WALAWI 24:2 - Biblia Ilagho Jiboie Kwa Wandu Wose

² “Wilaghire wandu wa Israeli wirede mavuda gha zeituni ghiboie kuchumba, kwa wundu ghwa Taa riko Hemenyi, ripate kukorwa na kureda mwengere andenyi ngelo rose.

WALAWI 24:2 ပူးပေါင်းရင်းမြစ်များ

2 MALAGHO GHA NGELO 13:11

Wadamfunyira BWANA vizongona vekora kula nakesho na kula na kenyi, na marumba gha vilungo vinukie nicha, sena wiwike Mkate ghufunyiro kwa Mlungu aighu ya meza ya dhahabu ielie, na kuchilindia kilambo chewikiria taa, eri taa raro riakeghe kula luma lwa kenyi; kwa kukaia isi dawuyawadia malaghiro gha BWANA Mlungu odu, ela inyo mwamsighie.

ZABURI 119:105

Ilagho jako ni taa enighenja, na mwengere chienyi kwapo.

ZABURI 119:130

Mawonyero ghako ghadareda mwengere; ghadamneka mkelu akili.

KUFUMA 39:37

kilambo chewikiria taa cha dhahabu ielie, taa raro na vilambo varo vose, na mavuda gha taa;

KUFUMA 40:24

Ukawika kilambo chewikiria taa andenyi ya Hema Ekwania, luwaru lwa kusinyi kulangaya ija meza.

MAKATANISHO 6:23

Agho malaghiro ni taa, na mafundisho ni mwengere; kuja kukanilwa, ni chia ra irangi.

ISAYA 11:2

Roho wa BWANA uchakaia aighu kwake, roho wa hikima na kumanya, roho wa njama na kudima; roho wa wuya, umuobuagha BWANA.

ISAYA 8:20

Mchawitumbulia, “Sikirenyi mafundisho na wushuhuda ghwa BWANA, msewisikire awa wandu, kwa kukaia malagho wighoragha ndeghine mwengere.”

WALAWI 24:1

BWANA ukamzera Musa,

WALAWI 24:3

Haruni uchakaia ukirikora luma lwa kenyi, naro richakaia rikiaka imbiri ya BWANA chee, hata nakesho aho shighadi ya pazia kaavui na Sanduku ya Ilaghano, iko andenyi ya Andu kwa Wueli Kuchumbie. Sharia ihi ichanughwa vivalwa vose.

MATHAYO 4:16

Wandu awo werekoghe kirenyi, waghuwona mwengere m'baa. Na kwa awo werekoghe isangenyi na kiju cha kifwa, mwengere ghwalangala kwawo.”

MATHAYO 5:16

Huwo koni suti mwengere ghonyu ghulangale imbiri ya wandu, eri wikiwona mabonyo ghenyu, wimkase Ndeyo onyu uko mlungunyi.

LUKA 1:79

kuwilangalishira awo wiko kidombo kirenyi, na andenyi ya kiju cha kifwa; na kulongoza mighendo edu kwa chia ya sere.”

LUKA 12:35

“Fungenyi viwonu venyu, mkaie nicha, na taa renyu riakeghe,

JOHANE 1:4

Andenyi kwake Uo korekoghe na Irangi, najo ijo irangi jerekoghe mwengere ghwa wadamu.

JOHANE 1:9

Ugho mwengere ghorekoghe ghwa loli, ghuchee wurumwengunyi kumlangalishira kula mdamu.

JOHANE 5:35

Johane orekoghe sa taa iakagha na kulangalishira mwengere, nenyo kwa ngelo vui morekoghe mkiboilwa kwa mwengere ghwake.

JOHANE 8:12

Jesu ukawizera Mafarisayo sena, “Ini nuo mwengere ghwa wurumwengu, uo uninughagha ini na jingi ndechaaghenda na kira anduangi, ela uchakaia na mwengere ghwa irangi.”

MABONYO GHA WADUMI 26:18

kuwitambuo meso, eri wifume kirenyi wingie mwengerenyi; wifume kwa ndighi ra Shetani na kumghalukia Mlungu, wipate kulekwa kwa kaung'a rawo na kupata wulalo andwamweri na wandu wieleshero kwa irumirio jiko kwapo ini.’

2 WAKORINTHO 4:6

Angu uo Mlungu ughambie, “Mwengere ndeghung'ale-ng'ale kufuma kirenyi”, nuo moni ung'alie andenyi ngolonyi kodu, na kudineka mwengere, dipate kughumanya wubaa ghwa Mlungu ghwawuyang'ala-ng'ala wushunyi kwa Kristo.