WALAWI 26:30 - Biblia Ilagho Jiboie Kwa Wandu Wose

³⁰ Nichakunona andu konyu kwa ighu kotasira, na kughinona madhabahu ghenyu ghefukiria marumba; nicharikumba gharia ra mimbi yenyu aighu ya milimu yenyu ifue; nichazamilwa ni inyo.

WALAWI 26:30 ပူးပေါင်းရင်းမြစ်များ

KUZOYA 19:13

kwa kukaia dichakutotesha andu aha, angu kililo aighu ya wandu waro chakaia kibaa imbiri ya BWANA, nao wadiduma dikutoteshe.”

1 WAZURI 13:2

Niko uja mlodi ukaghikemia madhabahu kwa kunugha malaghiro gha BWANA ukighamba, “Ee madhabahu, madhabahu, BWANA waghamba huwu: ‘Mwana wa womi wa kivalwa cha Daudi uchavalwa na irina jake uchawangwa Josia. Uchawibwagha aighu yako wakohani widumikagha aighu yako, na maindi gha wadamu ghichakorwa aighu yako.’”

1 WAZURI 13:32

Malagho ughighorie kwa irina ja BWANA aighu ya madhabahu ghiko Betheli, na aighu ya iro nyumba retasira riaghilo mghondinyi andenyi ya mizi ya Samaria, kwa loli ghichakatia.”

2 WAZURI 23:16

Niko Josia ukaghaluka na kuwona makaburi aighu mghondinyi. Ukaduma wandu wiendefunya maindi gha wandu aho, ukaghikora aighu madhabahunyi na kuilusha kunughana na ilagho ja BWANA jereghoreloghe ni mundu wa Mlungu uo orefunyireghe wulodi aighu ya maza iro.

2 WAZURI 23:20

Ukawibwagha wakohani wose wa andu kotasira milimu mighondinyi aighu ya madhabahu, ukakora maindi gha wandu aighu yaro, na kuwuya Jerusalemu.

2 WAZURI 23:8

Ukawireda wakohani wose Jerusalemu kufuma mizi ya Juda, ukakunona-nona andu kotasira milimu mighondinyi, aho wakohani werekoghe wikifukiria marumba kufuma Geba hata Beer-sheba; ukachikanya andu kotasira milimu aho mbengenyi ya Joshua, uo m'baa wa muzi, korekoghe luwaru lwa mkonu ghwa kiwaka ghwa iyo mbenge mbaa ya muzi iji mundu wakangia.

2 MALAGHO GHA NGELO 23:17

Wandu wose wikaghenda hekalunyi kwa Baali wikaivuchua, wikabara madhabahu na fwana raro, wikam'bwagha mkohani wa Baali uwangwagha Matani imbiri ya madhabahu.

2 MALAGHO GHA NGELO 31:1

Nao iji Ndima yasia, wandu wose wa Israeli werekoghe aho, wikaghenda mizinyi ya Juda, wikachikanya nguro retasa vipande vipande, na kuinja fwana ra ghuja mlungu ghwa waka Ashera, na kunona andu kotasira mighondinyi, na madhabahu riko andenyi ya isanga ja Juda, na Benjamini, na Efraimu, na Manase, hata wikaritotesha rose. Niko wandu wose wa Israeli wikawuya mizinyi kwawo kula mundu andu kwake.

ZABURI 106:40

Niko BWANA ukajokwa ni machu aighu ya wandu wake; wikamzamia na ndighi.

ZABURI 89:38

Ela idana kwam'bonyera machu Msaghulwa wako, kukamlegha na kummbinga noko.

ISAYA 27:9

Kwa huwo, kaung'a ya wandu wa Israeli ichainjwa kwa chia iyo, na agha ghichakaia ni matunda gha kuinjirwa kaung'a yake iji magho gha milungu ya kighenyi ghainjwa na kusheghwa sa chokaa, na iji madhabahu ra mlungu ghwa waka Ashera, na iro refukira marumba rameria kuinjwa.

JEREMIA 14:19

BWANA, loli koomlegha Juda putu? Koozamilwa putu ni wandu wa Jerusalemu? Kwaki kwadikaba huwu hata disedimagha diboo? Deresuwirieghe kupata sere, ela ndediwonie wucha ghungi deresuwirieghe ngelo eboa iche, ela dikaapata mashaka.

JEREMIA 16:18

Nani nichalipia mawiwi ghawo na kaung'a rawo mando awi, kwa kukaia wamerie kujinona isanga na gharia ra milimu yawo izamie, na kuchura ifwa ja isanga japo wuchafu.”

EZEKIELI 16:39

Nichakungira mikonunyi kwa awo wakundwa wako, nawo wichachikanya nyumba rako retasira, na andu kwako kotasira mighondinyi; wichakurua nguwo rako, na kuwusa lulu rako riboie; nawo wichakusigha duu putu.

EZEKIELI 43:7

ukanizera, “Mwana wa mdamu, aha ni andu kwa kifumbi chapo cha nguma, sena ni andu kowikiria chwau rapo, andu nichaakaia aghadi ya wandu wa Israeli kwa kala na kala. Wandu wa Israeli chiaimweri na wazuri wawo, ndewichaajilusha irina japo kwa kutasa milimu yawo sena, angu kwa kurika gharia ra wazuri wawo aha;

EZEKIELI 6:13

Nenyo mchamanya angu ini ne BWANA, ingelo awo wandu wawo wibwaghilo walala aghadi ya milimu yawo wamara madhabahu rawo chia rose, kula mghondi mtini ghuko ighu, na aighu ya mido ya mighondi mibaa yose, na aisi ya kula mudi ghudeghedekie, na aisi ya kula mualoni ghukambie malemba, andu kose werekoriagha milimu yawo yose vizongona vinukie nicha.

HOSEA 10:2

Wandu wiko na ngolo ra mikalo suti wipato ni wasi kwa wundu ghwa wuwiwi ghwawo. BWANA ucharichikanya madhabahu rawo, na kurinona nguro rawo retasa.

WALAWI 20:23

Msakenugha tabia ra wandu nawuayawifunya imbiri konyu angu kwa kubonya agho mawiwi, niko winizamie.

WALAWI 26:11

Nichakaia aghadi konyu, hata sichazamilwa ni inyo anduangi.

WALAWI 26:15

na kuleghatala sharia rapo na kuzamilwa ni malaghiro ghapo, hata mlemo ni kurikatisha na kuchikanya ilaghano japo,

AMOSI 6:8

Bwana MLUNGU waghema kwa uo moni, ukighamba, “Nazamilwa ni uko kukujosa kwa wandu wa Israeli na iro ngome rawo; nani nichaghufunya muzi ghwawo na vose viko andenyi yaro kwa wamaiza.”

AMOSI 7:9

Aho andu wandu wa kivalwa cha Isaaka weretasiragha kuchatoteshwa. Andu kwa Wueli kwa Israeli kuchanoneka. Nicharimeria nguma ra Mzuri Jeroboamu.”

WUKUMBUSO 32:19

“BWANA uendawona agho ukakaia na machu; ukawisigha wana wake wa womi na wa waka.