WALAWI 26:14 - Biblia Ilagho Jiboie Kwa Wandu Wose

¹⁴ “Ela iji msenisikiragha, hata kulegha kuwadia memu yapo,

WALAWI 26:14 ပူးပေါင်းရင်းမြစ်များ

2 WAZURI 22:13

“Ghendenyi mumkotie BWANA kwa wundu ghwapo, na kwa wundu ghwa wandu wose wa Juda, kunughana na malagho gha ichi chuo chawonwa; angu chiawonyera BWANA oko na machu nesi mabaa loli loli, kwa kukaia weke aba ndeweresikireghe malagho gha ichi chuo, wipate kubonya sa iji chawuyaghamba aighu yedu.”

2 MALAGHO GHA NGELO 34:24

ini BWANA nichareda mawiwi Jerusalemu, na kuwikaba wandu waro kwa njowe rose riandikilo andenyi ya chuo chishomelo imbiri ya mzuri wa Juda.

2 MALAGHO GHA NGELO 7:19

Ela ngera mwaghaluka na kurisigha sharia rapo na malaghiro ghapo agho nimnekie, nao mghenda kuidumikia milungu mizima na kuitasa,

ZABURI 81:12

Kwa huwo nerewisighieghe wikaie wighilikie, na kubonya seji wikunde.

MAKATANISHO 3:33

BWANA wadaiwasira mizi ya wawiwi njowe! Ela wadairasimia mizi ya wahachi!

JEREMIA 11:8

Ela ndewerenisikireghe, hata kudegha madu ghawo kwapo, ela kula umu wawo oreghendieghe kwa kukua kwa ngolo rawo mbiwi. Kwa wundu ugho niko nerewiredieghe njowe kunughana na malagho ghose gha iji ilaghano nerewilaghirieghe wibonye, ela ndewerebonyereghe anduangi.”

JEREMIA 17:27

Ela mkalegha kunisikira na kuleghatala ituku japo ja Sabato, mkiduka misigo enyu na kungia nayo mbengenyi ra Jerusalemu ituku ja Sabato, niko nicharikora iro mbenge, na ugho modo ghuserimikagha ghuchanona ngome ra Jerusalemu.’”

JEREMIA 26:4

Kuwizere, ‘BWANA waghamba huwu: Mkalegha kunisikira na kunugha sharia rapo niriwikie imbiri konyu,

JEREMIA 28:8

Walodi wose werekoghe imbiri ya oho na ini ngelo ra kala werefunyireghe wulodi ghwa wuda, njala, na saka izamie aighu ya masanga mengi, na mawuzuri mabaa.

JEREMIA 32:23

nawo wikangia na kujiwusa. Ela ndewerekusikireghe hata kughenda kwa sharia rako. Ndewerebonyereghe ilagho jingi ja agho korewilaghirieghe wibonye. Kwa huwo niko kubonyere wikachelwa ni ughu wuwiwi ghose.

JEREMIA 40:2

Uja m'baa wa majeshi ukanidwa mbalama ukanizera, “BWANA Mlungu oreghorieghe malagho gha kunoneka kwa muzi ughu;

KILILO CHA JEREMIA 1:18

“BWANA ni mhachi ni ini nimleghie. Nisikirenyi inyo wandu andu kose muko mmbone wasi ghwapo. Wandu wapo wa irika na wai wapo wadwalwa wunyika.

KILILO CHA JEREMIA 2:17

BWANA wabonya sa iji koni oreghorieghe. Waditotesha kuseko wughoma sa iji koni oreghambieghe.

DANIELI 9:13

Bugha rose riandikilo andenyi ya Sharia ya Musa, ramerie kudichea; sena hoku ndedicheekuvoya BWANA Mlungu odu kudineke kughaluka na kusigha mawiwi ghedu, dipate kuisikira loli yako.

HOSEA 7:12

Ingelo wakakimbia, nichaighorua nyavu yapo nipate kuwiwada na kuwisera andoenyi sa nyonyi ra mbeonyi; nichawikaba kwa wundu ghwa mabonyo ghawo ghizamie.

WALAWI 26:18

“Mkalema kusikira nyuma ya agho makabo ghose, nichaghichuria makabo ghenyu mando mfungade kwa wundu ghwa kaung'a renyu.

MALAKI 2:2

Ni suti munineke ishima kwa agho m'bonyagha. Mkalemwa ni kunisikira seji nighoragha, nichamredia njowe. Mapato ghenyu nichaghiwasira njowe. Kukakoni namerie kuviwasira njowe, kwa kukaia ndemmbadiagha sharia rapo kwa wulemeri.

MABONYO GHA WADUMI 3:23

Na umundu uchaalegha kumsikira uja mlodi, uchainjwa kufuma kwa wandu na kutoteshwa.’

WAEBRANIA 12:25

Manyenyi msemleghe uo ughoragha nenyo. Angu ikakaia wiserekirieghe awo weremleghieghe uo orewiwonyereghe ndoenyi, isi dichakia wada dikamlegha uo udiwonyeragha kufuma mlungunyi?

JOSHUA 23:15

Na sa iji koni BWANA Mlungu oremnekieghe maza rose ndicha karakara na ilaghiro jake, ni huwokoni uchamredia mawiwi ghose hata wameria kumtotesha mmbose na kumfunya kwa iji isanga jiboie BWANA Mlungu onyu oremnekieghe;

WATANYI 2:15

Andu kose werefumieghe kulwa wuda, BWANA ukakaia ukilwa nawo, sa iji koni orewizerieghe, nawo wikangilwa ni wasi loli-loli.

1 SAMUELI 12:15

Ela mkalegha kumsikira BWANA, na kurilegha sharia rake, niko BWANA uchaamlegha inyo chiaimweri na mzuri onyu.