WALAWI 26:5 - Biblia Ilagho Jiboie Kwa Wandu Wose

⁵ Mchakaia na vindo vingi, hata modekuwidagha viro ngelo ewaya zabibu, na kuwaya zabibu ngelo ewa viro. Muchaja vindo venyu na kughuda, na kukaia isangenyi konyu kwa sere.

WALAWI 26:5 ပူးပေါင်းရင်းမြစ်များ

ZABURI 144:13

Nganya redu nderichuo viro va mbari rose; ng'ondi redu nderive maelfu gha wana milambenyi kodu.

ZABURI 90:1

BWANA, oho ko andu kodu kokaia matuku ghose.

KUFUMA 16:8

Musa ukawizera, “Ni BWANA uchaamneka nyama reja nakenyi, na mikate emghudisha nakesho, angu wasikira mazughunuko ghenyu mwam'bonyera. Isi deko kii? Ndemuwuedizughunukia isi, ela mwaawuyamzughunukia BWANA.”

MAKATANISHO 1:33

Ela uhu unisikiragha uchadua banana; uchakaia banana, nao ndechaobua kiwiwi chingi anduangi.”

MAKATANISHO 18:10

Irina ja BWANA ni mnara ghumange; mhachi wadaghukimbiria na kukaia banana.

ISAYA 1:19

Mkarumiria na kunisikira, mchaja mecha gha isanga;

ISAYA 30:23

Mkawa mbeu renyu ndoenyi, BWANA uchamredia vua, nenyu mchakuwida viro kwa wungi. Ngelo iyo mfugho renyu richakatwa ni nyasi.

JEREMIA 23:6

Matuku ghake Juda uchakirwa, na Israeli uchakaia banana; nao uchawangwa kwa irina iji, ‘BWANA nuo hachi yedu.’

HOSEA 2:18

“Ituku ijo nichabonya ilaghano na nyamandu, nyonyi, na shimandu riavuagha andoenyi, kukaia nderichaabonya wandu wapo ilagho jingi. Wokoni nichainja ndana rose na chufu relwa wuda isangenyi na wandu wapo wichakaia banana.

HOSEA 2:20

Nichamangisha ilaghiro japo na kukubonya kukaie wapo; na oho kuchanirumiria kukaia BWANA.

JOELI 2:19

BWANA ukawitumbulia wandu wake ukighamba, “Olenyi nimredia viro, na divei na mavuda ghimkate; wandu wa iro mbari zima ndewichaammenya sena anduangi.

JOELI 2:22

Inyo nyamandu ra isakenyi msakeobua, Milamba yabusa nyasi mbishi, na midi iava matunda. Tini na zabibu rachua na ndighi.

JOELI 2:26

Idana mchaja na kughuda, nenyo mchamkasa BWANA Mlungu onyu um'bonyere maza ra mashiniko. Na jingi inyo wandu wapo ndemchaafushwa waya sena anduangi.

AMOSI 9:13

BWANA waghamba, “Olenyi matuku ghiacha, mbeu ichabuka na kuzoghua naiseghe kuchumba seji idimagha kukuwidwa, na zabibu richawurwa shwa-shwa kuchumba seji divei idimagha kuboiswa. Mighondi ichafunya divei isingie, na mighondi mitini ichadika-dika divei.

MATHAYO 23:37

“Ee Jerusalemu, Jerusalemu, kubwaghagha walodi na kuwilasa na magho awo widumwagha kwako. Ni kalinga neretimieghe kuwikwanya wana wako, seji nguku ivikwanyagha vana vake aisi ya mawawa ghake, ela kukalegha.

MABONYO GHA WADUMI 14:17

Ela sena nderekusighieghe uo moni kuseko na wushuhuda, angu orebonyereghe nicha kwa kumneka vua kufuma mlungunyi, na vimu va mvono; ukamneka vindo, na kuchura ngolo renyu kuboilwa.”

WUKUMBUSO 11:15

Nao uchazoghora nyasi kwa wundu ghwa mifugho renyu, nenyo mchaja na kughuda.

1 TIMOTHEO 6:17

Kuwilaghire awo wandu wiko na mali andenyi ya wurumwengu ughu wisakekukasa, hata wisakewika isuwirio jawo kwa mali riidagha, ela wijiwike kwa Mlungu, uo udinekagha vindo vose kwa wungi dipate kuboilwanya navo.

1 PETRO 1:5

inyo mlindilwagha ni ndighi ra Mlungu, kwa chia ya irumirio; mpate kuvikia kukia kuko tayari kufunukulwa ngelo ya kutua.