WALAWI 19:5 - Biblia Ilagho Jiboie Kwa Wandu Wose

⁵ “Iji mwakafunya vizongona va mapatano kwa BWANA, mfunye sa iji koni neremlaghirieghe; nani nichamrumiria.

WALAWI 19:5 ပူးပေါင်းရင်းမြစ်များ

2 MALAGHO GHA NGELO 31:2

Hezekia ukawika vipughi va wakohani na Walawi, kula kipughi kwa ifungu kunughana na wudumiki ghwaro ghwa wukohani angu ghwa Walawi wipate kufunya vizongona vekora na va mapatano, kudumika mbengenyi ya Andu Kokaia kwa BWANA; kufunya chawucha na kubora makaso.

KUFUMA 24:5

Niko ukawiduma wandu wa irika wa wandu wa Israeli, wikafunya vizongona vekora kwa BWANA; na ng'ombe rimu wikarifunya rikaie vizongona va mapatano.

EZEKIELI 46:12

“Iji m'baa wa isanga wakunda kufunya mafunyo kwa kukunda kwake moni, ikaiagha ni vizongona vekora, angu va mapatano, vifunywagha kwa BWANA kwa kukunda, mbenge ya chia ya mashariki icharughulwa kwa wundu ghwake, nao uchafunya kizongona chake chekora angu cha mapatano sa iji koni ubonyagha ngelo ya Sabato. Niko uchafuma, na nyuma ya kufuma, mbenge icharughwa.”

EZEKIELI 46:2

M'baa wa isanga uchangiria mnyango ghwa lukumbi lwa shighadi, nao uchakaia kimusi a vizingitinyi va mbengenyi; na wakohani wichafunya kizongona chake chekora, na vizongona vake va mapatano, nao uchamtasa BWANA aho kizingitinyi cha mbengenyi. Niko uchafuma shighadi, ela mbenge ichakaia iari hata luma lwa kenyi.

WALAWI 1:3

Ikakaia uafunya ng'ombe yake ikaie kizongona chekora, suti urede njau isene itiko. Uchaireda mnyangonyi ghwa Hema ekwania, eri kizongona chake chipate kurumirilwa ni BWANA.

WALAWI 19:4

Msakerighalukia fwana angu kukubonyera milungu eyeyusha: Ini ne BWANA Mlungu onyu.

WALAWI 19:6

Nyama ya kizongona ichajighwa ituku jija jeni kizongona chafunywa, angu hata nakesho yaro; ela nyama ingi ikasigharika hata ituku ja kadadu, ichakorwa na modo.

WALAWI 22:19

eri icho kizongona chirumirilo, mchafunya njau riseko na itiko jingi, angu bauru, angu fwandi.

WALAWI 22:21

Mndungi ukafunya kizongona cha mapatano kwa BWANA, kwa wundu ghwa kukatisha ighemi jake, angu ngera waafunya inosi kwa BWANA kufuma kwa mfugho rake, suti chikaie chisewadie itiko jingi; niko chidimagha kurumirilwa ni BWANA.

WALAWI 22:23

Kukamfunyira BWANA inosi ja njau angu mwana wa ng'ondi uvalo kisaya, jicharumirilwa, ela ndejichaarumirilwa jikaie kizongona kwa wundu ghokatisha ighemi anduangi.

WALAWI 22:29

Iji kwakafunya kizongona cha chawucha kwa BWANA, kuinughe sharia; eri kupate kurumirilwa.

WALAWI 7:16

“Ela ikakaia ifunyo ja kizongona chake ni kwa wundu ghwa ighemi jake, angu kukunda kwake koni, nyama ya icho kizongona yadima kujighwa hata ituku ja kawi;

WALAWI 7:18

Nyama ingi ya icho kizongona cha mapatano isigharikie hata ituku ja kadadu ikajighwa, kizongona cha uo mundu ndechichaarumirilwa hata kutalwa anduangi, chichawuya wuchafu. Na uo ujagha uchawuya mkosi.