WALAWI 24:9 - Biblia Ilagho Jiboie Kwa Wandu Wose

⁹ Iyo mikate ni ifungu ja Haruni na wana wake, nawo wichaijia Andu kwa Wueli kwa kukaia ivo ni vindo va wueli vieleshero vifunyiro kwa BWANA kwa wundu ghwa wakohani.”

WALAWI 24:9 ပူးပေါင်းရင်းမြစ်များ

KUFUMA 27:21

Haruni na wana wake wichaiwika iyo Taa andenyi ya Hema Ekwania cha shighadi ya Pazia iko imbiri ya Sanduku ya Ilaghano; nayo ichakaia ikiaka kufuma luma lwa nakenyi hata luma lwa nakesho. Sharia ihi ichawadilwa ni Waisraeli chiaimweri na kivalwa chawo kwa kala na kala.

WALAWI 10:12

Musa ukamzera Haruni na awo wana wake wisigharikie, Eleazari na Ithamari, “Wusenyi ivo vindo va mafunyo gha viro visigharikie, ivo verefunyiroghe vikaie vizongona vekora kwa BWANA, muvije viseko na chachu aho kaavui na madhabahu; angu ni vindo vieleshero loli loli;

WALAWI 10:17

“Kwaki mserejagha icho kizongona kwa wundu ghwa kaung'a, aja Andu kwa Wueli? Ni vindo va wueli loli loli; nenyo mwamerie kunekwa, mpate kuridwa kaung'a ra wandu wose, na kubonya mapatano imbiri ya BWANA.

WALAWI 21:22

Ela sena wadima kuja ivo vindo vieleshero vifunyiro kwa Mlungu, na hata ivo vieleshero kuchumba.

WALAWI 24:10

Korekoghe na mndumu orevaloghe ni muka Muisraeli, ndee orekoghe Mmisri; nao orekoghe aghadi ya wandu wa Israeli. Uja mundu ukarashana na Muisraeli umu kambinyi.

WALAWI 3:17

Ihi ichakaia ni sharia yenyu ya kala na kala vivalwa venyu vose, andu kose mchaakaia; kukaia, ndemchaaja mavuda hata bagha anduangi.”

WALAWI 6:11

Niko uchafunya agho marwao ghake, na kurwa marwao mazima; nao uchafunya ijo ivu cha shighadi ya kambi, na kujidia andu kueleshero kwa wundu ghodiria ivu.

WALAWI 6:16

Masighariko gha mufu ghichatumilwa ni Haruni na wana wake; ghuchabonywa mkate ghusewadie chachu na kujilwa Andu kwa Wueli, wazenyi ya Hema ekwania.

WALAWI 6:9

“Kuwilaghire Haruni na wana wake huwu, Ihi niyo Sharia ya kizongona chekorwa: Kizongona chekorwa chichakaia modonyi aighu ya madhabahu kio chee hata luma lwa nakesho, na modo ghwaro ghuchakaia ghukiaka madhabahunyi ngelo rose.

WALAWI 8:3

nao kukwanye izungu ja wandu wose mnyangonyi ghwa Hema ekwania.”

WALAWI 8:31

Musa ukamzera Haruni na wana wake, “Dekenyi iro nyama aho mnyangonyi ghwa Hema ekwania, murije chiaimweri na ugho mkate ghuko kikapunyi ghwa mafunyo kwa wundu ghwa kuwika wakfu, sa iji koni neremnekieghe momu ngighamba, ‘Haruni na wana wake wichakaia wikija ivo vindo.’

MALAKI 1:12

Ela inyo mwaawuyanisowia ishima iji mghoragha wei madhabahu yapo ndeifwane na iji mfunyagha vizongona vilue aighu yaro.

MATHAYO 12:4

Uo na wambao werengirieghe andenyi ya nyumba ya Mlungu, wikaija mikate erefunyiroghe kwa Mlungu, nawo ndewerekoghe na rusa eja iyo mikate, angu yadajighwa ni Wakohani wiekeri.

MARKO 2:26

orengirieghe andenyi ya nyumba ya Mlungu, ukaja ija mikate erefunyiroghe kwa Mlungu, matuku gha Mkohani M'baa Abiathari; nayo yadarighidwa kujighwa ni mndungi, ela wakohani weni. Uo ukaija, sena ukawineka waja werekwanyeghe nao.”

LUKA 6:4

Orenighirieghe andenyi ya nyumba ya Mlungu ukawusa mikate erefunyiroghe kwa Mlungu, ukaija na kuwineka wandu wake. Nayo yadarighidwa kujighwa ni mndungi, ela wakohani weni.”

1 SAMUELI 21:6

Niko mkohani ukamneka mikate ya wueli, kwa kukaia ndekorekoghe na mkate ghungi mzima ela iyo cheni mikate ifunyiro kwa Mlungu; nayo yamerie kuinjwa imbiri ya BWANA, eri mikate mizima ya modo ieleshero ipate kuwikwa; nyuma ya ija kuinjwa.