WALAWI 26:10 - Biblia Ilagho Jiboie Kwa Wandu Wose

¹⁰ Makuwido ghenyu ghichakaia mengi nandighi ghemeria mwaka; hata ichakaia suti kuinja viro va kala, eri mdime kungira viro viwishi.

WALAWI 26:10 ပူးပေါင်းရင်းမြစ်များ

2 WAZURI 19:29

Niko Isaya ukamzera Hezekia, “Ihi niyo alama yako ee Hezekia, ughu mwaka kuchaja viro vibukagha na kuzoghua veni, na mwaka ghuchagha kuchaja ivo vibaragha ahoeni; niko mwaka ghwa kadadu kuchawa viro na kukuwida; kuchawa mizabibu na kuja matunda gharo.

JOELI 2:24

Andu kochania kuchachua viro, vighombo viko kaavui na andu kokamia vichadika-dika divei na mavuda.

WALAWI 25:22

Iji kwawa mbuwa yako mwaka ghwa wunyanya, kuchakaia kukija ivo vindo korevipatireghe mwaka ghwa karandadu, na oho kuchakaia na vindo vikate veja, hata kwakuwida ivo viro koreviwaeghe mwaka ghuja ghumu.

LUKA 12:17

nao ukizoya kupima moni ukaghamba, ‘Nibonya wada nisewadie andu kowika viro vapo?’

JOSHUA 5:11

Nakesho yaro, niko wijie vindo vilimilo Kanaani, mkate ghuseko na chachu na viro viochelo.