WALAWI 3:17 - Biblia Ilagho Jiboie Kwa Wandu Wose

¹⁷ Ihi ichakaia ni sharia yenyu ya kala na kala vivalwa venyu vose, andu kose mchaakaia; kukaia, ndemchaaja mavuda hata bagha anduangi.”

WALAWI 3:17 ပူးပေါင်းရင်းမြစ်များ

KUZOYA 9:4

Ilagho jelindia ni iji: Msakeja nyama chia imweri na bagha, angu bagha ni irangi.

2 MALAGHO GHA NGELO 29:35

Aighu ya ivo vizongona vingi vekora, korekoghe na minda ekora kwa wundu ghwa vizongona va mapatano, na divei kwa wundu ghwa vizongona vekora. Kwa chia ihi wudumiki ghwa Hekalu ghukazoya sena.

NEHEMIA 8:10

Ghendenyi mzinyi muje manori, munyo divei isingie; na uo usewadie kindo chingi mumdumie vimu angu idime ni ituku jielie kwa BWANA odu; msekaie na wasi; kwa kukaia kuboilwa uko BWANA umnekagha kucham'bonya mkaie na ndighi.”

KUFUMA 27:21

Haruni na wana wake wichaiwika iyo Taa andenyi ya Hema Ekwania cha shighadi ya Pazia iko imbiri ya Sanduku ya Ilaghano; nayo ichakaia ikiaka kufuma luma lwa nakenyi hata luma lwa nakesho. Sharia ihi ichawadilwa ni Waisraeli chiaimweri na kivalwa chawo kwa kala na kala.

KUFUMA 28:43

Suti Haruni na wana wake wiro awo weke mwadeghu iji wakangia Hema Ekwania, angu madhabahunyi, wikinidumikia andenyi ya aho Andu kwa Wueli; eri wisechebwaghwa kwa kughuwonyera wuduu ghwawo. Iji ni ilaghiro ja toe kwa Haruni na wana wake.

EZEKIELI 33:25

Kwa huwo kuwighorie seji ini, Bwana MLUNGU nawuyaghamba: Inyo mwadaja nyama iko na bagha, na kutasa milimu yenyu, na kubwagha wandu; welee, mwadima kujiwusa iji isanga?

EZEKIELI 44:15

“Ela wakohani wa Kilawi, icho kivalwa cha Zadoku, werelindirieghe Hekalu yapo ingelo wandu wa Israeli werenisighieghe na kunilegha, awo wichanisoghodera na kunidumikia; wichanichea na kunifunyira mavuda na bagha, Ini Bwana MLUNGU naghamba.

EZEKIELI 44:7

Wawuyarumiria wandu wa kighenyi wiseshamishiro, hata wisenisikiragha, kungia andenyi ya Hekalu yapo na kuilusha, ingelo munifunyiragha vindo vapo, mavuda na bagha. Aho mwajichikanyire ilaghano japo, mkichuria ugho wuchafu ghonyu ghose.

WALAWI 10:15

Iyo bara na kidari chisughusiro, vikakaredwa viredwanye na mavuda gha kizongona chekora, na kusughuswa kukaia kizongona chesughuswa; navo vichawuya venyu na wana wenyu mkwanye, angu ni ifungu jenyu ja kari kose sa iji koni BWANA orelaghirieghe.”

WALAWI 10:9

“Iji oho na wana wako mwakangia andenyi ya Hema ekwania, msenyo divei angu chofi mchefwa, iyo ichakaia ni sharia ya kala na kala vivalwa venyu vose.

WALAWI 16:29

“Ihi niyo sharia enugha matuku ghenyu ghose ghichagha: Ituku ja ikumi ja mori ghwa mfungade, Waisraeli wose, na waghenyi wose mkwanye, mchafunga tumu; ndemchaabonya kazi ingi.

WALAWI 16:34

Ihi ichakaia sharia ya kala na kala kwa wundu ghonyu, eri mapatano ghipate kubonywa kwa wundu ghwa wandu wa Israeli kula mwaka; kwa wundu ghwa kaung'a rawo.” Musa ukabonya sa iji koni BWANA oremlaghirieghe.

WALAWI 17:7

Wandu wa Israeli ndewichaafunyira vizongona vawo shighadi ya kambi sena, kwa kubwaghia pepo na kulegha kaia waloli kwa BWANA; ela wichawadia momu ughu kwa kala na kala, vivalwa vawo vose.

WALAWI 19:26

“Mseje nyama iko na bagha andenyi yaro. Kusefundishe kulogha angu kulaghua.

WALAWI 23:14

Kuseje mavalo mawishi gha makuwido ghako, hata kwameria kufunya icho kizongona kwa Mlungu. Mavalo agho kuseje ghikaiagha mawishi, ghiochelo, angu ghiochelo ghiwuye mkate, hata kwakatisha agho malaghiro; nagho kuchaghiwadia matuku ghose vivalwa vako vose.

WALAWI 23:21

Ituku ijo, msebonye kazi ingi, ela mkwanyike kwa wutasi. Vivalwa venyu vichanugha sharia ihi matuku ghose ghichagha, andu uko kose wichaakaia.

WALAWI 24:3

Haruni uchakaia ukirikora luma lwa kenyi, naro richakaia rikiaka imbiri ya BWANA chee, hata nakesho aho shighadi ya pazia kaavui na Sanduku ya Ilaghano, iko andenyi ya Andu kwa Wueli Kuchumbie. Sharia ihi ichanughwa vivalwa vose.

WALAWI 24:9

Iyo mikate ni ifungu ja Haruni na wana wake, nawo wichaijia Andu kwa Wueli kwa kukaia ivo ni vindo va wueli vieleshero vifunyiro kwa BWANA kwa wundu ghwa wakohani.”

WALAWI 3:16

Mkohani uchavikora aighu ya madhabahu vikaie vindo vifunyiro kukaia kizongona chekora; irumba jinukie nicha. Mavuda ghose ni gha BWANA.

WALAWI 4:1

BWANA ukamzera Musa,

WALAWI 6:15

Umu wawo uchabegha ngonde ichue ya mufu ghudendere ghwa kizongona cha viro, chiaimweri na mavuda gharo na vilungo vose viko aighu ya kizongona cha viro, nao uvikore vikaie lukumbuso kukaia vaafunywa kwa BWANA, ni irumba icha kwa BWANA.

WALAWI 6:18

Matuku ghose ghichagha, kula mwana wa womi wa kivalwa cha Haruni vivalwa vose, uchaja mafungu gha ivo vindo vifunywagha vizongona vekora kwa BWANA. Uo ose uchaaviadada, uchabonywa ukaie mweli.”

WALAWI 6:22

Matuku ghose ghichagha, kizongona ichi chichafunywa ni kula mvalwa wa Haruni wasaghulwa ukaie Mkohani M'baa. Kizongona icho chichakorwa chose chikaie kizongona chifunyiro kwa BWANA.

WALAWI 7:23

“Kuwizere wandu wa Israeli huwu, Msakeja mavuda gha ng'ombe, ng'ondi, angu mburi.

WALAWI 7:34

Icho kidari chisughuswagha, na iyo bara ifunywagha neeviwusa kufuma kwa vizongona va mapatano va wandu wa Israeli, na kumneka Haruni uo mkohani na wana wake, vikaie mafungu ghawo gha kari kose kufuma kwa Waisraeli.

WALAWI 7:36

BWANA orelaghirieghe winekoghe vindo ivi ni wandu wa Israeli, kufuma ituku jija werewikiloghe wakfu kwa kushingwa mavuda, vikaie mafungu ghawo gha kari kose kufuma kwa wandu wa Israeli vivalwa vichagha.”

MITALO 19:21

Sharia ihi ichakaia ya matuku ghose kwawo. Uo mundu umichiragha wandu wiseelie agho machi gheelesha uchaoghosha nguwo rake; na mundu ukaghiadada agho machi gheelesha uchakaia useelie hata luma lwa kenyi.

MATHAYO 16:24

Niko Jesu ukawizera wanughi wake, “Mndungi ukakunda kukaia mnughi wapo, suti ukukane uo moni, ughuduke msalaba ghwake uninughe.

MATHAYO 26:28

angu ihi niyo bagha yapo ya ilaghano idikagha kwa wundu ghwa wengi kulekwa kaung'a.

MABONYO GHA WADUMI 15:29

nagho ni agha: mtane putu na vindo vifunyiro vizongona va milimu, kuja bagha, kuja nyamandu rinyorelo, na kulaka. Mkakutanya na maza iri, mchabonya nicha. Mkaie mana.”

WAEFESO 1:7

Andenyi kwake, isi deko na wukomboli ghodu, kwa chia ya bagha yake; kuja kulekelwa makosa ghedu, karakara na wungi ghwa mvono ghwake,

WAEFESO 5:26

upate kujielesha kwa kujioghosha na machi kwa ilagho;

WUKUMBUSO 12:16

Bora tu mseje bagha; muidie andonyi seji koni mdiagha machi.

WUKUMBUSO 12:23

Bora tu kukaie na loli ndekujagha bagha; angu bagha ni irangi, na oho kuseje irangi chiaimweri na nyama.

WUKUMBUSO 12:24

Kuseje bagha; kooidia andonyi sa machi.

WUKUMBUSO 15:23

Bora tu kuseje bagha yake; iyo, kuidie andonyi sa machi.

WUKUMBUSO 32:14

Ng'ombe na mburi rawo rerefunyireghe mariwa kwa wungi; werekoghe na ng'ondi riboie, mburi na ng'ombe, mufu ghwa ngano ghudendere, na divei ndicha.

1 TIMOTHEO 4:4

Angu icho chose chiumbilo ni Mlungu chaboie, hata kindo chingi chiselegho, ikakaia chawuswa kwa chawucha;