WALAWI 3:9 - Biblia Ilagho Jiboie Kwa Wandu Wose

⁹ Niko uchainja munda na mavuda gharo ghose kufuma kwa icho kizongona chekora cha mapatano chafunywa kwa BWANA, ela ughudumbuye kaavui na indi ja mghongo, na ilala ja mavuda ghose gha kifu cha iyo nyamandu na mavuda ghose gha vifu;

WALAWI 3:9 ပူးပေါင်းရင်းမြစ်များ

2 SAMUELI 6:17

Wikaireda Sanduku ya BWANA na kuingira hemenyi iyo Daudi oreidungieghe kwa wundu ghwaro, wikaiwika andu kwaro. Daudi ukamfunyira BWANA vizongona vekora na vizongona va mapatano.

1 WAZURI 3:15

Nao Solomoni ukawuka dilonyi, ukamanya angu Mlungu okoghe ukidedanya nao ndodonyi. Niko ukaghenda Jerusalemu, ukakaia kimusi imbiri ya Sanduku ya Ilaghano, ukafunya vizongona vekora na vizongona va mapatano; ukawibonyera karamu wabaa wose wa Serikali yake.

1 WAZURI 8:63

Solomoni ukamfunyira BWANA kizongona cha mapatano ng'ombe elfu mirongo iwi na iwi, na ng'ondi elfu ighana na mirongo iwi. Kwa huwo Mzuri na wandu wose wa Israeli wikaiwika Hekalu wakfu.

1 WAZURI 8:64

Ituku ijo jeni, ukawika waza ya ghadi na ghadi wakfu, iyo erekoghe naimbiri ya Hekalu. Ukafunya vizongona vekora aho, na vizongona va viro, na mavuda gha iro nyamandu kwa wundu ghwa vizongona va mapatano. Orebonyereghe huwo kwa kukaia madhabahu ya shaba edeeka ndini isedimagha kukata ivo vizongona vose.

1 MALAGHO GHA NGELO 16:1

Wikareda Sanduku ya Mlungu na kuingira andenyi ya hema iyo Daudi orekoghe waidunga; wikafunya vizongona vekora, na vizongona va mapatano imbiri ya Mlungu.

KUFUMA 29:22

“Kudumbuo mavuda gha munda ghwa bauru, na ilala ja mavuda gha vifu, na kipande cha idima, figho iwi na mavuda gharo, na bara ya mkonu ghwa kiwomi (angu ni bauru yawikwa kwa kazi ewika wakfu.)

MAKATANISHO 23:26

Wika mafundisho ghapo ngolonyi kwako mwanwapo, kunughe mighendo yapo.

ISAYA 53:10

BWANA waghamba, “Erekoghe ni lukundo lwapo kumvonua, na kumngira wasinyi; ingelo orekufunyagha uo moni kizongona kwa wundu ghwa kaung'a, nao uchawona kivalwa chake, na kudua moyo matuku mengi, lukundo lwapo luchakatishwa kwa chia yake uo;

WALAWI 17:5

Agha malagho ni kwa wundu ghoghiria wandu wa Israeli wawuyafunyira vizongona vawo cha shighadi ya kambi, eri wipate kuvireda kwa mkohani mnyangonyi ghwa Hema ekwania; na kuvifunya vikaie vizongona vepatanisha kwa BWANA.

WALAWI 7:3

Mavuda gharo ghose ghichainjwa na kufunywa madhabahunyi. Munda, ilala ja mavuda ghifinikire vifu,

WALAWI 8:25

Niko ukawada mavuda, na munda na ilala ja mavuda ghose gha vifunyi, na kipande chiboie cha idima, figho iwi na mavuda gharo na bara ya kughu kwa kiwomi.

WALAWI 9:19

Haruni ukawada mavuda gha njau na gha bauru, na munda, na ilala ja agho mavuda gha vifunyi, figho na kipande chiboie cha idima;

MITALO 7:88

Mfugho rose rerefunyiroghe kwa wundu ghwa vizongona va mapatano ni njau mirongo iwi na inya, bauru mirongo irandadu, fwandi mirongo irandadu, na wana wa ng'ondi wa womi wa mwaka ghumweri mirongo irandadu. Agho nigho gherekoghe mafunyo gherefunyiroghe kwa wundu ghoiwika iyo madhabahu wakfu.

1 SAMUELI 10:8

Na oho kunikirie cha Gilgali, nani nichacha ahoeni nipate kufunya vizongona vekora, na vizongona va mafunyo gha mapatano. Kuniweserie kwa matuku mfungade hata nacha, nani nichakuwonyera agho ghikufwanagha kughibonya.”