WALAWI 3:5 - Biblia Ilagho Jiboie Kwa Wandu Wose

⁵ Niko wana wa Haruni wichavikoranya na icho kizongona chekora chiko aighu ya mbande madhabahunyi, vikaie kizongona chekora; irumba ja vindo ivo jamnukiagha BWANA nicha na ndingi.

WALAWI 3:5 ပူးပေါင်းရင်းမြစ်များ

1 WAZURI 8:64

Ituku ijo jeni, ukawika waza ya ghadi na ghadi wakfu, iyo erekoghe naimbiri ya Hekalu. Ukafunya vizongona vekora aho, na vizongona va viro, na mavuda gha iro nyamandu kwa wundu ghwa vizongona va mapatano. Orebonyereghe huwo kwa kukaia madhabahu ya shaba edeeka ndini isedimagha kukata ivo vizongona vose.

2 MALAGHO GHA NGELO 35:14

Konyuma Walawi wikakuboisira weni vindo chiaimweri na wakohani awo wana wa Haruni; kwa kukaia wakohani werekoghe na kazi nyingi hata nakio eboisa vizongona vekora na minda.

KUFUMA 29:13

Konyuma, kuchawada mavuda gha vindo va ndenyi; andu kuboie kwa idima, na mavuda gharo nao kurikore aighu ya madhabahu rikaie ifunyo kwapo.

EZEKIELI 44:15

“Ela wakohani wa Kilawi, icho kivalwa cha Zadoku, werelindirieghe Hekalu yapo ingelo wandu wa Israeli werenisighieghe na kunilegha, awo wichanisoghodera na kunidumikia; wichanichea na kunifunyira mavuda na bagha, Ini Bwana MLUNGU naghamba.

EZEKIELI 44:7

Wawuyarumiria wandu wa kighenyi wiseshamishiro, hata wisenisikiragha, kungia andenyi ya Hekalu yapo na kuilusha, ingelo munifunyiragha vindo vapo, mavuda na bagha. Aho mwajichikanyire ilaghano japo, mkichuria ugho wuchafu ghonyu ghose.

WALAWI 1:13

Uja mundu wafunya icho kizongona uchaoghosha na mkohani uchavifunya vose kwa BWANA na kuvikora aighu ya madhabahu, vikaie kizongona chekora; irumba ja vindo ivo jamnukiagha BWANA nicha na ndighi.

WALAWI 1:17

Uchaibara mawawenyi, ela ndechaitanya putu; na mkohani uchaikora yose aighu ya madhabahu, ikaie kizongona chekora; irumba ja vindo ivo jamnukiagha BWANA nicha na ndighi.

WALAWI 1:9

Uja mundu wafuya icho kizongona uchaoghosha mawula na vindo vose va ndenyi na maghu gharo, na mkohani uchavikora vose madhabahunyi, vikaie kizongona chekora; irumba ja vindo ivo jamnukiagha BWANA nicha nandighi.

WALAWI 3:11

Na mkohani uchavikora aighu ya madhabahu vikaie vindo vifunyiro kukaia kizongona chekora kwa BWANA.

WALAWI 3:4

na figho iwi chiaimweri na mavuda gharo gha kiwonunyi, na kipande chiboie cha idima, vikaie kizongona chekora kwa BWANA.

WALAWI 4:31

Nao uchainja mavuda ghake ghose, sa iji koni mavuda ghiinjwagha kufuma kwa vizongona va mapatano; na kughikora aighu ya madhabahu ghikaie marumba mecha kwa BWANA. Kwa chia ihi, mkohani uchabonya mapatano kwa wundu ghwa kaung'a ra uo mundu, nao uchafuilwa wughoma.

WALAWI 4:35

Nao uchainja mavuda ghake ghose sa iji koni mavuda gha mwana wa ng'ondi ghiinjwagha kufuma kwa kizongona cha mapatano; na mkohani uchaghikora aighu ya madhabahu kwa BWANA; upate kubonya mapatano kwa wundu ghwa kaung'a rake oreribonyereghe, nao uchafuilwa wughoma.

WALAWI 6:12

Modo ghwa madhabahu ghuchakaia ghukiaka, ndeghuchaarimishwa; uo mkohani uchakaia ukikumba mbande aighu yaro kula luma lwa nakesho; nao uchakaia ukiwikiria icho kizongona chekora aighu yaro nicha, sena uchakora agho mavuda gha kizongona cha mapatano aighu yaro.

WALAWI 7:28

BWANA ukamzera Musa,

WALAWI 9:17

Ukafunya kizongona cha viro, ukabegha ngonde ichue ya mufu, na kughukora aighu ya madhabahu, kuchuria chija kizongona chifunywagha kula nakesho.

MITALO 15:8

Njau ikafunywa kwa BWANA ikaie kizongona kwa wundu ghwa kaung'a chekatisha ighemi, angu kizongona cha mapatano,

MITALO 18:17

Ela wavalwa wa imbiri wa ng'ombe, angu ng'ondi, angu mburi, awo waelie msakewikombua; ni wapo wefunywa kizongona. Bagha yaro muchaimichira madhabahunyi, na mavuda gharo muchaghikora ghikaie kizongona chekora; irumba jininukiagha nicha.

MITALO 28:12

Wokoni mfunye kizongona cha viro kilo idadu ra mufu ghudendere ghuranganyiro na mavuda kwa kula mwana wa njau umweri, na kilo iwi kwa bauru imweri;

MITALO 28:3

Mafunyo mchaakaia mkimfunyira BWANA kwa wundu ghwa vizongona vekora tuli tuli kula ituku nigho agha: Wana wa ng'ondi wa womi wawi, wa mwaka ghumweri wisewadie itiko jingi.

1 PETRO 2:5

Nammbeni, sa magho ghiko moyo, muagho kukaia nyumba ya kiroho, wukohani ghwa wueli, ghofunya vizongona va kiroho, virumirikiagha kwa Mlungu kwa chia ya Jesu Kristo.