WALAWI 2:10 - Biblia Ilagho Jiboie Kwa Wandu Wose

¹⁰ Icho chose chasigharika cha ifunyo ja viro chichawuya cha Haruni na wana wake; jakaia jieleshero na ndighi loli loli, angu ugho mkate ghwafuma kwa ifunyo jifunyiro kwa BWANA.

WALAWI 2:10 ပူးပေါင်းရင်းမြစ်များ

2 MALAGHO GHA NGELO 31:14

Kore, mwana wa Imna, Mlawi mlindiri wa mbenge ya mashariki, orekoghe mzighaniri wa vizongona vifunyiro kwa Mlungu kwa ngolo; upate kuviwagha ivo vilambo viwikilo mbai kwa wundu ghwa BWANA, na ivo va wueli vichumbie.

EZRA 2:63

M'baa wa isanga ja Wayahudi ukawizera wisekepata ifungu jingi ja vindo vifunyiro kwa Mlungu hata upatike mkohani udimagha kulola malagho kwa Urimu na Thumimu.

EZEKIELI 44:29

Wichaja vizongona va viro, na vizongona vifunyiro kwa wundu ghwa kaung'a, na mafunyo kwa wundu ghwa makosa, na kula kilambo cha Waisraeli chifunyiro kwa Mlungu chichakaia chawo.

EZEKIELI 46:20

Nao ukanizera, “Aha ni andu wakohani wichaadoghosera vizongona kwa wundu ghwa makosa na kaung'a, na kuocha mafunyo gha viro, eri kulindia visefunyo waza ya shighadi vicheshoghonua wandu kwa kuwibonya wiadade vindo va wueli.”

WALAWI 10:12

Musa ukamzera Haruni na awo wana wake wisigharikie, Eleazari na Ithamari, “Wusenyi ivo vindo va mafunyo gha viro visigharikie, ivo verefunyiroghe vikaie vizongona vekora kwa BWANA, muvije viseko na chachu aho kaavui na madhabahu; angu ni vindo vieleshero loli loli;

WALAWI 14:13

Nao uchabwagha uo mwana wa ng'ondi andu vizongona kwa wundu ghwa kaung'a, na vizongona vekorwa vibwaghilwagha. Uchabonya huwo, kwa kukaia vizongona kwa wundu ghwa makosa karakara na vizongona kwa wundu ghwa kaung'a ni ifungu ja mkohani; navo ni va wueli loli loli.

WALAWI 2:3

Mufu ghose ghwasigharika, ghuchawuya ghwa Haruni na wana wake; ghwakaia ghwa wueli loli loli, angu ghwafuma kwa ifunyo jifunyiro kwa BWANA.

WALAWI 21:22

Ela sena wadima kuja ivo vindo vieleshero vifunyiro kwa Mlungu, na hata ivo vieleshero kuchumba.

WALAWI 5:13

Kwa chia iyo, mkohani uchabonya mapatano kwa wundu ghwa kaung'a yake, nao uchafuilwa wughoma. Masighariko gha mufu ghichawuya gha mkohani; ni kizongona cha viro.”

WALAWI 6:16

Masighariko gha mufu ghichatumilwa ni Haruni na wana wake; ghuchabonywa mkate ghusewadie chachu na kujilwa Andu kwa Wueli, wazenyi ya Hema ekwania.

WALAWI 6:23

Kula kizongona cha viro chifunywagha ni mkohani chichakorwa chose, ndechichajighwa anduangi.”

WALAWI 6:9

“Kuwilaghire Haruni na wana wake huwu, Ihi niyo Sharia ya kizongona chekorwa: Kizongona chekorwa chichakaia modonyi aighu ya madhabahu kio chee hata luma lwa nakesho, na modo ghwaro ghuchakaia ghukiaka madhabahunyi ngelo rose.

WALAWI 7:7

“Sharia ya kizongona kwa wundu ghwa kaung'a na kizongona kwa wundu ghwa makosa ni imweri. Nyama raro richakaia ni ra uo mkohani udumikagha.

MITALO 18:9

Ivo vilambo va wueli kuchumba viseko vekora vichakaia venyu. Kula kizongona chawo cha viro, na kula kizongona chawo winirediagha kwa wundu ghwa makosa, ni vindo va wueli kuchumba navo vichakaia vako na wana wako.

1 SAMUELI 2:28

Ngamsaghua Haruni aghadi ya vichuku vose va Israeli ukaie mkohani wapo; ufukireghe marumba aighu ya madhabahu yapo ukirwa naivera imbiri kwapo. Ngachineka kinyumba cha wawayo hachi eja vizongona vose vekora verekoghe vikifunywa ni wandu wa Israeli.