WALAWI 16:18 - Biblia Ilagho Jiboie Kwa Wandu Wose

¹⁸ Niko uchaghenda madhabahunyi iko imbiri ya BWANA, kuielesha. Aho uchawada bagha imu ya njau, na imu ya mburi, na kuimichira mbembe rose ra madhabahu.

WALAWI 16:18 ပူးပေါင်းရင်းမြစ်များ

KUFUMA 30:10

Haruni uchakatisha mzango ghoelesha iyo madhabahu indo jimweri kula mwaka kwa kurimichira iro mbembe inya ra madhabahu bagha ya kizongona chifunyiro kwa wundu ghwa kaung'a. Uchakaia ukibonya huwo kula mwaka vivalwa vose. Madhabahu ihi ichakia ielie loli-loli kwa BWANA.”

EZEKIELI 43:20

Na oho kuchawada bagha imu na kuishinga aighu ya mbembe inya ra madhabahu na kona raro, na ugho mkele ghuimarie chia rose; kwa chia iyo, kuchaielesha madhabahu na kuiwika wakfu.

EZEKIELI 43:22

Ituku ja kawi kuchafunya fwandi iseko na itiko jingi, ikaie kizongona kwa wundu ghwa kaung'a, na madhabahu ichaeleshwa sa iji koni ereelesheroghe na kizongona cha njau.

EZEKIELI 45:19

Mkohani uchawada bagha imu ya kizongona chifunyiro kwa wundu ghwa kaung'a, na kuishinga aighu ya vizingiti va minyango ya Hekalu, na iro kona inya ra momu ghwa madhabahu, na vizingiti va minyango ya mbenge ya waza ya nandenyi.

WALAWI 16:16

Kwa chia iyo, uchaelesha aja Andu kwa Wueli Kuchumbie kufumanya na kulua kwa wandu wa Israeli, makosa ghawo, na kaung'a rawo rose. Uchabonya huwo koni kwa wundu ghwa iyo Hema ekwania ikaiagha ghadi na ghadi ya Waisraeli wiseelie.

WALAWI 16:17

Haruni uchakaia uekeri andenyi ya iyo Hema ekwania, ingelo uchaakaia ukifunya vizongona andenyi ya Andu kwa Wueli Kuchumbie, ukibonya mapatano kwa wundu ghwake na kwa wandu wa nyumbenyi kwake na kwa wandu wose wa Israeli; ima uchefuma.

WALAWI 4:18

Sena uja Mkohani M'baa uchashinga bagha imu kwa iro mbembe inya ra madhabahu iko andenyi ya Hema ekwania imbiri ya BWANA, na bagha yasigharika uchaidia nandonyi ya madhabahu ya vizongona vekora iko mnyangonyi ghwa Hema ekwania.

WALAWI 4:25

Niko mkohani uchawada bagha imu ya kizongona kwa wundu ghwa kaung'a na chala chake, na kuishinga aighu ya mbembe ra madhabahu ekoria vizongona; na bagha yasigharika uchaidia nandonyi ya madhabahu ghekoria vizongona.

WALAWI 4:7

Sena uja Mkohani M'baa uchadunga bagha imu kwa iro mbembe inya ra madhabahu efukiria marumba imbiri ya BWANA, iko andenyi ya iyo Hema ekwania. Iyo bagha yasigharika, uchaidia nandonyi ya madhabahu ya vizongona vekora iko mnyangonyi ghwa Hema ekwania.

MITALO 28:22

na fwandi imweri ikaie kizongona kwa wundu ghwa kaung'a chikaie wupatanisho kwa wundu ghonyu.

JOHANE 17:19

na kwa wundu ghwawo, nakuwika ini moni kwako, eri nawo weni wibonyo kukaia wako weni kwa iyo loli.

WAEBRANIA 2:11

Angu uo ueleshagha, na awo wieleshwagha, weefuma kwa Ndee umweri. Kwa wundu ugho niko Jesu usefwagha waya kuwiwanga waruna