WALAWI 22:2 - Biblia Ilagho Jiboie Kwa Wandu Wose

² “Mzere Haruni na wana wake angu wighineke ishima agho mafunyo ghieleshero nifunyirwagha ni wandu wa Israeli; wiseadade agho mafunyo wiseelie, wisechejilusha irina ja wueli; Ini ne BWANA.

WALAWI 22:2 ပူးပေါင်းရင်းမြစ်များ

EZRA 8:28

Niko ngawizera, “Inyo mwaelie kwa wundu ghwa BWANA, na vombo mfunyire kwa Mlungu na weke ndeyo va feza na dhahabu, vaelie.

KUFUMA 13:12

kuchammbikia mbai kula mvalwa wa imbiri. Wavalwa wa imbiri wa mfugho rako ra womi wichakaia wa BWANA.

KUFUMA 28:38

Haruni uchakaia ukichirwa icho kibau chamunyi kwake, upate kudwa wuwiwi ghwa wandu; eri Ini BWANA nipate kughirumiria mafunyo ghose gha wueli nichaafunyirwa ni Waisraeli, hata ngera wabonyere kaung'a ngelo efunya agho mafunyo.

ISAYA 52:11

Fumenyi, mfume Babuloni mghende noko, mseadade kindo chingi chiseelie; fumenyi aghadi kwake mkueleshe mmbeni; inyo mmbose muvidwagha vilambo va BWANA.

EZEKIELI 44:8

Ndemuvilindirie vilambo vapo va wueli, ela moowiwika waghenyi wikaie walindiri waro andenyi ya Hekalu yapo.

WALAWI 15:31

Huwu niko mchaawilindia wandu wa Israeli na wuchafu, eri wisechefwa kwa wundu ghwa kulusha Andu kwapo Kokaia kuko aghadi kwawo.

WALAWI 18:21

Kusefunye mwana ungi wako kukorwa kizongona kwa mlungu Moleki na kujilusha irina ja Mlungu wako; Ini ne BWANA.

WALAWI 19:12

Kusakeghema kwa irina japo kwa tee, kuchejilusha; ini ne BWANA Mungu wako.

WALAWI 20:3

Ini moni nichalwa na uo mundu, nao uchatanywa na wandu wapo, angu waneka mlungu Moleki wana wake, na kuinona Hema ya Wueli na irina japo ja Wueli.

WALAWI 21:6

Wakohani wichakaia waeli kwa Mlungu wawo; kwa kukaia awo wafunyagha vizongona vekora na mkate kwa Mlungu wawo, kwa huwo suti wikaie waeli.

WALAWI 22:1

BWANA ukamzera Musa,

WALAWI 22:32

Mselushe irina japo ja wueli, ela nicharumirilwa kukaia mweli aghadi ya wandu wa Israeli; Ini ne BWANA, uo ukueleshagha oho;

MITALO 18:32

Aho ndemchaakaia na kaung'a ingi mkameria kufunya icho chiboie kuchumba. Kwa huwo msevilushe vilambo vafunywa ni wandu wa Israeli kwa kuzoya kuvija msefunyire mchefwa.”

WUKUMBUSO 15:19

“Wavalwa wa imbiri wose wa ng'ombe na ng'ondi rako, kuwiwikie mbai kwa wundu ghwa BWANA Mlungu wako; wavalwa wa imbiri wa ng'ombe rako, kusewibonyeshe kazi; hata wavalwa wa imbiri wa ng'ondi rako, kusewidumbuo mafuri.