WALAWI 20:3 - Biblia Ilagho Jiboie Kwa Wandu Wose

³ Ini moni nichalwa na uo mundu, nao uchatanywa na wandu wapo, angu waneka mlungu Moleki wana wake, na kuinona Hema ya Wueli na irina japo ja Wueli.

WALAWI 20:3 ပူးပေါင်းရင်းမြစ်များ

KUFUMA 30:33

Mndungi ukabonya mavuda ghifwanane na agha, angu kushinga mndungi useko mkohani, uchatengwa putu na wandu wa Israeli.’”

EZEKIELI 20:39

“Na inyo ee wandu wa Israeli, ini Bwana MLUNGU naghamba huwu: Ngera msekunde kunisikira, kula umu onyu ndeghende kudumikia milimu yake kufuma idana, hata konyuma wori; ela irina japo ijo ndemchaajilusha sena kwa kufunyira milimu yenyu manosi.

EZEKIELI 5:11

“Kwa wundu ugho, sa iji nikaiagha moyo, kwa loli angu kukulushire Andu Kwapo kwa Wueli na maza rako rizamie, na wuchafu ghwako ghose; nichakuinja hata nisekuwonie wughoma, hata sichaakulekia.

WALAWI 15:31

Huwu niko mchaawilindia wandu wa Israeli na wuchafu, eri wisechefwa kwa wundu ghwa kulusha Andu kwapo Kokaia kuko aghadi kwawo.

WALAWI 17:10

“Mndungi wa nyumba ya Israeli, angu mghenyi uko aghadi konyu, ukaja bagha iyo yose, ini BWANA nichazamilwa ni uo mundu, nani nichamuinja ufume kwa wandu wapo.

WALAWI 18:21

Kusefunye mwana ungi wako kukorwa kizongona kwa mlungu Moleki na kujilusha irina ja Mlungu wako; Ini ne BWANA.

WALAWI 19:12

Kusakeghema kwa irina japo kwa tee, kuchejilusha; ini ne BWANA Mungu wako.

WALAWI 20:4

Wandu wa isangenyi wikamvisa uo mundu, nao wimsighe wisem'bwaghie,

WALAWI 21:6

Wakohani wichakaia waeli kwa Mlungu wawo; kwa kukaia awo wafunyagha vizongona vekora na mkate kwa Mlungu wawo, kwa huwo suti wikaie waeli.

WALAWI 7:20

ela mndungi useelie ukaja iyo nyama ya kizongona cha mapatano chifunyiro kwa BWANA, ndechaatalwa kukaia umu wa wandu wa Mlungu anduangi.

WALAWI 7:21

Na mndungi ukaadada kilambo chingi chiseelie, ikaiagha ni mundu angu nyamandu angu wuchafu ugho ghose, nao uje nyama ya kizongona cha mapatano chifunyiro kwa BWANA, uchatanywa na wandu wake.”

MITALO 19:13

Mundu uo ose ukaadada gharia ya mdamu nao ukaie usekueleshere moni, ualusha Hema ekwania; na mundu uo uchatanywa na wandu wa Israeli kwa kukaia ndemichiro machi ghekuelesha. Uchakaia useelie, nao uchadua mundu useelie.

MITALO 19:20

“Ela mundu useelie, usekunde kukuelesha waawuyailusha Hema ya BWANA; uchainjwa na kutanywa na ikwanyiko angu uduagha usemichiro agho machi gheelesha wandu wiseelie, kwa huwo waduagha useelie.

2 WAKORINTHO 6:16

Anguu, hekalu ya Mlungu yawadie mapatano gha indoki na milimu? Kwa kukaia isi de hekalu ya Mlungu uko moyo; sa iji koni ughorie, “Nichakaia andenyi kwawo, na kusela aghadi kwawo; nani nichakaia Mlungu wawo, nawo wichakaia wandu wapo.

1 PETRO 3:12

Angu Bwana wadawizighana wandu wa hachi, nao wadasikira malombi ghawo. Ela Bwana ndewizighanagha awo wibonyagha kiwiwi.”