WALAWI 23:3 - Biblia Ilagho Jiboie Kwa Wandu Wose

³ Matuku arandadu ni ghebonya kazi, ela ituku ja mfungade ni Sabato ehora; mkwanyike kwa wutasi, nenyo msakebonya kazi ingi; ni Sabato kwa BWANA andu uko kose mchaakaia.

WALAWI 23:3 ပူးပေါင်းရင်းမြစ်များ

KUFUMA 16:23

uo ukawizera, “BWANA walaghirie angu kesho ni ituku ja wueli jehora, ni Sabato kwa wundu ghwa BWANA. Idime muoche icho chose chiko cheocha, na kudoghosa icho chose chiko chedoghosa na icho chichaasigharika, mchiwikie mbai kwa wundu ghwa kesho.”

KUFUMA 16:29

Ndemmbonagha angu BWANA wamnekie iyo Sabato ikaie ituku ja kuhora, niyo sababu umnekie mkate mandu awi ituku ja karandadu, eri kula mundu ukaie andu koni uko ituku ja mfungade. Kula mundu ndekaie mzinyi kwake.”

KUFUMA 16:30

Niko huwo wandu wikahora ituku ja mfungade.

KUFUMA 23:12

“Kubonye kazi kwa matuku arandadu, ela ituku ja mfungade kusebonye kazi ingi, eri mzumba na mghenyi ukudumikiagha, hata na nyamandu rako wori ripate kuhora.

KUFUMA 34:21

“Koko na matuku arandadu ghebonya kazi, ela kusebonye kazi ituku ja mfungade, hata ngera ni ngelo relima angu rekuwida.

ISAYA 56:2

Warasimilwa uo mundu uwadiagha agha na kughikatisha; uo uriwadiagha Sabato na kurimaziria userilushagha, ulindiagha usebonye ilagho jingi iwiwi.”

ISAYA 56:6

“Na waghenyi awo wikufunyire kukukwanya na BWANA, wimdumikie na kujikunda irina jake wikikaia wadumiki wake, kula mundu uiwadiagha Sabato kuseko na kuinona, nao wamaziria ilaghano japo,

ISAYA 58:13

BWANA waghamba, “Kukalindia mighendo yako kuseinonagha Sabato, na kukulindia kusenughe bea rako kwa ituku japo jielie, na kujiwanga ijo ituku ja Sabato jiboie ja wueli, na ituku ja BWANA ja ishima; kukajineka ishima na kulegha ghenda charo, kusebonyagha kazi angu kuja malagho gha duu,

WALAWI 19:3

Kula umu onyu uchamneka ishima mae na ndee, nenyo mriwadie sabato rapo: Ini ne BWANA Mlungu onyu.

LUKA 13:14

Ela uja m'baa wa sunagogi ukajokwa ni machu angu Jesu oreboisireghe ituku ja Sabato ukawizera wandu, “Gheko matuku arandadu ghebonya kazi; choonyi m'boiso agho matuku, ela ituku ja Sabato mbai.”

LUKA 23:56

Niko wikawuya kuboisa marumba na mavuda. Na ituku ja Sabato wikahora karakara na Sharia.

MABONYO GHA WADUMI 15:21

Angu kufuma kala Sharia ya Musa eko na wandu awo wimchilagha andenyi ya kula muzi; kwa kukaia yadashomwa andenyi ya sunagogi kula Sabato.”

WUFUNUO 1:10

Nerekoghe andenyi ya Roho ituku ja Bwana; ngasikira lwaka lubaa sa lwa tarumbeta lukideda nyuma yapo,