WALAWI 26:1 - Biblia Ilagho Jiboie Kwa Wandu Wose

¹ BWANA ukaghamba, “Msekubonyere mlimu ghungi, angu kuwika kimusi fwana ingi iwachilo angu nguro; hata msebonye fwana ya igho jingi jiwachilo isangenyi konyu, kwa kujighoghomia na kujitasa; angu Ini ne BWANA Mlungu onyu.

WALAWI 26:1 ပူးပေါင်းရင်းမြစ်များ

2 WAZURI 17:10

Werekuaghieghe nguro ra magho retasira milimu, na kuwika fwana ra mlungu ghwa waka Ashera aighu ya kula mghondi m'baa, na aisi ya kiju cha kula mudi m'baa ghukambie.

2 WAZURI 17:16

Wikarisigha sharia rose ra BWANA Mlungu wawo, na kukubonyera weni milimu ichanilo ya ngache iwi; wikabonya mlungu ghwa waka Ashera, na kutasa nyerinyeri, na kumdumikia Baali.

2 WAZURI 17:8

na kunugha mizango ya iro mbari BWANA orerifunyireghe imbiri ya wandu wa Israeli; na kwa wundu ghwa kunugha mizango iredelo ni wazuri wa Israeli.

ZABURI 78:58

Weremvavirieghe ngolo kwa kubonya andu kwawo kotasa milimu; wikammbwasira iriso kwa kutasa fwana rawo riwachiro.

ZABURI 97:7

Watasi milimu wose wikukasagha na milimu isewadie fwaida ingi wafushwa waya; milungu yose yadaghoghoma imbiri ya BWANA.

KUFUMA 20:2

“Ini ne BWANA Mlungu wako, nerekufunyireghe isanga ja Misri, kufuma wuzumbenyi.

KUFUMA 20:23

Msakekubonyera mmbeni milungu ya feza angu dhahabu kuitasa chiaimweri nani.

KUFUMA 23:24

Msakeghoghoma kuitasa milungu yawo, hata msakenugha mizango yawo ya dini; ela mchanona na kuchikanya putu andu kwawo kotasira.

KUFUMA 34:17

“Kusakekubonyera milungu echana na kuitasa.

ISAYA 2:20

Ituku jija, wandu wicharikumbia fuko na maososi iro fwana rawo ra feza na ra dhahabu, wereribonyereghe wiritase;

WALAWI 19:4

Msakerighalukia fwana angu kukubonyera milungu eyeyusha: Ini ne BWANA Mlungu onyu.

WALAWI 25:55

Kwa kukaia wandu wa Israeli ni wadumiki wa BWANA orewifunyireghe isanga ja Misri; uo ni BWANA Mlungu wako.”

WALAWI 7:33

Umu wa wana wa Haruni, uo ufunyagha bagha na mavuda gha kizongona cha mapatano, nuo uko na hachi enekwa iyo bara ya mkonu ghwa kiwomi.

MITALO 33:52

muwiwinge waisanga wose wiko imbiri konyu, mnone milimu yawo ya magho ghiwachilo, na fwana rawo richanilo, na kuvuchua andu kwawo kose kotasira;

MABONYO GHA WADUMI 17:29

Kwa kukaia deko wana wa Mlungu, ndeidifwane digheshe wei Uo ooka sa dhahabu, angu feza, angu igho jiwachilo kwa wuya na maghesho gha mdamu.

WUKUMBUSO 27:15

“‘Mundu ukabonya fwana ewacha angu echana, nacho ni kilambo chibonyero ni mikonu kwa wuya ghwa mundu, na kuwikwa kivisonyi, uwado ni njowe; iro ni maza rimzamiagha BWANA.’ Na wandu wose widikie, ‘Amen.’

WUKUMBUSO 5:6

“BWANA ukaghamba, ‘Ini ne Mlungu wako, uo orekufunyireghe isanga ja Misri; kufuma nyumba ya wuzumba.

WUFUNUO 22:15

Cha shighadi reko iro koshi, na wasawi, na walaki, na wabwaghi wandu, na awo witasagha milimu, na kula mundu uikundagha tee na kuibonya.

WATANYI 18:30

Niko Wadani wikawika ghuja mlimu wipate kughutasa, na Jonathani mwana wa Gershoni, wawae Musa na wana wawo, werekoghe wakohani kwa mbari ya Dani, hata ituku waja wandu weredwaloghe wunyika.