WALAWI 26:45 - Biblia Ilagho Jiboie Kwa Wandu Wose

⁴⁵ Ela kwa wundu ghwawo, nichajikumbuka ilaghano japo sena, ijo nerejibonyereghe na weke ndee, awo nerewifunyireghe isanga ja Misri mbari zima rikiwona eri nipate kukaia Mlungu wawo; Ini ne BWANA.”

WALAWI 26:45 ပူးပေါင်းရင်းမြစ်များ

KUZOYA 12:2

Nichakubonya kukaie mbari mbaa, sena nichakurasimia na kujibonya irina jako jikaie ibaa; kupate kuwuya marasimio.

KUZOYA 15:18

Ituku ijo BWANA ukabonya ilaghano na Abramu ukighamba, “Kivalwa chako nachineka isanga iji, kufuma Moda ghwa Misri hata moda ghuja m'baa ghwa Eufrate,

KUZOYA 26:24

Nao BWANA ukamfutukia icho kio cheni ukamzera, “Ini ne Mlungu wa ndeyo Abrahamu, kusakeobua angu ini neko andwamweri na oho, nani nichakurasimia na kuchichuria kivalwa chako kwa wundu ghwa mdumiki wapo Abrahamu.”

KUZOYA 28:15

Ola neko andwamweri na oho kukuwika na kukulindia andu kose kuchaaghenda, nani nichakuwunja isanga iji; angu sichaakusigha hata nameria kujikatisha ijo nakulaghira.”

KUZOYA 9:15

nichakumbuka ilaghano japo jiko aghadi yapo na inyo, na mimbi yose iko moyo, na machi ndeghichaakaia gharika ebwagha mumbi ghungi jingi sena anduangi.

ZABURI 106:45

Kwa wundu ghwawo, ukakumbuka ilaghano jake, na kwa wundu ghwa lukundo lwake lukatie, ukahoresha machu ghake.

KUFUMA 2:24

Na Mlungu ukakumbuka ilaghano jake orejibonyereghe na Abrahamu, Isaaka, na Jakobo.

KUFUMA 20:2

“Ini ne BWANA Mlungu wako, nerekufunyireghe isanga ja Misri, kufuma wuzumbenyi.

KUFUMA 6:6

Kwa huwu kuwizere wandu wa Israeli, ‘Ini ne BWANA, nani nichamfunya mfume kwa iyo mizigo ya Wamisri, mfume wuzumbenyi ghwawo. Nichamkombua kwa mkonu ghughorokie ghwa ndighi, nani nichawitanya;

KUFUMA 6:8

Nani nichamreda kwa ijo isanga nereghemieghe kumneka Abrahamu, Isaaka na Jakobo jikaie ifwa jenyu. Ini ne BWANA.’”

EZEKIELI 20:14

Ela kwa wundu ghwa irina japo, serebonyereghe huwo, eri jisechesholelwa na kulushwa mesonyi kwa iro mbari ra wandu werekaieghe aghadi kwawo; iro ini nerekumanyishireghe nimoni kwa kuwifunya wandu wa Israeli isanga ja Misri.

EZEKIELI 20:22

Ela nereghughirieghe mkonu ghwapo ghusebonye wuwiwi ghungi kwa wundu ghwa irina japo, eri jisechelushwa aghadi ya iro mbari ra wandu, iro ini nerekumanyishireghe nimoni kwa kuwifunya Israeli isanga ja Misri.

EZEKIELI 20:9

Ela kwa wundu ghwa irina japo serebonyereghe huwo; eri jisechesholelwa na kulushwa imbiri ya mbari ra wandu iro werekaieghe aghadi yawo; awo ini nerekumanyishireghe nimoni kwawo kwa kuwizera Waisraeli nichawifunya isanga ja Misri.

WALAWI 11:45

Ini ne BWANA, uo oremfunyireghe isanga ja Misri, eri nipate kukaia Mlungu onyu, kwa huwo mchakaia muelie angu Ini ne Mweli.

WALAWI 22:33

uo orekufunyireghe isanga ja Misri eri upate kukaia Mlungu wako; Ini ne BWANA.”

WALAWI 25:38

Ini ne BWANA Mlungu wako, uo ukufunyire isanga ja Misri, upate kukuneka isanga ja Kanaani, nao moni ukaie Mlungu wako.

WAROMA 11:12

Idana ikakaia ikosa jawo jiareda mecha wurumwengunyi kwa wungi, na kulemwa kwawo kuareda mecha kwa wandu wa mbari zima kwa wungi, kukata kwawo-lee kuchachumba saki kureda marasimio?

WUKUMBUSO 4:31

Angu BWANA Mlungu wako ni Mlungu wa wughoma; ndechaakusigha hata kukutotesha angu kujiliwa ilaghano orejibonyereghe na weke ndeyo, ijo orejibonyereghe kwa ighemi.

WUKUMBUSO 9:27

Kumbuka mdumiki wako Abrahamu, na Isaaka na Jakobo; kusaketala kughilika kwa awa wandu, hata mawiwi ghawo, na kaung'a yawo.