WALAWI 26:9 - Biblia Ilagho Jiboie Kwa Wandu Wose

⁹ Nichamrasimia na kumneka wana wengi; nani nichajimangisha ilaghano japo nerejibonyereghe nenyo.

WALAWI 26:9 ပူးပေါင်းရင်းမြစ်များ

KUZOYA 1:28

Mlungu ukawirasimia ukaghamba, “Venyi mchurikie, mchure ndoenyi kose, nayo muibonyere nguma, mkaie na nguma aighu ya samaki ra baharinyi, na nyonyi ra mbeonyi, na kula nyamandu iko ndoenyi kose.”

KUZOYA 17:20

Na kwa wundu ghwa Ishmaeli wori nakusikira, nao moni wori nichamrasimia uve kwa wungi na kuchurikia, nao uchakaia ndee wa wazuri ikumi na wawi, na kivalwa chake nichachibonya chikaie mbari mbaa.

KUZOYA 22:17

nichakurasimia nandighi, nani nichachichuria kivalwa chako sa wungi ghwa nyerinyeri ra mlungunyi, na sa msangagha ghuko mbai-mbai ya bahari, na kivalwa chako chichawisima wamaiza wawo.

KUZOYA 26:4

Nichachichuria kivalwa chako sa nyerinyeri ra mlungunyi, nani nichachineka kivalwa chako masanga agha ghose. Na kwa kivalwa chako, mbari rose ra ndoenyi richanilomba irasimio;

KUZOYA 28:14

na kivalwa chako chichakaia kingi sa teri ya ndoenyi, na oho kuchaera cha magharibi, mashariki, kaskazinyi na kusinyi. Na kwako oho na kivalwa chako, mbari rose ra ndoenyi richanilomba irasimio.

KUZOYA 28:3

Mlungu Uwadie-Ndighi-Rose ndekurasimie, kuve kuchurikie na kukaia mbari nyingi.

KUZOYA 48:4

‘Nichakubonya oho kuve kwa wungi na kuchurikia, na kivalwa chako chichawuya mbari nyingi, na isanga iji jichawuya ifwa ja kala na kala ja kivalwa chako.’

KUZOYA 6:18

Ela nichajimangisha ilaghano japo na oho, na oho kuchangia safinenyi andwamweri na wana wako, na muka wako, na waka wa wana wako.

1 WAZURI 3:8

Na ini mdumiki wako neko aghadi ya wandu wako korewisaghueghe; wandu wengi wisetalikagha.

2 WAZURI 13:23

Ela BWANA ukakaia na wughoma aighu ya wandu wake, ukaghaluka uwitesie kwa wundu ghwa ijo ilaghano orejibonyereghe na Abrahamu, Isaaka, na Jakobo; ndewerewitoteshereghe hata nderewisighieghe jingi.

NEHEMIA 2:20

Niko ngawitumbulia, “U Mlungu wa mlungunyi uchadisimisha. Isi de wadumiki wake, nesi dichawuka diaghe sena; ela inyo ndemne hachi ya kilambo chingi Jerusalemu, hata ndemmbwadie ifungu jingi ja mawiko ghake.”

NEHEMIA 9:23

Korewinekieghe kivalwa kingi sa nyerinyeri ra mlungunyi. Kukawibonya wijikaie isanga korewilaghirieghe weke ndee kukaia wichajipata.

ZABURI 107:38

Wadawirasimia wandu wake wichurikie kwa wungi, na mfugho rawo nderisighagha ripunguo.

ZABURI 89:3

Oho kwaghambie, “Namerie kubonya ilaghano na msaghulwa wapo, ngamghemia Daudi mdumiki wapo ngighamba:

KUFUMA 1:7

Ela kivalwa cha Israeli werekoghe wikiva na kuchurikia kwa wungi; wikachurikia na kukaia na ndighi loli-loli, nawo wikachua ijo isanga.

KUFUMA 2:25

Mlungu ukawiwona wandu wa Israeli, ukaghumanya wasi ghwawo.

KUFUMA 6:4

Wokoni nerebonyereghe ilaghano japo nawo, ja kuwineka isanga ja Kanaani, isanga werejikaieghe kiwughenyi.

ISAYA 55:3

“Deghenyi madu ghenyu munichee, sikirenyi, mpate kukaia moyo; nani nichabonya ilaghano ja kala na kala andwamweri nenyo, kwa wundu ghwa lukundo lwapo lwa loli lukatie kwa Daudi.

JEREMIA 23:3

Nani nichatumbanya masighariko gha wandu wapo kufuma masanga ghose nerewiwingieghe, na kuwiwunja andu kwawo; nawo wichava na kuchurikia.

JEREMIA 23:4

Nichawika wabonyi nguma wazima awo wichaawibonyera nguma nicha na kuwilindia. Ndewichaaobua sena, hata ndewichaafushwa waya, angu ungi kulaghaya sena anduangi.

JEREMIA 33:3

“Niwange nani nichakutumbulia; nichakughoria maza mbaa rivisikie, iro kusererimanyireghe.

EZEKIELI 16:62

Nichamangisha ilaghano japo na oho, na oho kuchamanya kukaia ini ne BWANA.

EZEKIELI 36:9

Ola ini neko luwaru lonyu, nani nichamghalukia na kubonya isanga jawo jilimo na kuwalwa.

WALAWI 26:15

na kuleghatala sharia rapo na kuzamilwa ni malaghiro ghapo, hata mlemo ni kurikatisha na kuchikanya ilaghano japo,

LUKA 1:72

uwibonyere wughoma orewilaghirieghe weke aba, kwa kujikumbuka ilaghano jake ja wueli.

WUKUMBUSO 28:11

BWANA uchakubonya kuwone mecha kwa wungi; kuchava kwa wungi, na mfugho rako rive kwa wungi, na ndoe yako ive kwa wungi andenyi ya ijo isanga BWANA Mlungu wako orewighemieghe weke ndeyo kukaia uchakuneka.

WUKUMBUSO 28:4

Kucharasimilwa kuve wana wengi; ndoe ichava kwa wungi na nyamandu, na mfugho rako richachurikia, na wana wa ng'ondi wako.

WUKUMBUSO 7:13

Uchamkunda na kumrasimia na kum'bonya mchurikie na kuva wana wengi; ucharasimia mbuwa renyu mpate viro, divei na mavuda; uchamrasimia mkaie na ng'ombe na ng'ondi nyingi. Uchamrasimia isangenyi seji orewilaghirieghe weke ndeyo kukaia uchawineka.

WAEBRANIA 8:9

Ndejiko sa jija ilaghano nerejibonyereghe na weke ndee; iji nerewiwadieghe mkonu na kuwighenja, ngiwifunya isanga ja Misri; angu ndeweredueghe kwa ilaghano japo, na kwa wundu ugho, secheewuyawitala anduangi waghamba Bwana.