WALAWI 16:16 - Biblia Ilagho Jiboie Kwa Wandu Wose

¹⁶ Kwa chia iyo, uchaelesha aja Andu kwa Wueli Kuchumbie kufumanya na kulua kwa wandu wa Israeli, makosa ghawo, na kaung'a rawo rose. Uchabonya huwo koni kwa wundu ghwa iyo Hema ekwania ikaiagha ghadi na ghadi ya Waisraeli wiseelie.

WALAWI 16:16 ပူးပေါင်းရင်းမြစ်များ

KUFUMA 30:10

Haruni uchakatisha mzango ghoelesha iyo madhabahu indo jimweri kula mwaka kwa kurimichira iro mbembe inya ra madhabahu bagha ya kizongona chifunyiro kwa wundu ghwa kaung'a. Uchakaia ukibonya huwo kula mwaka vivalwa vose. Madhabahu ihi ichakia ielie loli-loli kwa BWANA.”

WALAWI 16:17

Haruni uchakaia uekeri andenyi ya iyo Hema ekwania, ingelo uchaakaia ukifunya vizongona andenyi ya Andu kwa Wueli Kuchumbie, ukibonya mapatano kwa wundu ghwake na kwa wandu wa nyumbenyi kwake na kwa wandu wose wa Israeli; ima uchefuma.

WALAWI 16:18

Niko uchaghenda madhabahunyi iko imbiri ya BWANA, kuielesha. Aho uchawada bagha imu ya njau, na imu ya mburi, na kuimichira mbembe rose ra madhabahu.

WALAWI 23:27

“Ituku ja ikumi ja mori ghwa mfungade ichakaia ni ituku ja mapatano, nenyo m'bonye ikwanyiko ja wutasi. Mfunge tumu na kufunya kizongona cha vindo kwa BWANA.

WALAWI 8:15

Nao Musa ukaibwagha, ukawada bagha na chala chake ukarishinga rija mbembe inya ra madhabahu na kuielesha; ukadia bagha nandonyi ya madhabahu na kuiwika wakfu ipate kukaia ereda mapatano.

MITALO 17:11

Musa ukabonya wokoni sa iji koni BWANA oremlaghirieghe.

MITALO 28:15

Wokoni fwandi imweri ichafunywa kizongona kwa BWANA kwa wundu ghwa kaung'a aighu ya ghaja mafunyo ghekora na gha kunywa gha tulituli ghiko mbai.

JOHANE 14:3

Nani ngaghenda na kum'boisira malalo, nichawuya sena nimdo cha kwapo, mpate kukaia andu nikaiagha.

WAEBRANIA 2:17

Kwa huwo, eremfwaneghe ufwananisho na waruna kwa kula chia, eri upate kukaia Mkohani M'baa uwadie wughoma, na uko mloli kwa wudumiki ghwa Mlungu, na kulipia kaung'a ra wandu.