WALAWI 17:10 - Biblia Ilagho Jiboie Kwa Wandu Wose

¹⁰ “Mndungi wa nyumba ya Israeli, angu mghenyi uko aghadi konyu, ukaja bagha iyo yose, ini BWANA nichazamilwa ni uo mundu, nani nichamuinja ufume kwa wandu wapo.

WALAWI 17:10 ပူးပေါင်းရင်းမြစ်များ

KUZOYA 9:4

Ilagho jelindia ni iji: Msakeja nyama chia imweri na bagha, angu bagha ni irangi.

2 SAMUELI 23:17

ukaghamba, “Ilagho jenywa agha machi jikaie kula nani putu ee BWANA kwa kukaia ni karakara na kunywa bagha ra wandu wawika marangi ghawo ndengonyi kuendaghionda.” Niko Daudi ukalegha kughinywa. Malagho agho gherebonyeroghe ni agho mang'oni adadu.

ZABURI 34:16

BWANA wadawitangala wawiwi, na kuwibonya wisekumbuko ndoenyi.

KUFUMA 30:33

Mndungi ukabonya mavuda ghifwanane na agha, angu kushinga mndungi useko mkohani, uchatengwa putu na wandu wa Israeli.’”

JEREMIA 21:10

Kwa kukaia namerie kughudumbuya ughu muzi ilagho jeghubonya kiwiwi, nichaghungira mikonunyi kwa mzuri wa Babuloni, nao uchaghukora na modo.’

JEREMIA 44:11

“Kwa huwo, Ini BWANA wa majeshi, Mlungu wa Israeli nichaghaluka na kum'bonya kiwiwi, na kuwitotesha wandu wa Juda putu.

EZEKIELI 14:8

Mundu uo, nichamzighana kiwiwi na kum'bonya uwuye alama ezighanwa sa kilambo chisefwane; nani nichamuinja aghadi ya wandu wapo, nenyo mchamanya kukaia ini ne BWANA.

EZEKIELI 15:7

Nichawizighana kiwiwi, na hata ngera wafufunuka wisehirie, ela sena modo ghuchawimeria, na inyo mchamanya kukaia ini ne BWANA ingelo nawizighana kiwiwi.

EZEKIELI 33:25

Kwa huwo kuwighorie seji ini, Bwana MLUNGU nawuyaghamba: Inyo mwadaja nyama iko na bagha, na kutasa milimu yenyu, na kubwagha wandu; welee, mwadima kujiwusa iji isanga?

EZEKIELI 44:7

Wawuyarumiria wandu wa kighenyi wiseshamishiro, hata wisenisikiragha, kungia andenyi ya Hekalu yapo na kuilusha, ingelo munifunyiragha vindo vapo, mavuda na bagha. Aho mwajichikanyire ilaghano japo, mkichuria ugho wuchafu ghonyu ghose.

WALAWI 17:11

Kwa kukaia irangi ja mumbinyi jeeka andenyi ya bagha, nani namneka bagha madhabahunyi mpate kubonya wupatanisho ghwa kaung'a kwa wundu ghwa roho renyu; angu bagha niyo ibonyagha mapatano, nayo niyo irangi.

WALAWI 19:26

“Mseje nyama iko na bagha andenyi yaro. Kusefundishe kulogha angu kulaghua.

WALAWI 26:17

Nichalwa nenyo, mpate kusimwa ni wamaiza wenyu; awo wizamilwagha ni inyo, wicham'bonyera nguma; nenyo mchakimbia, ngelo mndungi usewuemmbinga.

WALAWI 3:17

Ihi ichakaia ni sharia yenyu ya kala na kala vivalwa venyu vose, andu kose mchaakaia; kukaia, ndemchaaja mavuda hata bagha anduangi.”

AMOSI 9:4

Hata widwalo wunyika na kukaia kwa wamaiza wawo nichaduma wandu aho wiwibwaghe. Nia yapo ni kuwibwagha si kuwikira anduangi.”

MABONYO GHA WADUMI 15:20

Ela diwiandikie barua na kuwizera witane na wuchafu ghwa vindo vifunyiro kizongona kwa milimu, kulaka, kuja nyama ra nyamandu rinyorelo, na kuja bagha.

MABONYO GHA WADUMI 15:29

nagho ni agha: mtane putu na vindo vifunyiro vizongona va milimu, kuja bagha, kuja nyamandu rinyorelo, na kulaka. Mkakutanya na maza iri, mchabonya nicha. Mkaie mana.”

WUKUMBUSO 12:16

Bora tu mseje bagha; muidie andonyi seji koni mdiagha machi.

WUKUMBUSO 12:23

Bora tu kukaie na loli ndekujagha bagha; angu bagha ni irangi, na oho kuseje irangi chiaimweri na nyama.

WUKUMBUSO 15:23

Bora tu kuseje bagha yake; iyo, kuidie andonyi sa machi.

WAEBRANIA 10:29

Mwamanya ni ikabo ibaa saki jichaamfwana mundu ummenyere Mwana wa Mlungu, ukaibonya bagha ya ilaghano kukaia kilambo cha kisha, iyo cheni oreelesheroghe nayo, sena wammenya Roho wa mvono?

1 SAMUELI 14:32

nawo wikaramia vilambo wavidwa wunyika, wikawada ng'ondi, na ng'ombe, na ngache; wikaribwagha ahoeni, wikaja nyama chiaimweri na bagha yaro.

1 SAMUELI 14:33

Nao wikamghoria Sauli wikighamba, “Zighana wandu wakam'bonyera BWANA kaung'a kwa kuja nyama chiaimweri na bagha yaro.” Sauli ukaghamba, “Mwabonya kiwiwi, ning'arishirenyi igho ibaa idime.”