WALAWI 26:16 - Biblia Ilagho Jiboie Kwa Wandu Wose

¹⁶ nicham'bonya huwu: Nichamredia maza reobosha, makongo ghiseboagha, homa rem'bwagha meso na kumeria marangi ghenyu. Mchawa viro, ela ndemchaapata kindo chingi; kwa kukaia wamaiza wenyu wichavija.

WALAWI 26:16 ပူးပေါင်းရင်းမြစ်များ

1 WAZURI 8:37

“Njala ikakaia isangenyi, angu saka izamie angu makongo gha miwalwa, angu zighe, angu mwapazi, sena wamaiza wawo wikawirughaia wikawingiria na kuwada ghumu ghwa mizi yawo, ngera ni wukongo ghwa ngawawi, angu wukongo ugho ghose;

AYUBU 18:11

Wachulwa ni wowa ii chia na ii chia; wakimbirishwa kula andu.

AYUBU 20:25

Jicharudwa jikulo mumbinyi kwake. Kirau ching'ala-ng'ala chichafunywa ngochonyi kwake, nao uchangilwa ni wowa m'baa.

AYUBU 31:8

wazima ndewije ivo niwae; na miwalwa yapo ndeikulo.

ZABURI 109:6

Saghuonyi mundu mmbiwi usimane nao; m'maiza wa uo mbiwi ndemshitakie.

ZABURI 73:19

Wanoneka shwa-shwa! Wainjwa na kusoweka kwa chia eobosha.

ZABURI 78:33

Kwa huwo ukaghimeria matuku ghawo sa miruke, na miaka yawo kwa kuobua.

KUFUMA 15:26

“Ngera mchalusikira lwaka lwa BWANA Mlungu onyu kwa loli, na kubonya agho ghiko gha hachi imbiri kwake, kwa kuiwadia sharia yake na malaghiro ghake, niko aho nisechaamredia makongo agho nerewiredieghe Wamisri; kwa kukaia Ini ne BWANA m'boisi wako.”

MAKATANISHO 3:33

BWANA wadaiwasira mizi ya wawiwi njowe! Ela wadairasimia mizi ya wahachi!

ISAYA 10:4

Jasigharika ni inyo kubwaghwa wudenyi na kudwalwa sa wafungwa. Hata huwo saki, machu gha BWANA ndeghisirie, ela mkonu ghwake ghokaba ghoko ghughorokie hata idana.

ISAYA 62:8

BWANA waghemie kwa ndighi rake mbaa, kwa kudima kwake; “Sichaafunya viro vako sena vikaie vindo va wamaiza wako, na waghenyi ndewichaanywa sena divei yako koreidumikieghe anduangi.

ISAYA 7:2

Malagho ghiendamvikia mzuri wa Juda, kukaia majeshi gha Siria ghawadana na majeshi gha Israeli, ngolo yake na ngolo ra wandu wake rikaobua na kusughusika seji midi ipotuagha malemba ikasughuswa ni mbeo.

JEREMIA 12:13

Wandu wawae ngano wikakuwida minjwa, wabonyere kazi mbaa, ela ndewipatire kindo chingi. Wichafushwa waya ni mavalo ghawo matini.”

JEREMIA 15:3

“Nichawiwikia watoteshi wa mbari inya, lufu lobwagha, koshi rerashua, nyonyi ra mbeonyi na nyamandu ra isakenyi reja na kunona.

JEREMIA 15:8

Nachurie mtalo ghwa waka wawo wifuilo ni womi, wikakaia wengi kuchumba msangagha ghwa baharinyi. Nawiredia weke mao wasi kwa wundu ghwa wana wawo, kwa kuwiredia mtoteshi ngelo ya dimeghadi; Nabonyere kuwawa na wowa ghuwichee ghafla.

JEREMIA 20:4

Angu BWANA waghamba, ‘Ola nichakubonya kuchulo ni wowa, na waghenyi wako wori wikuobuo. Kuchawiwona waghenyi wako wikibwaghwa kwa lufu ni wamaiza wawo; sena nichawingira wandu wa Juda mikonunyi kwa mzuri wa Babuloni, nao uchawidwa wunyika cha Babuloni na kuwibwagha kwa lufu.

JEREMIA 5:17

Wichaja makuwido ghako na vindo vako; wichabwagha wana wako wa womi na wa waka; wichachinja ng'ondi rako na ng'ombe rako; wichanona mizabibu yako na mitini yako; wichanona mizi yako ya ngome kuirumirie, kwa wuda.”

EZEKIELI 24:23

Mcharigha viremba venyu vongonyi konyu, na kurwa vadu venyu; ndemchaalila angu kukema mchungu, ela mchataruma kwa wundu ghwa kaung'a renyu, mkisirimikiana mmbeni na mmbeni.

EZEKIELI 33:10

“Na oho ee mwana wa mdamu, ghoria wandu wa Israeli huwu: Inyo mwaawuyaghamba, ‘Makosa ghedu na kaung'a redu diribonyere reeka nyingi, naro raawuyadidarumisha; welee, dikaia wada moyo?’

AMOSI 5:11

Mwawikorongie wakiwa kwa kuwisoka viro vawo. Kwa huwo ndemchaarikaia iro nyumba ra magho muriaghie, hata kunywa divei iboie ifumagha kwa iyo mizabibu iboie muiwae.

MIKA 6:15

Kuchawa, ela ndekuchaakuwida; kuchakama mavuda gha zeituni, ela ndekuchaakushinga mavuda; kuchakama zabibu, ela ndekuchaanywa divei.

HAGAI 1:6

Mwawae viro vingi, mkaakuwida vitini. Mwawuyaja, ela ndemuwuyeghuda; mwawuyanywa, ela ndemuwuekatwa; mwawuyarwa, ela ndemuwuepatwa ni mruke; na m'bonyi kazi ndewuekatwa ni pesa.

ZEKARIA 14:12

BWANA uchareda saka izamie kwa mbari rose ra wandu wichaabonya wuda na Jerusalemu. Mimbi yawo ichawoa wimoo, meso ghawo na chumi rawo richawoa wimoo.

MALAKI 2:3

Nichawikaba wana wenyu na kumshinga mavi gha vizongona venyu mawushunyi konyu, nenyo mchafunywa noko cha kitungasinyi cha mavi.

WUKUMBUSO 28:51

nawo wichaja mfugho rako na vindo vako kulimie hata kwatoteshwa; ndewichaakusighia viro vako, angu wana wako wa ng'ondi; hata wimerie kukutotesha.

WUKUMBUSO 32:25

Wuda ghuchareda kifwa achienyi, na nyumbenyi kuchakaia na kiture, wadawana na wai wichafwa, ndewichaafuya wughoma mwana uongagha chiaimweri na mghosi.

WAEBRANIA 10:31

Ni ilagho jeobosha kughwa mikonunyi kwa Mlungu uko moyo.

WATANYI 6:11

Niko malaika wa Bwana ukacha muzi ghwa Ofra, ukasea kidombo aisi ya mualoni, ghorekoghe mali ya Joashi, Muabiezeri, na mwana wake Gideoni orekoghe ukikaba ngano andenyi ya kidu chekamia divei eri ukuvise usewono ni Wamidiani.

1 SAMUELI 2:33

Mundu wako ungi uchaasigharika moyo nisemwinjire madhabahunyi kwapo, uchasigharika tu kwa kukubonya kodelilaghaa na kukaia na wasi ngolonyi; na wandu wa kivalwa chako chose, wichakaia wikibwaghwa ni wandu wudenyi.