WALAWI 17:7 - Biblia Ilagho Jiboie Kwa Wandu Wose

⁷ Wandu wa Israeli ndewichaafunyira vizongona vawo shighadi ya kambi sena, kwa kubwaghia pepo na kulegha kaia waloli kwa BWANA; ela wichawadia momu ughu kwa kala na kala, vivalwa vawo vose.

WALAWI 17:7 ပူးပေါင်းရင်းမြစ်များ

2 MALAGHO GHA NGELO 11:15

Ukawika wakohani wake moni wedumika andu kotasira mighondinyi, na kudumikia majini, na fwana ya ngache oreibonyereghe.

ZABURI 106:37

Wikafunya wana wawo wa womi na wa waka wikaie vizongona kwa pepo.

ZABURI 106:39

Wikakulusha weni kwa mabonyo ghawo, wikasowa kukaia waloli kwa Mlungu.

KUFUMA 22:19

Mundu uo ose ulalagha na nyamandu ubwagho.

KUFUMA 22:20

“Mundu uo ose uchaafunyira milungu mizima vizongona isaakaia ni kwa BWANA moni, utotesho putu.

KUFUMA 27:21

Haruni na wana wake wichaiwika iyo Taa andenyi ya Hema Ekwania cha shighadi ya Pazia iko imbiri ya Sanduku ya Ilaghano; nayo ichakaia ikiaka kufuma luma lwa nakenyi hata luma lwa nakesho. Sharia ihi ichawadilwa ni Waisraeli chiaimweri na kivalwa chawo kwa kala na kala.

KUFUMA 32:8

Wameria kuisigha ija chia nerewilaghirieghe kuinugha, nawo wakubonyera weni ngache ya dhahabu, wikaitasa na kuifunyira vizongona wikighamba wei uo nuo mlungu wawo uwifunyire Misri.

KUFUMA 34:15

Kusebonye mapatano ghangi na wandu wa ijo isanga, kwa kukaia ngelo yawo etasa na kuibwaghia milungu yawo vizongona wichamkaribisha mnughane nawo; na aho mchangia matimonyi gheja ivo vindo vawo wivifunyiragha milungu yawo.

JEREMIA 3:1

BWANA waghamba, “Keni mundu ukamsigha mkake, nao ulowolo ni mundu mzima, wadima sena kummburia muka uo? Huwo isanga ndajadalushwa anguwada? Ela oho Israeli kwanughie milungu mingi sa malaya unughagha wandu wengi, sena kookunda kuwuya kwapo.

EZEKIELI 23:3

werekoghe wikibonya wumalaya Misri kufuma wanake ghwawo, hata nyodo rawo rikaghwa, na wai ghwawo kunoneka putu.

EZEKIELI 23:8

Jingi ndesigha tabia ya wumalaya ghwake oreghuzoeghe matuku orekoghe Misri; kufuma wanake ghwake, womi werekoghe wikilala nao, wikakatisha bea rawo nao.

WALAWI 17:8

“Kuchawilaghira kukaia, mndungi wa wandu Israeli, angu mghenyi uko aghadi kwawo, ukafunya kizongona chekora, angu kizongona chingi kizima,

WALAWI 20:5

nichalwa na uo mundu na nyumba yake yose, chiaimweri na awo wandu wiwadane nao kwa kuleghakaia waloli kwapo hata wikatasa Moleki, nani nichamtanya na wandu wapo.

WALAWI 3:17

Ihi ichakaia ni sharia yenyu ya kala na kala vivalwa venyu vose, andu kose mchaakaia; kukaia, ndemchaaja mavuda hata bagha anduangi.”

JOHANE 12:31

Idana ngelo ya wurumwengu ughu kutanywa yavika, idana m'baa wa wurumwengu ughu uchakumbwa noko.

JOHANE 14:30

Sidimagha kughora nenyo luma, angu m'bonyi nguma wa wurumwengu ughu waawuyacha; nao ndewadie nguma ringi aighu yapo anduangi.

1 WAKORINTHO 10:20

Hata! Naawuyaghora welee, icho watasi milimu wichifunyagha kizongona, wadarifunyira pepo si Mlungu ungi; nani sikunde inyo mkaie wangara wa pepo anduangi.

2 WAKORINTHO 4:4

Awo ndewidimagha kurumiria, angu mlungu wa wurumwengu ughu wawituwira akili rawo, na kuwighiria wisewone mwengere ghwa Ilagho Jiboie ja wubaa ghwa Kristo; uo uko fwana ya Mlungu.

WAEFESO 2:2

iro morekoghe mkighenda naro aho imbiri, kwa kunugha mighendo ya wurumwengu ughu, na uo m'baa wa ndighi ra mbeonyi; iyo roho yawuyabonya kazi idana andenyi ya wandu wisemsikiragha Mlungu.

WUKUMBUSO 31:16

Niko BWANA ukamzera Musa, “Ola oho kwalighisa kufwa, na awa wandu wichasigha kukaia waloli kwapo kwa kuitasa milungu ya kighenyi ya ijo isanga andu wighendagha kukaia, nawo wichanisigha na kujinona ilaghano japo nerejibonyereghe nawo.

WUKUMBUSO 32:17

Wereifunyireghe milungu ya tee vizongona, milungu ya kighenyi weke wawae wisereimanyireghe jingi, iyo Israeli wisereisikireghe jingi.

WUFUNUO 9:20

Awo wandu weresigharikieghe wisebwaghilo ni agho makabo, ndewereherieghe na kurisigha kazi ra mikonu yawo na kutasa pepo, na milimu ya dhahabu, feza, shaba, magho na ya midi; iyo isedimagha kuwona angu kusikira, hata kughenda anduangi.