aighu ya chongo cha ija mburi, na kuighenja noko cha kireti kwa mkonu ghwa mndumu wasaghulwa, nao uchailekeria noko cha kireti.

WALAWI 16:27

Gharia ya njau na mburi rerefunyiroghe kizongona kwa wundu ghwa kaung'a, na bagha raro kuredwa andenyi ya Andu kwa Wueli kwa wundu ghwa kuinja kaung'a, ichafunywa shighadi ya kambi, na kukorwa. Mrongo, nyama, vifu na mawula gharo; vose vichakorwa.

WALAWI 4:13

“Ikakaia ni izungu jose ja Israeli jabonya kaung'a wisemanyire, na kughinona agho malaghiro gherefunyiroghe ni BWANA; na ilagho ijo jikaie jisemanyikie izungunyi hata wikaie wakosi;

WALAWI 4:20

Huwo niko uchaabonya na iyo njau; sa iji koni orebonyereghe kwa njau ifunyiro kukaia kizongona kwa wundu ghwa kaung'a; na mkohani uchabonya mapatano kwa wundu ghwa kaung'a rawo; nawo wichafuilwa wughoma.

WALAWI 6:11

Niko uchafunya agho marwao ghake, na kurwa marwao mazima; nao uchafunya ijo ivu cha shighadi ya kambi, na kujidia andu kueleshero kwa wundu ghodiria ivu.

WALAWI 6:23

Kula kizongona cha viro chifunywagha ni mkohani chichakorwa chose, ndechichajighwa anduangi.”

WALAWI 8:17

Ela nyama ya njau na mrongo ghwaro na vifu varo, ukavikora vose shighadi ya kambi, sa iji koni BWANA oremlaghirieghe.

MITALO 15:24

na ikakaia mookosa izungu jose ja wandu jisemanyire, jichafunya mwanwanjau ukaie kizongona chekora; ni irumba jinukagha nicha kwa BWANA. Chichafunywanya na kizongona cha viro, na cha kunywa, kunughana na malaghiro; sena wichurie fwandi imweri ikaie kizongona kwa wundu ghwa kaung'a.

MATHAYO 20:28

Angu Mwana wa Mdamu wori nderechieghe kudumikilwa anduangi, ela kudumika, na kufunya irangi jake jikaie wukomboli kwa wengi.”

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

WAEBRANIA 13:11

Angu gharia ra iro nyamandu bagha yaro iredwagha Andu kwa Wueli ni Mkohani M'baa, kukaia kizongona kwa wundu ghwa kaung'a, radakorwa shighadi ya kambi.