WALAWI 26:32 - Biblia Ilagho Jiboie Kwa Wandu Wose

³² Nichajinona isanga jenyu putu, hata awo wamaiza wichaajikaia wishinulo ni uko kunoneka kwaro.

WALAWI 26:32 ပူးပေါင်းရင်းမြစ်များ

1 WAZURI 9:8

Hekalu ihi ichawuya kifungu cha ighacho. Kula mundu uchaaida chienyi uchaaturukia na kushinika ukikotia, ‘Kwaki BWANA ujibonyere iji isanga na ihi Hekalu huwu?’

ISAYA 24:1

Olenyi BWANA uchaikaba ndoe, na kuiboya isigho nduu; uchaivurugha na kuwisaghisa wandu wikaiagha andenyi yaro.

ISAYA 5:6

Nichaisigha inoneke putu, mizabibu ndeichaaboiswa hata kulimilwa; nayo ichabukwa ni isaka na minjwa. Nichalaghira mawingu ghisenyeshe vua ingi aighu yake sena.”

ISAYA 5:9

Bwana waghemie huwu ngisikira, “Loli nyumba nyingi mbaa sena righokie, richasighwa nduu risena wandu wekaia.

ISAYA 6:11

Niko ngakotia, “Hata lii ee BWANA?” Ukanitumbulia, “Hata mizi yanonwa na kusighwa miduu, na nyumba rikaie risene wandu, na isanga kusighwa iduu putu,

ISAYA 64:10

Mizi yako ya wueli eewuya sa kireti, Sioni eewuya kireti, Jerusalemu ikasighwa duu.

JEREMIA 12:11

Wamerie kujibonya isanga jikaie iduu, jawurie iduu hata jianililia isanga jose jeewuya kireti, ela ndekuwadie mndungi wawuyajiririkanya ngolonyi kwake anduangi.

JEREMIA 18:16

Wamerie kubonya isanga jawo jishinikilo, kilambo chesholelwa ngelo rose. Wandu wichaaida aho wichazighana na kushinika, nawo wichasughusa vongo vawo.

JEREMIA 19:8

Na muzi ughu nichaghubonya ghuzomelo na kushinikilwa ni kula mundu uidagha, kwa wundu ghwa uko kunoneka kwaro.

JEREMIA 25:11

Isanga jose jichasigharika iduu jimerie kunoneka, na iri mbari ra wandu richamdumikia mzuri wa Babuloni kwa miaka mirongo mfungade.

JEREMIA 25:18

Jerusalemu na mizi yose ya Juda na wazuri wawo na wabaa wawo wikanywa; wipate kuwuya wuduu, wa kumenywa, kusekwa na wa kuwasirwa njowe seji koni iko linu.

JEREMIA 25:38

BWANA wasighie andu kwake sa shimba isighie mbanga yake, isanga jawo jawurie iduu, kwa wundu ghwa wuda ghwa mkorongi, na kwa wundu ghwa agho machu ghake ghibirie.”

JEREMIA 33:10

BWANA waghamba huwu, “Mwawuyaghamba wei isanga iji jeesighwa iduu jisene mundu hata nyamandu; ela sena, andenyi ya ihi mizi cheni ya Juda na chia ra Jerusalemu, ireni riko nduu risewadie wandu hata nyamandu, luchasikirika sena

JEREMIA 44:2

“BWANA wa majeshi, Mlungu wa Israeli ukaghamba mwamerie kuwona wuwiwi ghose nereghuredieghe aighu ya Jerusalemu, na aighu ya mizi yose ya Juda. Zighanenyi idime eeka miduu isewadie mndungi wawuyakaia aho,

JEREMIA 44:22

BWANA ndedimie kurumaghia wuwiwi na wuchafu ghonyu moregubonyereghe. Kwa wundu ugho, isanga jenyu jeesighwa iduu jisewadie wandu, jiwadilo ni njowe sa iji jiko idime.

JEREMIA 9:11

BWANA waghamba, “Nichaibonya Jerusalemu iwuye kitungasi, ichawuya wulalo ghwa mizozo; na mizi ya Juda ikaie miduu, isekailwagha ni wandu.”

KILILO CHA JEREMIA 4:12

Ndekuwadie mndungi angu m'bonyi nguma ungi wa masanga gha kighenyi, orerumirieghe wei oko ungi udimagha kuwadia mbenge ra Jerusalemu.

KILILO CHA JEREMIA 5:18

kwa wundu ghwa Mghondi ghwa Sioni kusighwa mduu, na mizozo kusela-sela aighu ya kunoneka kwaro.

EZEKIELI 5:15

Kuchasholelwa na kusekwa; kuchaobolwa na kusekwa; kuchaobolwa na kuwuya ifundisho kwa iro mbari ra wandu rikumarie chia rose, ingelo nichaakutanya kwa machu na kubia, nani nichakuwunja kwa kubia, ini BWANA naghamba.

DANIELI 9:18

Degha kudu kwako kusikire ee Mlungu wapo; zighana kuwone wuduu ghodu, na ugho muzi ghuwangilo kwa irina jako. Ndediwuekuvoya angu wei diko na hachi ingi imbiri kwako, ela ni kwa wundu ghwa wungi ghwa wughoma ghwako.

DANIELI 9:2

Mwaka ghwa imbiri ghwa kubonya nguma kwake, ini Danieli nerekoghe ngishoma vuo na dini, na kuririkanya malagho gha iyo miaka mirongo mfungade Jerusalemu ichaakaia ighacho kunughana na seji BWANA oremghorieghe.

HABAKUKI 3:17

Hata ngera mtini ghwakaia ghusewadie matunda, na zabibu kusoweka aighu ya mizabibu; hata ngera matunda gha mizeituni ghasoweka na mbuwa kusowa vindo, hata ngera ng'ondi rasia chaghenyi na ng'ombe kusoweka putu boronyi;

LUKA 21:20

“Iji mwawona Jerusalemu yamarwa ni majeshi, aho mmanye angu kunoneka kwaro kwalighisa.

WUKUMBUSO 28:37

Kuchaobolwa ni wandu, kuseko na kumenywa ni wandu wose andu BWANA uchaakughenja.