WALAWI 16:6 - Biblia Ilagho Jiboie Kwa Wandu Wose

⁶ Haruni uchafunya iyo njau kizongona kwa wundu ghwa kaung'a rake moni, na ra wandu wa nyumbenyi kwake.

WALAWI 16:6 ပူးပေါင်းရင်းမြစ်များ

AYUBU 1:5

Matuku gha karamu rawo ghikakatia, Ayubu orekoghe ukiwiwanga na kuwielesha. Orekoghe ukiwuka kokio, na kufunya vizongona vekora kwa wundu ghwa kula mwana wake; oreririkanyireghe kewada wana wake wabonyere kaung'a kwa kumdukana Mlungu wisemanyire. Huwo niko Ayubu orekoghe ukibonya tulituli.

EZEKIELI 43:19

kuchamneka mkohani umu wa Kilawi ufumagha kwa kivalwa cha Zadoku njau ya kizongona kwa wundu ghwa kaung'a; uo nuo uchaanisoghodera kwa wudumiki, ini Bwana MLUNGU naghamba.

EZEKIELI 43:27

Wikameria kukatisha agho matuku, kufuma ituku ja wunyanya na matuku mazima ghose, mkohani uchakaia ukifunya vizongona aho madhabahunyi; vizongona venyu vekora na va mapatano, nani nichamrumiria, ini Bwana MLUNGU naghamba.”

WALAWI 16:3

Haruni uchakaia ukicha andenyi ya Andu kwa Wueli Kuchumbie huwu: Uchawada mwana wa njau ofunya kizongona kwa wundu ghwa kaung'a, na bauru kwa wundu ghwa kizongona chekora.

WALAWI 16:7

Niko uchawada iro fwandi iwi na kuriwika imbiri ya BWANA mnyangonyi ghwa Hema ekwania;

WALAWI 9:7

Ukamzera Haruni, “Ghenda madhabahunyi, kufunye kizongona kwa wundu ghwa kaung'a rako na kaung'a ra wandu wako, na kizongona chekora chebonya mapatano kwa wundu ghwako na kwa wundu ghwa wandu wako; kurede agho mafunyo gha wandu, nao kubonye mapatano kwa wundu ghwawo, sa iji koni BWANA orefunyireghe.”

WAEBRANIA 7:27

Uo ndena haja efunya vizongona matuku ghose, sa waja wakohani wabaa; wei ufunye kizongona kwa wundu ghwa kaung'a rake moni imbiri, ima uwonefunya kwa wundu ghwa wandu. Jesu odebonya huwo indo jimweri tua, iji orekufunyireghe moni kizongona.

WAEBRANIA 9:12

orengirieghe andenyi ya Andu kwa Wueli indo jimweri tua ukidwa bagha; si ya mburi na ngache anduangi, ela bagha yake moni. Kwa chia iyo ukaghupata ghuja wukomboli ghwa kala na kala.

WAEBRANIA 9:7

na iyo hema ya kawi, yadangilwa ni Mkohani M'baa uekeri mwaka indo jimweri, nao ndeoredimagha kungia usedwae bagha; uifunye kwa wundu ghwake moni, na kwa wundu ghwa makosa gha wandu.