WALAWI 2:16 - Biblia Ilagho Jiboie Kwa Wandu Wose

¹⁶ na mkohani uchawusa ifungu itini ja viro viwishi vichanilo na mavuda na vilungo varo, uvikore sa ifungu jekumbuka kukaia viro vose vamerie kukorwa aighu ya madhabahu vikaie kizongona chekora kwa BWANA.

WALAWI 2:16 ပူးပေါင်းရင်းမြစ်များ

ZABURI 141:2

Wusa malombi ghapo sa marumba mecha, na kuwusira mikonu yapo kukaie sa kizongona cha nakenyi.

ISAYA 61:1

Roho wa Bwana MLUNGU oko aighu kwapo, kwa kukaia BWANA orenishingieghe mavuda, nipate kuwiredia wandu wikorongelo malagho mecha; wanidumie niwirighite awa wifue ngolo, na kuwitangazira wuhuru ghwawo awo wandu widwalo wunyika; na awo wiko kifungonyi, malagho gha kufungulwa kwawo.

WALAWI 1:9

Uja mundu wafuya icho kizongona uchaoghosha mawula na vindo vose va ndenyi na maghu gharo, na mkohani uchavikora vose madhabahunyi, vikaie kizongona chekora; irumba ja vindo ivo jamnukiagha BWANA nicha nandighi.

WALAWI 2:12

Mafunyo gha mavalo gha imbiri gha viro va kula mwaka, ghicharedwa kwa BWANA; ela ndeghichaakorwa aighu ya madhabahu kukaia marumba mecha.

WALAWI 2:14

Iji kwakafunya mavalo gha imbiri gha viro kwa BWANA, kuchafunya kizongona cha mavalo gha imbiri gha viro vako viwishi vichanilo nyuma ya kuochwa kwa modo.

WALAWI 2:15

Kuvidunge mavuda na vilungo; vikaie kizongona cha viro;

WALAWI 2:9

Na uo mkohani uchawusa katini ka ijo ifunyo ja viro, na kukora sa ifungu jekumbuka kukaia mkate ghose ghwameria kukorwa aighu ya madhabahu, ghukaie kizongona chekora; irumba ja vindo ivo jamnukiagha BWANA nicha na ndighi.

WAEBRANIA 5:7

Matuku gha Jesu ukikaia mumbinyi, oremlombieghe Mlungu uo udimagha kumkira na kifwa, kwa lwaka lubaa lwa kuvoya na kudikwa ni mbori, nao ukasikirwa angu orekoghe na kuja kuobua kwa Mlungu.