WALAWI 20:8 - Biblia Ilagho Jiboie Kwa Wandu Wose

⁸ Mmbwadie memu yapo na kunugha malaghiro gharo; Ini ne BWANA uo umueleshagha inyo.

WALAWI 20:8 ပူးပေါင်းရင်းမြစ်များ

KUFUMA 31:13

“Kuwizere wandu wa Israeli, ‘Muiwadie Sabato, ijo ituku japo jehora, angu ni alama ewonyera aghadi yapo na inyo, vivalwa venyu vose, mpate kumanya angu ni ini BWANA nimueleshagha inyo.

EZEKIELI 20:12

Sena ngawineka Sabato rapo wiriwadieghe; ikaie alama aghadi yapo na awo, eri wipate kumanya kukaia ni ini BWANA niwieleshagha.

EZEKIELI 37:28

Niko iro mbari ra wandu richamanya kukaia ini BWANA namueleshagha Israeli ingelo Andu kwapo kwa Wueli kuchaakaia aghadi kwawo kwa kala na kala.”

WALAWI 19:19

“Kuiwadie memu yapo. Kusevarishe mfugho rako na kichuku kizima. Kusewe mbari iwi ra mbeu mbuwenyi, hata kusero nguwo ya vichuku viwi va uzi.

WALAWI 19:37

Na oho kuritale sharia rapo rose na memu yapo yose, kupate kurikatisha; Ini ne BWANA.”

WALAWI 20:26

Mkaie waeli wapo, angu Ini BWANA ne Mweli, nani namtanyire inyo kufuma kwa wandu, mpate kukaia wapo.

WALAWI 21:8

Wandu wimtale mkohani kukaia mweli kwa kukaia wafunyagha mafunyo gha vindo kwa Mlungu. Ini ne BWANA, Ini ne Mweli; nani nadabonya wandu wapo wikaie waeli.

WALAWI 22:32

Mselushe irina japo ja wueli, ela nicharumirilwa kukaia mweli aghadi ya wandu wa Israeli; Ini ne BWANA, uo ukueleshagha oho;

MATHAYO 12:50

Angu uo ose uchaabonya lukundo lwa Aba uko mlungunyi nuo mwanidu wa womi, mwanidu wa waka, na mao.”

MATHAYO 23:17

Vitungure vikelie inyo! Kibaa ni chiao? Ija dhahabu angu Hekalu iyo ibonyagha dhahabu kukaia ielie?

MATHAYO 5:19

Niko huwu, uo ose uchaaghuchikanya momu mtini ghwa Sharia ukifundisha wandu wibonye huwo, uchakaia mtini putu kwa Wuzuri ghwa mlungunyi. Ela uo uiwadagha memu na kuwifundisha wazima, nuo moni uchaakaia m'baa kwa Wuzuri ghwa Mlungu.

MATHAYO 7:24

“Niko huwu kula mundu ughisikiragha malagho ghapo na kughiwadia, uchafwananishwa na mundu uko na akili, oreaghieghe nyumba yake aighu ya igho.

JOHANE 13:17

Ngera mwaghimanya agha, mwarasimilwa mkaghibonya.

1 WAKORINTHO 1:30

Mlungu nuo asili ya irangi jenyu andenyi ya Kristo Jesu; nao nuo um'bonyere Kristo Jesu ukaie hikima edu, hachi edu, kueleshwa kodu, na wukomboli ghodu.

1 WATHESALONIKE 5:23

Uo Mlungu moni wa sere, ndemueleshe inyo putu; roho renyu, na nia renyu, na mimbi yenyu; ikilindilwa nicha kuseko na ikosa jingi hata ngelo ya kucha kwake Bwana odu Jesu Kristo.

2 WATHESALONIKE 2:13

Ela isi, deko na suti emfunyira Mlungu chawucha matuku ghose, kwa wundu ghonyu wanidu mkundo ni Bwana; kwa kukaia Mlungu oremsaghueghe inyo kufuma kuzoya, mpate kukia kwa chia ya kueleshwa ni uja Roho, na kuirumiria ija loli.

JAKOBO 1:22

Ela mkaie wabonyi wa ijo ilagho, msakekaia wasikiri waduu mkikukalia mmbeni.

WUFUNUO 22:14

Warasimilwa awo wioghoshagha nguwo rawo, eri wipate kukaia na hachi eghughendia ugho mudi ghwa irangi, na kungia mzinyi wikimaria mbengenyi.