WALAWI 16:2 - Biblia Ilagho Jiboie Kwa Wandu Wose

² ukamzera, “Kumzere mwanyinyu Haruni usecheghe kula ngelo andenyi ya Andu kwa Wueli Kuchumbie nandenyi ya pazia; andu aho Kifumbi cha Wughoma chiko aighu ya Sanduku ya Ilaghano, uchefwa; kwa kukaia nichawoneka andenyi ya iwingu aighu ya Kifumbi cha Wughoma.

WALAWI 16:2 ပူးပေါင်းရင်းမြစ်များ

1 WAZURI 6:16

Sena ukaagha chumba cha nandenyi nanyuma ya Hekalu cha meta ikenda, kwa kutumia mbau ra sida kufuma sakafu hata darinyi, nacho chawangwa Andu kwa Wueli Kuchumbie.

1 WAZURI 8:6

Niko wakohani wikaingira iyo Sanduku ya Ilaghano andu kwaro aho Andu kwa Wueli Kuchumbie, nandonyi ya mawawa gha agho makerubi.

2 MALAGHO GHA NGELO 5:14

hata wakohani ndeweredimieghe kudumika kwa wundu ghwa ijo iwingu; angu wubaa ghwa BWANA ghorekoghe ghwaichura Hekalu ya Mlungu.

KUFUMA 30:10

Haruni uchakatisha mzango ghoelesha iyo madhabahu indo jimweri kula mwaka kwa kurimichira iro mbembe inya ra madhabahu bagha ya kizongona chifunyiro kwa wundu ghwa kaung'a. Uchakaia ukibonya huwo kula mwaka vivalwa vose. Madhabahu ihi ichakia ielie loli-loli kwa BWANA.”

WALAWI 16:13

Na aho ukikaia imbiri ya BWANA, uchakumba agho marumba modonyi, eri mosi ghwa agho marumba ghupate kufinikira icho Kifumbi cha Wughoma chifinikire Sanduku ya Ilaghano, Haruni usechechiwona uchefwa.

WALAWI 16:34

Ihi ichakaia sharia ya kala na kala kwa wundu ghonyu, eri mapatano ghipate kubonywa kwa wundu ghwa wandu wa Israeli kula mwaka; kwa wundu ghwa kaung'a rawo.” Musa ukabonya sa iji koni BWANA oremlaghirieghe.

WALAWI 23:27

“Ituku ja ikumi ja mori ghwa mfungade ichakaia ni ituku ja mapatano, nenyo m'bonye ikwanyiko ja wutasi. Mfunge tumu na kufunya kizongona cha vindo kwa BWANA.

WALAWI 8:35

Mchakaia aho mnyangonyi ghwa Hema ekwania kwa matuku mfungade kio na dime, mkibonya agho ghilaghirilo ni BWANA, eri msechefwa, angu huwo niko nerenekeloghe momu ni BWANA.”

MITALO 17:10

BWANA ukamzera Musa, “Wunja mzata ghwa Haruni kughuwike imbiri ya Sanduku ya Ilaghano, ghukaie alama ewikumbusa waleghi wisezughunukeghe wichefwa.”

MITALO 18:7

Ela oho na wana wako, mchabonya kazi ra wukohani madhabahunyi, na iro ra Andu kwa wueli kuchumbie. Wukohani ni inosi jenyu nimnekie na mndungi ukaghusoghodera, uchabwaghwa.”

MITALO 4:19

ela muwitesie wisesoghode kaavui na vilambo vieleshero kuchumba, wichefwa. Haruni na wana wake wingie andenyi, na kuwipangia kazi rawo kula umu na msigo ghwake;

MITALO 4:5

Kawona Hema yakakulwa, Haruni na wana wake wichangia wisere kitambaa cha pazia, na kuifinikira Sanduku ya Ilaghano.

MATHAYO 27:51

Niko aho pazia ya Hekalu ikarashuka vibelele viwi kufuma aighu hata andoenyi; ndoe ikasughusika, na magho ghikabarika;

WAEBRANIA 6:19

Isi deko na ijo isuwirio jiko sa nanga imange ya irangi jedu, jingiagha kondenyi na kuida pazia na nyuma,

WAEBRANIA 9:25

Hata ndeorekoghe ukufunye moni kalazi, seji Mkohani M'baa ungiagha Andu kwa Wueli kula Mwaka, ukidwa bagha iseko yake;

WAEBRANIA 9:3

Nanyuma ya pazia ya kawi, korekoghe na hema iwangwagha Andu kwa Wueli Kuchumbie.

WAEBRANIA 9:5

na aighu ya iyo Sanduku korekoghe na makerubi gha wubaa ghichifinikiragha kiju icho kifumbi cha wughoma. Maza iri idana disedimagha kurighora imu imu.

WUFUNUO 15:8

na hekalu ikachua mosi ghufumie kwa ugho wubaa ghwa Mlungu, na uko kudima kwake; na mndungi nderedimieghe kungia hekalunyi, hata makabo gha weke malaika mfungade ghikatie.