WALAWI 26:41 - Biblia Ilagho Jiboie Kwa Wandu Wose

⁴¹ nani ngawilegha na kuwireda andenyi ya isanga ja wamaiza wawo; wikaghaluka ngolonyi kwawo na kukusera, hata wiboise makosa ghawo,

WALAWI 26:41 ပူးပေါင်းရင်းမြစ်များ

1 WAZURI 21:29

“Kwawuyammbona Ahabu seji wakusera imbiri kwapo? Angu wakusera huwo imbiri kwapo, sichaareda ugho wuwiwi matuku ghake, ela nichairedia nyumba yake agho mawiwi matuku gha mwana wake.”

2 MALAGHO GHA NGELO 12:12

Mzuri uendakusera, BWANA ukahoresha machu ghake aighu yake hata ndemcheemtotesha putu, na aighu ya agho, Juda ikakaia nicha.

2 MALAGHO GHA NGELO 32:26

Ela Hezekia uendakusera, uo moni na wandu wikaiagha Jerusalemu, BWANA ndechewikaba matuku ghake.

2 MALAGHO GHA NGELO 33:19

Ilombi jake, na seji oremvoyeghe Mlungu ukasikirwa, kaung'a rake, na kusowa wuloli kwake, na andu oreaghieghe andu kotasira mighondinyi, na kuwika fwana ra mlungu ghwa waka Ashera, na fwana ra milimu imbiri usekuserie moni ghaandikilo andenyi ya Malagho gha Ngelo gha Mmboni.

2 MALAGHO GHA NGELO 33:23

Hata nderekuserieghe imbiri ya BWANA seji ndee Manase orebonyereghe. Ela uo Amoni orechurieghe kungia makosenyi kuchumba.

EZRA 9:13

Hata ngera dapatiro ni agho ghose ghikikaia ikabo kwa wundu ghwa kaung'a redu nyingi, ndekudikabie seji idifwane dikabo, kukadisighia wulalo ghokaia moyo.

EZRA 9:15

Ee BWANA Mlungu wa Israeli, oho koko mloli, ela kwadisighie dikaie moyo. Dahea mawiwi ghedu kwako; ndedifwane isi kusoghoda imbiri kwako.”

NEHEMIA 9:33

Korekoghe na hachi edikaba; korekoghe mloli hata ngera isi dabonyere kaung'a.

ZABURI 39:9

Nichanyama kima nisedede, angu ni oho kubonyere agho.

KUFUMA 10:3

Nao Musa na Haruni wikaghenda na kungia kwa Farao wikamzera, “Bwana, uo Mlungu wa Waebrania waghamba huwu, ‘Kuchalegha kukusera imbiri kwapo hata lii? Sigha wandu wapo wighende winidumikie.

JEREMIA 4:4

Mumsikire BWANA, muinje wuchafu ghwa ngolo renyu inyo wandu wa Juda na wa Jerusalemu; machu ghapo ghisecheaka sa modo, hata mndungi usewoneke odima kughirimisha, kwa wundu ghwa wuwiwi ghwa mabonyo ghenyu.”

JEREMIA 6:10

Nani ngaghamba, “Malaghiro agha nimzera angu nimghoria ani udimagha kusikira? Ola madu ghawo ghafindikikie, ndeghidimagha kusikira; hata ilagho ja BWANA kwawo jakaia sa madukano, ndejikundikie kwawo; hata ndejiwiboiagha anduangi.

EZEKIELI 14:23

Ngolo yako ichahoa iji kwawona tabia rawo na mabonyo ghawo ghizamie, na oho kuchamanya kukaia malagho nighibonyere si gha duu anduangi. Ini Bwana MLUNGU naghamba.”

EZEKIELI 20:43

Na aho mchakumbuka iro chia renyu mbiwi na mabonyo ghenyu morekunonieghe nagho; nenyo mchakuzamia mmbeni kwa wundu ghwa ugho wuwiwi ghose moreghubonyereghe.

EZEKIELI 44:7

Wawuyarumiria wandu wa kighenyi wiseshamishiro, hata wisenisikiragha, kungia andenyi ya Hekalu yapo na kuilusha, ingelo munifunyiragha vindo vapo, mavuda na bagha. Aho mwajichikanyire ilaghano japo, mkichuria ugho wuchafu ghonyu ghose.

EZEKIELI 44:9

“Kwa huwo, ini Bwana MLUNGU naghamba: Mghenyi ungi useshamishiro hata usenisikiragha, wiko aghadi ya wandu wa Israeli, ndeuchaangia Hekalunyi kwapo anduangi.

EZEKIELI 6:9

Wichanikumbuka ahoeni weredwaloghe wunyika aghadi ya iro mbari ra wandu, nyuma ya kuwikaba kwa wundu ghwa iro ngolo rawo risene wuloli riwishekerie kunilegha, na meso ghawo ghichue bea kwa wundu ghotasa milimu. Wichakuzamia weni kwa wundu ghwa agho mawiwi ghawo wereghibonyereghe, chiaimweri na maza ra wuchafu rose wiribonyere.

WALAWI 26:24

ini wori nichamghalukia na mbai na kumkaba mando mfungade kwa wundu ghwa kaung'a renyu.

WALAWI 26:28

nichamghalukia na kumkaba kwa kubia mando mfungade kwa wundu ghwa kaung'a renyu.

MITALO 5:7

ucharumiria kaung'a yake uibonyere na kuilipia ikosa jake ukichuria mirongo iwi kwa ighana na kumneka uo mundu umkosere.

MATHAYO 23:12

na uo ose ukujosagha moni uchaserwa, ela uo ose ukuseragha moni uchajoswa.

LUKA 14:11

Angu uo ose ukujosagha moni uchaserwa, na uo ose ukuseregha moni, uchajoswa.”

LUKA 18:14

Nao Jesu ukaghamba, “Namghoria, mmbwadi wushuru oreserieghe nyumbenyi kwake wanekwa hachi kuchumba Mfarisayo. Angu uhu ukujosagha moni, uchaserwa, na uhu ukuseragha moni, uchajoswa.”

MABONYO GHA WADUMI 7:51

“Inyo wandu mghilikie mseghalukagha, ngolo renyu na madu ghenyu gheeka sa gha watasi milimu, matuku ghose mwadamtangala Roho Mweli, sa iji koni weke ndeyo werekoghe wikibonya.

WAGALATIA 5:6

Angu andenyi ya Kristo Jesu, kushamishwa na kulegha kushamishwa si kindo chingi anduangi; ijo jikundikie ni irumirio jibonyagha kazi kwa lukundo.

WUKUMBUSO 10:16

Kwa huwo, kufuma idana, m'bonyo wawishi ngolonyi konyu, mseduo mghilikie.

WUKUMBUSO 30:6

Sena BWANA Mlungu onyu uchaboisa ngolo renyu na ra wana wenyu, mpate kumkunda BWANA Mlungu onyu kwa ngolo renyu rose, na kwa roho renyu rose, eri mpate kukaia moyo.

WUKUMBUSO 31:21

Na iji wapatwa ni mawiwi na kusumbuka kungi, ulu lumbo luchakaia lukinishuhudia aighu yawo, (angu luchadua lukiborwa ni wandu wa kivalwa chawo) kwa kukaia namanya seji wikunde kubonya hata imbiri nisewingirie ijo isanga nilaghirie nichawineka.”

WAFILIPI 3:3

Angu isi de wakushamishwa wa loli, wandu dimtasagha Mlungu kwa Roho, na kukukasa andenyi ya Kristo Jesu, hata ndediwueritala maza ra mumbi anduangi;

WAKOLOSAI 2:11

Andenyi kwake wori, inyo mwashamishiro, kwa kushamishwa kusebonyero ni mikonu anduangi, ela ni kuja kubonywagha ni Kristo moni kwa chia ya kughurua ghuja wundu ghwa mumbi ghwa kaung'a.