WALAWI 3:3 - Biblia Ilagho Jiboie Kwa Wandu Wose

³ Na kufuma kwa icho kizongona cha mapatano, sa kizongona chekora kwa BWANA, uchafunya agho mavuda ghiko gha ilala kifunyi na mavuda ghose gha vindo va ndenyi,

WALAWI 3:3 ပူးပေါင်းရင်းမြစ်များ

ZABURI 119:70

Ni wandu wifue vongo; ela ini nadaboilwa ni sharia yako.

KUFUMA 29:13

Konyuma, kuchawada mavuda gha vindo va ndenyi; andu kuboie kwa idima, na mavuda gharo nao kurikore aighu ya madhabahu rikaie ifunyo kwapo.

KUFUMA 29:22

“Kudumbuo mavuda gha munda ghwa bauru, na ilala ja mavuda gha vifu, na kipande cha idima, figho iwi na mavuda gharo, na bara ya mkonu ghwa kiwomi (angu ni bauru yawikwa kwa kazi ewika wakfu.)

MAKATANISHO 23:26

Wika mafundisho ghapo ngolonyi kwako mwanwapo, kunughe mighendo yapo.

ISAYA 6:10

Kurikurishe ngolo ra awa wandu, na madu ghawo ghilemie, na meso ghawo ghisewone; wisechewona na meso ghawo, na kusikira kwa madu ghawo na kughaluka wipate kuboiswa.”

EZEKIELI 36:26

Nichamneka ngolo mbishi, na roho mbishi nichaingira andenyi konyu; nani nichafunya ngolo ikurie sa igho kufuma konyu, na kumneka ngolo inyafue.

EZEKIELI 44:15

“Ela wakohani wa Kilawi, icho kivalwa cha Zadoku, werelindirieghe Hekalu yapo ingelo wandu wa Israeli werenisighieghe na kunilegha, awo wichanisoghodera na kunidumikia; wichanichea na kunifunyira mavuda na bagha, Ini Bwana MLUNGU naghamba.

WALAWI 1:12

Na uo mundu uchaitemeria vipande vipande, chiaimweri na chongo na mavuda gharo, na uo mkohani uchaviwikiria nicha aighu ya iro mbande rawuyahia aighu ya madhabahu.

WALAWI 1:8

Wakohani wichawikiria vija vipande va nyama, na chongo na mavuda aighu ya iro mbande rawuyahia aighu ya madhabahu.

WALAWI 16:25

Agho mavuda gha kizongona kwa wundu ghwa kaung'a uchaghikora aighu ya madhabahu.

WALAWI 3:16

Mkohani uchavikora aighu ya madhabahu vikaie vindo vifunyiro kukaia kizongona chekora; irumba jinukie nicha. Mavuda ghose ni gha BWANA.

WALAWI 3:2

Nao uchawikiria mkonu ghwake aighu ya chongo cha iyo nyamandu, na kuibwagha aho mnyangonyi ghwa Hema ekwania; na wana wa Haruni, awo wakohani, wichaimichira madhabahu bagha chia rose.

WALAWI 3:4

na figho iwi chiaimweri na mavuda gharo gha kiwonunyi, na kipande chiboie cha idima, vikaie kizongona chekora kwa BWANA.

WALAWI 4:10

Uo mkohani uchawada agho mavuda, na kughikora aighu ya madhabahu ekoria vizongona, sa iji koni ubonyagha kwa mafunyo gha vizongona va mapatano.

WALAWI 7:30

uchareda mavuda na kidari cha iyo nyamandu kwa mikonu yake moni, na kuvifunya vikaie mafunyo gha kizongona chekora kwa BWANA, eri kidari chipate kusughuswa chiwuye mafunyo kwa BWANA.

WALAWI 7:5

Mkohani uchavikora aighu madhabahunyi, vikaie kizongona chekora kwa BWANA; ni kizongona cha malipo.

WALAWI 9:10

Ela mavuda na figho, na kipande chiboie cha idima kufuma kwa icho kizongona kwa wundu ghwa kaung'a, orevikorieghe aighu ya madhabahu, sa iji koni BWANA oremlaghirieghe Musa.

MATHAYO 13:16

“Ela inyo mwarasimilwa angu meso ghenyu ghawona na madu ghenyu ghasikira.

MATHAYO 15:8

‘Wandu awa wanibonyere ishima kwa momu ghoni, waghamba Mlungu; ela ngolo rawo reko kula nani.

WAROMA 5:5

Na isuwirio ndejidifushagha waya; angu lukundo lwa Mlungu lwadirilo ngolonyi kodu kwa chia ya Roho Mweli uo dinekelo.

WAROMA 6:6

Nesi damanya angu wudamu ghodu ghwa kala ghwasulubishiro andwamweri nao, mumbi ghwa kaung'a ghupate kutoteshwa; eri isi diseduo wazumba wa kaung'a sena.

WUKUMBUSO 30:6

Sena BWANA Mlungu onyu uchaboisa ngolo renyu na ra wana wenyu, mpate kumkunda BWANA Mlungu onyu kwa ngolo renyu rose, na kwa roho renyu rose, eri mpate kukaia moyo.

1 SAMUELI 2:15

Na aighu ya agho, imbiri mavuda ghisekorelo, mdumiki wa mkohani orekoghe ukicha kwa uja mundu wafunya kizongona na kumzera, “Reda nyama mkohani upate kuocha; kwa kukaia ndechairumiria nyama yako yadoghoswa, ela ookunda mbishi.”