WALAWI 16:13 - Biblia Ilagho Jiboie Kwa Wandu Wose

¹³ Na aho ukikaia imbiri ya BWANA, uchakumba agho marumba modonyi, eri mosi ghwa agho marumba ghupate kufinikira icho Kifumbi cha Wughoma chifinikire Sanduku ya Ilaghano, Haruni usechechiwona uchefwa.

WALAWI 16:13 ပူးပေါင်းရင်းမြစ်များ

KUFUMA 25:21

Iyo memu nichaakuneka, kuingire andenyi ya Sanduku; nao kuwikirie kifuniko, icho kifumbi cha wughoma aighu ya Sanduku.

KUFUMA 28:43

Suti Haruni na wana wake wiro awo weke mwadeghu iji wakangia Hema Ekwania, angu madhabahunyi, wikinidumikia andenyi ya aho Andu kwa Wueli; eri wisechebwaghwa kwa kughuwonyera wuduu ghwawo. Iji ni ilaghiro ja toe kwa Haruni na wana wake.

KUFUMA 30:1

“Kubonye madhabahu ya mudi ghwa mgholeka, kukaie andu kofukiria marumba.

WALAWI 22:9

“Wakohani wose wichawadia malaghiro ghapo, wisechelushwa na kungia kaung'enyi na kufwa kwa wundu ghwa kuleghasikira kwawo; Ini ne BWANA uo uwieleshagha.

MITALO 16:18

Niko kula mundu ukawada luwigha lwake ukakumba modo andenyi, na kuwikiria marumba aighu yaro; wikakaia kimusi mnyangonyi ghwa Hema ekwania, andwamweri na Musa na Haruni.

MITALO 16:46

Musa ukamzera Haruni, “Shoa luwigha lwako, kuwuse modo kufuma madhabahunyi na kughukumbiria; nao kuwikirie marumba aighu yaro, na kulughenja izungunyi shwa-shwa, eri kubonye wupatanisho kwa wundu ghwawo, kwa kukaia BWANA wamerie kujokwa ni machu, na saka ya ngawawi yazoya.”

MITALO 16:7

wikumbe modo andenyi, na kuwikiria marumba aighu yaro imbiri ya BWANA; na uo mundu BWANA uchaamsaghua nuo moni mweli. Inyo ninyo mwazidi wana wa Lawi!”

MITALO 4:15

Hata iji Haruni na wana wake wameria kufinikira Andu kwa Wueli na vilambo varo, niko wana wa Kohathi wichacha na kuviduka ngelo kambi yakahamishwa; ela wiseadade ivo vilambo vieleshero, wichefwa. Ivo nivo vilambo va Hema ekwania vichaakaia vikidukwa ni wana wa Kohathi.

MITALO 4:20

ela wisengie andenyi hata kutini kuzighana ivo vilambo vieleshero; wichefwa.”

WUKUMBUSO 33:10

Wichawifundisha wandu wako kuisikiria Sharia yako; wichafunya vizongona aighu ya madhabahu yako.

WAEBRANIA 7:25

Kwa chia io, wadima kuwikira ngelo rose awo wimsoghoderagha Mlungu wikiidia kwake; kwa kukaia uo wadua moyo matuku ghose, upate kuwilombia.

WAEBRANIA 9:24

Angu Kristo nderengirieghe Andu kwa Wueli kubonyero ni mikonu, kuko fwana ya uko kwa loli anduangi, ela orengirieghe mlungunyi koni; upate kuwoneka imbiri ya Mlungu kwa wundu ghodu.