WALAWI 24:7 - Biblia Ilagho Jiboie Kwa Wandu Wose

⁷ Nao kungire marumba ghiboie kula luzaria lwa mikate, ghipate kukaia lukumbuso kwa wundu ghwa kizongona cha vindo chafunywa kwa BWANA.

WALAWI 24:7 ပူးပေါင်းရင်းမြစ်များ

KUZOYA 9:16

Iji lusenge lwadunga andenyi ya mawingu, nichaluzighana kukumbuka ijo ilaghano ja kala na kala jerewikiloghe aghadi ya Mlungu na icho chose chiko moyo chiumbilo, na mimbi yose iko ndoenyi.”

KUFUMA 12:14

Mchakaia mkibonya ndima ya BWANA kwa wundu ghwa kukumbuka ituku iji vivalwa venyu vose; nenyo mchaitala kukaia ni Sharia ya matuku ghose.

KUFUMA 13:9

Mawiko agha ghichakaia lukumbuso, sa kilambo chifungilo kikoto na wushunyi kwako; kupate kuiwadia Sharia ya BWANA, angu orekufunyireghe Misri kwa ndighi mbaa.

KUFUMA 17:14

Nao BWANA ukamzera Musa, “Kuandike agha malagho chuonyi ghikaie lukumbuso; sena kughighore madunyi kwa Joshua kukaia, nichawimeria Waamaleki putu, wisekumbuko jingi ndoenyi.”

KUFUMA 28:12

Kuwikirie agho magho aighu ya vija vibandiko vishonelo na kukwanywa maongenyi gha ija naivera, ghipate kukaia lukumbuso lwa mbari ikumi na iwi ra Israeli. Haruni uchaghiduka agho marina maongenyi kwake, eri Ini BWANA, niwikumbukeghe wandu wapo ngelo rose.

ISAYA 43:23

Ndekuniredie ng'ondi rako kwa wundu ghwa vizongona vekora, hata ndekuninekie ishima kwa vizongona vako. Ini sikulemeshere kwa mafunyo ghako, hata sikusirishire ndighi kwa kunifukiria marumba.

WALAWI 2:1

“Mndungi ukakafunya ifunyo ja viro kwa BWANA, uchasha ivo viro viwuye mufu ghudendere; nao uchaghudunga mavuda na kuwikiria vilungo,

WALAWI 2:2

ima ughurede kwa wakohani, wana wa Haruni. Niko mkohani uchabegha ngonde ichue ya ugho mufu ghudendere na mavuda, chiaimweri na vilungo varo vose; nao uchaghukora sa ifungu jekumbuka kukaia mufu ghose ghwameria kukorwa aighu ya madhabahu, ghukaie kizongona chekora; irumba ja vindo ivo jamnukiagha BWANA nicha na ndighi.

WALAWI 2:9

Na uo mkohani uchawusa katini ka ijo ifunyo ja viro, na kukora sa ifungu jekumbuka kukaia mkate ghose ghwameria kukorwa aighu ya madhabahu, ghukaie kizongona chekora; irumba ja vindo ivo jamnukiagha BWANA nicha na ndighi.

JOHANE 6:35

Jesu ukawizera, “Ini nuo mkate ghwa irangi, uo uchagha kwapo na jingi ndechaawona njala, na uo ose urumiriagha kwapo na jingi ndechaaoma anduangi.

JOHANE 6:51

Ini nuo ugho mkate ghuko moyo ghoreserieghe kufuma mlungunyi. Mndungi ukaja mkate ugho, uchakaia moyo kwa kala na kala. Na mkate nichaaghufunya kwa wundu ghwa irangi ja wurumwengu, ni mumbi ghwapo.”

MABONYO GHA WADUMI 10:31

Ukaghamba, ‘Kornelio! Malombi ghako ghasikirwa, na makuwio ghako ghakumbukwa imbiri ya Mlungu.

MABONYO GHA WADUMI 10:4

Nao ukamkuya meso ukiobua na kughamba, “Ni wada Bwana?” Ukamzera, “Malombi ghako na makuwio ghako ghajoka na kukaia lukumbuso imbiri ya Mlungu.

WAEFESO 1:6

upate kukaswa kwa wundu ghwa mvono ghwake ghwa wubaa, ugho oredinekieghe duu andenyi ya uo Mkundwa.

WAEBRANIA 7:25

Kwa chia io, wadima kuwikira ngelo rose awo wimsoghoderagha Mlungu wikiidia kwake; kwa kukaia uo wadua moyo matuku ghose, upate kuwilombia.