WALAWI 16:30 - Biblia Ilagho Jiboie Kwa Wandu Wose

³⁰ Angu ituku iji mapatano ghichabonywa kwa wundu ghonyu; mpate kueleshwa kufuma kwa kaung'a renyu rose, nenyo mchakaia muelie imbiri ya BWANA.

WALAWI 16:30 ပူးပေါင်းရင်းမြစ်များ

ZABURI 51:10

Kuniumbie ngolo ielie andenyi kwapo ee Mlungu; kuningire roho mbishi ya loli.

ZABURI 51:2

Kunioghoshe kiwiwi chapo putu, kunieleshe kaung'a yapo.

ZABURI 51:7

Kunieleshe kwa hisopu, nani nichaela, nioghoshe, nani nichawuya wa chokwa kuchumba theluji.

JEREMIA 33:8

Nani nichawielesha wuwiwi ghwa kaung'a yawo yose winibonyere, na kuwifuya wughoma kaung'a rawo rose na kuja kunilegha kwawo.

WALAWI 23:27

“Ituku ja ikumi ja mori ghwa mfungade ichakaia ni ituku ja mapatano, nenyo m'bonye ikwanyiko ja wutasi. Mfunge tumu na kufunya kizongona cha vindo kwa BWANA.

WALAWI 23:28

Ijo ituku msebonye kazi ingi kwa kukaia ni ituku ja mapatano; nagho ghichabonywa imbiri ya BWANA Mlungu onyu.

WAEFESO 5:26

upate kujielesha kwa kujioghosha na machi kwa ilagho;

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.