WALAWI 19:3 - Biblia Ilagho Jiboie Kwa Wandu Wose

³ Kula umu onyu uchamneka ishima mae na ndee, nenyo mriwadie sabato rapo: Ini ne BWANA Mlungu onyu.

WALAWI 19:3 ပူးပေါင်းရင်းမြစ်များ

KUZOYA 48:12

Nao Josefu ukaghoghoma imbiri ya ndee na kudunga wushu gwake andonyi.

NEHEMIA 9:14

Kukawifundisha kuitala Sabato yako kukaia ya wueli, kukawineka sharia rako kwa mkonu ghwa Musa mdumiki wako.

KUFUMA 16:29

Ndemmbonagha angu BWANA wamnekie iyo Sabato ikaie ituku ja kuhora, niyo sababu umnekie mkate mandu awi ituku ja karandadu, eri kula mundu ukaie andu koni uko ituku ja mfungade. Kula mundu ndekaie mzinyi kwake.”

KUFUMA 20:12

“Kuwineke ishima ndeyo na mayo, matuku ghako ghikaie mengi isangenyi, kuchaanekwa ni BWANA Mlungu wako.

KUFUMA 20:8

“Kukumbuke kujielesha ituku ja Sabato;

KUFUMA 21:15

“Uo ose uchaamkaba ndee angu mae, uchabwaghwa.

KUFUMA 21:17

“Uo ose uchaamdukana ndee angu mae, uchabwaghwa.

MAKATANISHO 1:8

Mwana wapo, sikira mafundisho gha ndeyo, na mafundisho gha mayo kuseghileghe;

MAKATANISHO 23:22

Kumsikire ndeyo orekuvaeghe, na mayo ukeduaghosia kusemmenye.

MAKATANISHO 30:11

Weko wandu wiewiagha weke ndee, hata ndewiwifunyiragha chawucha weke mae.

MAKATANISHO 30:17

U mundu umsekagha ndee, na kummenya mae, iriso jake jichakulwa ni ngorusa ra vololonyi, na kujighwa ni nderi.

ISAYA 58:13

BWANA waghamba, “Kukalindia mighendo yako kuseinonagha Sabato, na kukulindia kusenughe bea rako kwa ituku japo jielie, na kujiwanga ijo ituku ja Sabato jiboie ja wueli, na ituku ja BWANA ja ishima; kukajineka ishima na kulegha ghenda charo, kusebonyagha kazi angu kuja malagho gha duu,

EZEKIELI 20:12

Sena ngawineka Sabato rapo wiriwadieghe; ikaie alama aghadi yapo na awo, eri wipate kumanya kukaia ni ini BWANA niwieleshagha.

WALAWI 11:44

Angu ini ne BWANA Mlungu onyu; kwa huwo mukueleshe mmbeni, mkaie muelie, angu ini ne Mweli.

WALAWI 19:25

Ela mwaka ghwa kasanu, kwadima kuja matunda gharo. Mkabonya huwo, midi yenyu ichava matunda kwa wungi; ini ne BWANA Mlungu wako.

WALAWI 19:30

Mchawadia sabato rapo na kulindia Andu Kwapo kwa Wueli; ini ne BWANA.

WALAWI 19:31

“Kuselole njama kwa wandu widedanyagha na roho ra wandu wifuye angu wasawi, kuchelushwa; ini ne BWANA Mlungu wako.

WALAWI 19:34

Uo mghenyi mwawuyakanya uchakaia kwako sa muisanga aghadi konyu; na oho kuchamkunda seji kukukunde kumoni, kwa kukaia na oho korekoghe mghenyi isanga ja Misri; ini ne BWANA Mlungu wako.

WALAWI 23:3

Matuku arandadu ni ghebonya kazi, ela ituku ja mfungade ni Sabato ehora; mkwanyike kwa wutasi, nenyo msakebonya kazi ingi; ni Sabato kwa BWANA andu uko kose mchaakaia.

WALAWI 26:2

Mmbwadie ndima rapo ra dini, na kukutala Andu Kwapo kwa Wueli; Ini ne BWANA.

MALAKI 1:6

BWANA Uwadie-Ndighi-Rose wawizera wakohani, “Mwana wamnekagha ndee ishima na mdumiki wamnekagha bwana wake ishima. Ikakaia ini ne ndeyo, kwaki mseninekagha ishima? Na ikakaia ne bwana, kwaki mseninekagha ishima? Mwanimenyere; nenyo mwaawuyakotia, ‘Dakumenyere wada?’

WUKUMBUSO 27:16

“‘Mundu ukalegha kumneka ishima ndee angu mae, uwado ni njowe.’ Na wandu wose widikie, ‘Amen.’

WUKUMBUSO 5:16

“‘Kuwibonyere ishima ndeyo na mayo, sa iji koni BWANA Mlungu wako orekulaghirieghe, eri matuku ghako ghikaie mengi, kuwone nicha isangenyi nawuyakuneka ini BWANA Mlungu wako.

WAEBRANIA 12:9

Chiaimweri na agho isi derekoghe na weke aba wa ndoenyi, werekoghe wikidikania, nesi dikawineka ishima. Welee, ndeidifwane dikusere kuchumba kwa Aba wa roho redu dipate kukaia moyo anguwada?