WALAWI 22:20 - Biblia Ilagho Jiboie Kwa Wandu Wose

²⁰ Msefunye nyamandu iko na itiko jingi, kwa kukaia ndeichaarumirilwa ni BWANA anduangi.

WALAWI 22:20 ပူးပေါင်းရင်းမြစ်များ

EZEKIELI 45:18

Bwana MLUNGU waghamba huwu, “Ituku ja imbiri ja mori ghwa imbiri, kuchawada mwana wa njau usewadie itiko jingi, kupate kuielesha Hekalu.

WALAWI 1:3

Ikakaia uafunya ng'ombe yake ikaie kizongona chekora, suti urede njau isene itiko. Uchaireda mnyangonyi ghwa Hema ekwania, eri kizongona chake chipate kurumirilwa ni BWANA.

WALAWI 22:24

Nyamandu yashoghonoka makende ghake, ikaiagha ghaabarika, kurashuka angu kudumbuka, kuseifunye wei ikaie kizongona kwa BWANA isangenyi kwako; kwa kukaia ndechichaarumirilwa ni BWANA.

WALAWI 22:25

Kusefunye nyamandu ingi ifumie kwa mghenyi iko huwo ikaie kizongona cha vindo kwa Mlungu wako; kizongona icho ndechichaarumirikia anduangi, angu chiko na itiko jeshoghonoka.”

WALAWI 3:1

“Ikakaia ifunyo ja mundu ni kizongona cha mapatano, na ikakaia waawuyafunya ng'ombe ya womi angu ya waka, iyo ng'ombe ikaie isewadie itiko imbiri ya BWANA.

WALAWI 3:6

“Ikakaia ifunyo jake ja kizongona cha mapatano kwa BWANA ni ng'ondi angu mburi ya womi angu ya waka, ichakaia isewadie itiko jingi.

MALAKI 1:8

Welee, iji munifunyiragha nyamandu rifue meso, angu mkongo, angu wakelemeri, rikaie kizongona, ugho si wuwiwi? Oke funya iyo nyamandu kwa m'baa wako wa isanga ngera uirumiria na kuboilwa ni oho?”

MITALO 19:2

“Ihi ni sharia yapo niilaghirie kukaia wandu wa Israeli winiredie tagho ya ng'ombe ya mkundu isewadie itiko jingi, angu iboli jingi, hata isefungilo ghongolo ingi jingi.

MITALO 29:8

Ela mumfunyire BWANA kizongona chekora; irumba jimnukiagha nicha; mwana wa njau umweri, bauru imweri na wana wa ng'ondi wa womi mfungade wa mwaka ghumweri wisewadie itiko jingi;

WUKUMBUSO 15:21

Ela awo wavalwa wa imbiri, ungi ukakaia na itiko jingi, ngera ookelemia angu kufwa meso, angu itiko jingi ijo jose jizamie, kusemfunye kizongona kwa BWANA Mlungu wako.

WUKUMBUSO 17:1

“Msemfunyire BWANA Mlungu onyu vizongona va ng'ombe angu ng'ondi viko na itiko jingi ijo jose; ilagho ijo jadamzamia BWANA Mlungu onyu.

WAEBRANIA 9:14

ni kuchumba saki bagha ya Kristo, uo kwa chia ya Roho wa kala na kala, orekufunyireghe moni kwa Mlungu kuseko na iboli jingi, ichamuelesha nia renyu mfume kwa kazi rifue, mpate kumdumikia Mlungu uko moyo.

1 PETRO 1:19

ela kwa bagha ya zoghori mbaa ya Kristo, sa ya mwana wa ng'ondi usewadie ikosa hata iboli jingi.