WALAWI 26:39 - Biblia Ilagho Jiboie Kwa Wandu Wose

³⁹ Awo wandu watini wichaasigharika andenyi ya isanga ja wamaiza wenyu, wichakaia wikipungua kwa wundu ghwa kaung'a rawo na kaung'a ra weke ndee.

WALAWI 26:39 ပူးပေါင်းရင်းမြစ်များ

2 MALAGHO GHA NGELO 34:24

ini BWANA nichareda mawiwi Jerusalemu, na kuwikaba wandu waro kwa njowe rose riandikilo andenyi ya chuo chishomelo imbiri ya mzuri wa Juda.

EZRA 9:7

Kufuma matuku gha weke aba, hata idana isi wandu wako dabonyere kaung'a na ndighi. Kwa wundu ghwa kaung'a redu, isi chiaimweri na wazuri wedu, na wakohani wedu, dangirie mikonunyi kwa wazuri wa kighenyi, dikabwaghwa, dikadwalwa wunyika, dikasokwa, na kusowelwa ishima, seji diko idime.

NEHEMIA 1:9

ela mkaniwuria na kughiwadia malaghiro ghapo, na kughibonya hata ngera mwasaghisiro hata kutua kwa ndoenyi, nichamkwanya na kumreda andu nikusaghue nitasoghe.’

KUFUMA 20:5

kusakevighoghomia hata kuvidumikia, angu ini BWANA Mlungu wako, ne Mlungu uko na iriso; nawikabagha wanake kwa wundu ghwa kaung'a ra weke ndee, hata kivalwa cha kadadu na cha kana; awo wizamilwagha ni ini;

KUFUMA 34:7

Nadakatisha lukundo lwapo kwa maelfu na maelfu gha wandu; nadaleka mawiwi na kaung'a, ela simtalagha mkosi kukaia ndekosere anduangi, hata wana wa wana wawo kuvikia kivalwa cha kadadu na cha kana kwa wundu ghwa kaung'a ra wavi wawo.”

ISAYA 14:21

Kudeghenyi m'bwaghe wana wake kwa wundu ghwa wuwiwi ghwa weke ndee, wisechewuka na kujibonyera isanga nguma, na kuchura mizi yawo wurumwengunyi.”

ISAYA 24:16

Kufuma kutua kwa ndoenyi, dasikira chumbo ra makaso; ni chumbo remkasa Uo Mhachi. Ela ini nawuyaghamba, “Naawuyasia, ni bugha kwapo naawuyasia! Kwa kukaia Mkalii waawuyanifunya kwa mikalo, waawuyanifunya kwa mikalo.”

JEREMIA 29:12

Niko aho mchaniwanga, mchacha na kunilomba; nani nichasikira.

JEREMIA 3:25

Idana ndedilale andonyi kwa wundu ghwa waya ghodu, na uko kusowekelwa ni ishima kodu ndekudifinikire; kwa kukaia dabonyere kaung'a kwa BWANA Mlungu odu, chiaimweri na weke aba, kufuma wanake ghodu hata idime, hata ndederelusikireghe lwaka lwa BWANA Mlungu odu anduangi.”

JEREMIA 31:29

Ngelo iyo, wandu ndewichaaghora sena: ‘Wavi wajie zabibu mbishi, na wana wikawadwa ni changarari.’

KILILO CHA JEREMIA 1:3

Wandu wa Juda wadwalo wunyika na kubonywa wazumba; wakaia isanga izima jiseko jawo jeni. Warughailwa ni wamaiza wisedimagha kufufunuka.

KILILO CHA JEREMIA 4:9

Wandu wifue wudenyi weko baa kuchumba awo wicheefwa na njala mboa mboa kwa kusowa vindo vewikaisha moyo.

EZEKIELI 18:19

“Ela sena kwaawuyakotia, ‘Kwaki mwana usakabwaa kwa wundu ghwa mawiwi gha ndee?’ Mwana ukabonya agho ghikundwagha ni sharia na gha hachi, nao ulindie sharia rapo na memu yapo yose, loli uchakaia moyo.

EZEKIELI 20:43

Na aho mchakumbuka iro chia renyu mbiwi na mabonyo ghenyu morekunonieghe nagho; nenyo mchakuzamia mmbeni kwa wundu ghwa ugho wuwiwi ghose moreghubonyereghe.

EZEKIELI 24:23

Mcharigha viremba venyu vongonyi konyu, na kurwa vadu venyu; ndemchaalila angu kukema mchungu, ela mchataruma kwa wundu ghwa kaung'a renyu, mkisirimikiana mmbeni na mmbeni.

EZEKIELI 33:10

“Na oho ee mwana wa mdamu, ghoria wandu wa Israeli huwu: Inyo mwaawuyaghamba, ‘Makosa ghedu na kaung'a redu diribonyere reeka nyingi, naro raawuyadidarumisha; welee, dikaia wada moyo?’

EZEKIELI 36:31

Mchakumbuka chia renyu rizamie na agho mabonyo ghenyu ghizamie, nenyo mchakuzamia mmbeni kwa agho mabonyo ghenyu ghizamie gha wuchafu moreghibonyereghe.

EZEKIELI 4:17

Nichabonya huwo eri wipungukilo ni mkate na machi; wichazighanana wikishinika, nawo wichadaruma kwa wundu ghwa ikabo jawo.

EZEKIELI 6:9

Wichanikumbuka ahoeni weredwaloghe wunyika aghadi ya iro mbari ra wandu, nyuma ya kuwikaba kwa wundu ghwa iro ngolo rawo risene wuloli riwishekerie kunilegha, na meso ghawo ghichue bea kwa wundu ghotasa milimu. Wichakuzamia weni kwa wundu ghwa agho mawiwi ghawo wereghibonyereghe, chiaimweri na maza ra wuchafu rose wiribonyere.

HOSEA 5:15

“Nichawisigha wandu wapo hata witiriro ni kaung'a rawo kwa kukata; wiwonecha wikinilola. Kewada andenyi ya matiriro ghawo, wadima kunilola hata winiwone.”

ZEKARIA 10:9

Hata ngera nerewisaghisireghe aghadi ya mbari ra wandu, ela sena wichanikumbuka wiko ahoeni masanga gha kula; nawo, chiaimweri na wana wawo wichakaia moyo na kuwuya sena isangenyi.

MITALO 14:18

‘Ini BWANA sijokwagha ni machu shwa-shwa; neko na lukundo lubaa, nani nadafuya wughoma na kuleka makosa; simtalagha mkosi kukaia ndekosere; nadawitalia wana makosa gha weke ndee hata kivalwa cha kadadu na cha kana’.

WUKUMBUSO 28:65

Ndekuchaapata andu kungi kohoresha kudimagha kukuwanga kwako aghadi ya iro mbari: ela BWANA uchakuneka ngolo ya kiture, na kusilwa kusowa kwa roho na akili.

WUKUMBUSO 30:1

“Idana nakuwikia wusaghui aghadi ya irasimio na njowe. Maza iri rose rikakupata ingelo kuko aghadi ya mbari rose iro BWANA Mlungu ukusasarie kwendekaia, kuchakumbuka wusaghui nikunekie.

WUKUMBUSO 5:9

kusakerighoghomia, hata kuritasa. Angu ini BWANA Mlungu wako ne Mlungu uwadie iriso; nadawikaba wanake kwa wundu ghwa makosa gha weke ndee, hata kivalwa cha kadadu na cha kana cha awo wizamilwaghwa ni ini;

WUKUMBUSO 8:20

Mchatota karakara na iro mbari BWANA uribonyagha ritote imbiri konyu; nenyo mchatota, kwa kukaia mwaleghie kumsikira BWANA Mlungu onyu.