WALAWI 15:5 - Biblia Ilagho Jiboie Kwa Wandu Wose

⁵ Uo ose uchaadada wuli ghwake, uchaoghosha nguwo rake, na kukuoghosha uo moni kwa machi, sena uchatalwa kukaia useelie hata luma lwa kenyi.

WALAWI 15:5 ပူးပေါင်းရင်းမြစ်များ

ZABURI 26:6

Naogha vala vapo kuwonyera siwadie ikosa, nipate kuendatasa madhabahunyi kwako, ee BWANA.

ZABURI 51:2

Kunioghoshe kiwiwi chapo putu, kunieleshe kaung'a yapo.

ZABURI 51:7

Kunieleshe kwa hisopu, nani nichaela, nioghoshe, nani nichawuya wa chokwa kuchumba theluji.

KUFUMA 19:10

Nao BWANA ukamzera, “Ghenda kuwizere wandu wikueleshe idime na kesho; kuwizere wioghoshe nguwo rawo,

ISAYA 1:16

Kuoghoshenyi mmbeni, mkaie muelie; sighenyi kubonya mawiwi imbiri kwapo; lekenyi kubonya makosa.

ISAYA 22:14

BWANA wa majeshi wanizerie, “Mawiwi agha ndeghichaafuilwa wughoma hata mwafwa; ini Bwana MLUNGU wa majeshi naghamba.”

EZEKIELI 36:25

Nani nichamnyinyiria machi ghielie aighu konyu, nenyo mchaela kufuma kwa wuchafu ghonyu, na wutasi milimu ghonyu ghose.

EZEKIELI 36:29

Nichamfunya wuchafunyi ghonyu ghose, nani nichalaghira viro vichurikie konyu kwa wungi; hata njala ingi ndeichaakaia konyu sena anduangi.

WALAWI 11:24

“Na mundu uo ose uchaadada gharia ra nyamandu iri uchakaia useelie hata luma kwa kenyi;

WALAWI 11:25

na uo ose uchaadwa kipande cha gharia yaro, suti uoghoshe nguwo rake, nao utalo useelie hata luma lwa kenyi.

WALAWI 11:28

Na uo udukagha gharia rawo, suti uoghoshe nguwo rake, sena uchakaia useelie hata luma lwa kenyi, iro nderielie konyu.

WALAWI 11:32

Gharia rawo rikapotokia kilambo chingi, chichakaia chiseelie; chikaiagha ni m'bau, nguwo, kishoo, angu igunia, na kilambo icho chose chitumilwagha kwa wundu ghungi, suti chioghosho, sena chitalo kukaia chiseelie hata luma lwa kenyi, ima chicherumirikia kukaia chaela.

WALAWI 13:34

Ituku ja mfungade, mkohani uchazighana uko kukusuwa; ikawoneka ndekuchurikie kungia nokondenyi, kuchumba mrongo ghwa mumbi, uchamghora uo mundu kukaia uelie. Na uo mundu uchaoghosha nguwo rake na kukaia uelie.

WALAWI 13:6

na mkohani uchamzighana sena ituku ja mfungade. Ikakaia ija dadama yazoya kufuwia, hata ndeiwuechurikia; uchamghora uo mundu kukaia uelie, chedeeka ni chonda tu. Uja mundu uchaoghosha nguwo rake, nao uchakaia uelie.

WALAWI 14:27

nao uchamichira na chala chake bagha imu kufuma luinyi lwake aeni aho imbiri ya BWANA mando mfungade.

WALAWI 15:18

Mndungi ukalala na muka hata ufumo ni mbeu rake, suti wose wawi wikuoghoshe kwa machi; nawo wichatalwa kukaia wiseelie hata luma lwa kenyi.

WALAWI 15:4

Ukaseria wuli ghungi ghuchakaia ghuseelie, na icho chose uchaachiseria chichakaia chiseelie.

WALAWI 15:6

Na uo ose uchaaseria kilambo chaserelwa ni uo mundu ufumwagha ni wufia, uchaoghosha nguwo rake, na kukuoghosha uo moni kwa machi, sena uchatalwa kukaia useelie hata luma lwa kenyi.

WALAWI 16:26

Uo mundu ughenjere mburi kwa Azazeli, uchaoghosha nguwo rake, na kukuoghosha uo moni na machi; ima uchengia kambinyi.

WALAWI 16:28

Mundu uchaavikora suti uoghoshe nguwo rake nyuma ya kuvikora, na kukuoghosha uo moni na machi, ima ungie kambinyi.

WALAWI 17:15

Na uo ose uchaaja nyamandu ifue cheni, angu ibwaghilo ni mmbao, ukaiagha ni muisanga angu mghenyi wawuyakaia aghadi konyu, uchaoghosha nguwo rake, na kukuoghosha uo moni na machi; sena uchakaia useelie hata luma lwa kenyi.

MITALO 19:10

Na uo ukwanyagha ijo ivu ja tagho, uchaoghosha nguwo rake, na kutalwa kukaia useelie hata luma lwa kenyi. Sharia ihi ichakaia ya matuku ghose kwa wandu wa Israeli na kwa mghenyi uko aghadi kwawo.

MITALO 19:22

Icho chose chichaadadwa ni mundu useelie, chichakaia chiseelie; na uo uchiadadagha icho kilambo, uchakaia useelie hata luma lwa kenyi.”

WAEBRANIA 10:22

ndedisoghode kaavui na Mlungu kwa ngolo ya loli, na irumirio jikate; dioghoshero ngolonyi disighe nia izamie na mimbi yedu ioghoshero kwa machi ghielie.

WAEBRANIA 9:14

ni kuchumba saki bagha ya Kristo, uo kwa chia ya Roho wa kala na kala, orekufunyireghe moni kwa Mlungu kuseko na iboli jingi, ichamuelesha nia renyu mfume kwa kazi rifue, mpate kumdumikia Mlungu uko moyo.

WAEBRANIA 9:26

angu aho yadakaia utiriro kalazi kufuma wurumwengu ghwazoya. Ela seji iko, wamerie kuwoneka indo jimweri tua ngelo ra kutua, upate kuriinja kaung'a kwa kukufunya kizongona moni.

JAKOBO 4:8

Msoghoderenyi Mlungu, nao uchamsoghodera inyo. Ioghoshenyi mikonu yenyu inyo wakaung'a, na kurielesha ngolo renyu inyo wandu wa nia iwi.

WUFUNUO 7:14

Nani ngamzera, “Bwana oho kwamanya.” Nao ukanizera, “Awa niwo waja wandu wifumie matirironyi mabaa, nawo warioghoshere nguwo rawo, na kuribonya kukaia ra chokwa kwa bagha ya Mwana wa Ng'ondi.

1 SAMUELI 20:26

Elaima ituku ijo Sauli ndereghorieghe ilagho jingi, angu oregheshereghe, “Kewada Daudi waapatwa ni ilagho jimu jikam'bonya ukaie useelie kimzango.”