WALAWI 17:11 - Biblia Ilagho Jiboie Kwa Wandu Wose

¹¹ Kwa kukaia irangi ja mumbinyi jeeka andenyi ya bagha, nani namneka bagha madhabahunyi mpate kubonya wupatanisho ghwa kaung'a kwa wundu ghwa roho renyu; angu bagha niyo ibonyagha mapatano, nayo niyo irangi.

WALAWI 17:11 ပူးပေါင်းရင်းမြစ်များ

KUZOYA 9:4

Ilagho jelindia ni iji: Msakeja nyama chia imweri na bagha, angu bagha ni irangi.

WALAWI 1:5

Nao uchaibwagha iyo njau imbiri ya BWANA, na wana wa Haruni, awo wakohani wichafunya iyo bagha, na kuimichira madhabahu chia rose aho mnyangonyi ghwa Hema ekwania.

WALAWI 16:11

“Haruni uchafunya ija njau ikaie kizongona kwa wundu ghwa kaung'a rake, nao uchabonya mapatano kwa wundu ghwake na kwa wundu ghwa wandu wa nyumbenyi kwake. Uchaibwagha ija njau ikaie kizongona kwa wundu ghwa kaung'a rake.

WALAWI 17:12

Wokoni niko nawizera wandu wa Israeli, na waghenyi wiko aghadi kwawo, kukaia wiseje bagha jingi.

WALAWI 17:14

Angu irangi ja kula nyamandu iko moyo jeeka andenyi ya bagha; niko nawizera wandu wa Israeli wiseje bagha ya nyamandu ingi, kwa kukaia irangi ja kula nyamandu jeeka baghenyi, mndungi ukaja bagha uchatanywa na wandu wake.

WALAWI 4:25

Niko mkohani uchawada bagha imu ya kizongona kwa wundu ghwa kaung'a na chala chake, na kuishinga aighu ya mbembe ra madhabahu ekoria vizongona; na bagha yasigharika uchaidia nandonyi ya madhabahu ghekoria vizongona.

WALAWI 4:26

Na mavuda ghake ghose uchaghikora aighu ya madhabahu, sa iji koni orebonyereghe kwa vizongona va mapatano. Uchabonya wupatanisho kwa wundu ghwake, nao uchafuilwa wughoma.

WALAWI 8:15

Nao Musa ukaibwagha, ukawada bagha na chala chake ukarishinga rija mbembe inya ra madhabahu na kuielesha; ukadia bagha nandonyi ya madhabahu na kuiwika wakfu ipate kukaia ereda mapatano.

MATHAYO 20:28

Angu Mwana wa Mdamu wori nderechieghe kudumikilwa anduangi, ela kudumika, na kufunya irangi jake jikaie wukomboli kwa wengi.”

MATHAYO 26:28

angu ihi niyo bagha yapo ya ilaghano idikagha kwa wundu ghwa wengi kulekwa kaung'a.

MARKO 14:24

Ukawizera, “Ihi niyo bagha yapo ya ilaghano, idikagha kwa wundu ghwa wandu wengi.

WAROMA 3:25

uo Mlungu ummbikie ukaie kizongona kwa bagha yake moni, upate kuwuswa kwa irumirio, na kwa chia iyo Mlungu uwonyere hachi yake; angu kwa kurumaghia kwake kwa wulungu, ndereritalieghe kaung'a ra imbiri.

WAROMA 5:9

Idana angu dabonywa kukaia na hachi kwa bagha yake, kuchumba na ndighi, Uo uchadikira na machu gha Mlungu.

WAEFESO 1:7

Andenyi kwake, isi deko na wukomboli ghodu, kwa chia ya bagha yake; kuja kulekelwa makosa ghedu, karakara na wungi ghwa mvono ghwake,

WUKUMBUSO 12:23

Bora tu kukaie na loli ndekujagha bagha; angu bagha ni irangi, na oho kuseje irangi chiaimweri na nyama.

WAKOLOSAI 1:14

andenyi kwake uo, deko na kukombolwa, kuja kufuilwa wughoma kaung'a redu.

WAKOLOSAI 1:20

na kwa chia ya uo Mwana, uvipatanishe vilambo vose na uo moni; ngera veeka ndoenyi, angu mlungunyi; na kubonya sere kwa chia ya bagha kwa kifwa cha msalaba ghwake.

WAEBRANIA 13:12

Huwo koni Jesu oretiriroghe mbengenyi cha shighadi, upate kuwielesha wandu kwa chia ya bagha yake moni.

WAEBRANIA 9:22

Na loli kwa Sharia, kaavui kula kilambo chadaeleshwa kwa bagha; na kuseko na kudika bagha, ndekuwadie kufuilwa wughoma kungi kwa kaung'a anduangi.

1 PETRO 1:2

Wandu wisaghulo na kuwikwa ni Mlungu uja Aba, na kueleshwa ni uo Roho, wipate kumsikira Jesu Kristo, na kueleshwa kwa bagha yake. Mvono na sere nderichurikie konyu.

1 JOHANE 1:7

Ela dikaghenda na mwengere, sa iji koni uo uko mwengerenyi, dichakaia na wungara diweni na diweni, na bagha ya Jesu Mwana wake, iadioghoshagha kaung'a rose.

1 JOHANE 2:2

nao nuo wushano ghwa kaung'a redu; hata si kwa wundu ghwa kaung'a redu reni riekeri anduangi, ela na ra wurumwengu ghose wori.

WUFUNUO 1:5

na kufuma kwa Jesu Kristo uo mshahidi mloli, mvalwa wa imbiri wa awo wifue, na uo uwibonyeragha nguma wazuri wa ndoenyi. Kwake uo udikunde, ukadifungua kwa bagha yake difume kaung'enyi redu,