WALAWI 14:4 - Biblia Ilagho Jiboie Kwa Wandu Wose

⁴ uchafunya momu kukaia uo mundu orekoghe na sima nao wakunde kueleshwa uredelo nyonyi iwi rimoo riboie, chiaimweri na mudi ghwa sida, uzi wa ngundu na hisopu.

WALAWI 14:4 ပူးပေါင်းရင်းမြစ်များ

ZABURI 51:7

Kunieleshe kwa hisopu, nani nichaela, nioghoshe, nani nichawuya wa chokwa kuchumba theluji.

KUFUMA 12:22

Mmbwade isawi ja hisopu, mujingire andenyi ya beseni iko na bagha, nao mshinge bagha aighu ya kizingiti cha ighu na vizingiti viwi va mnyango. Mndungi onyu usefume shighadi nakio hata ndoe yaela.

WALAWI 1:14

“Ikakaia ifunyo jake kwa BWANA ni kizongona chekora cha nyonyi, uchareda chana cha mbughi angu iringo.

WALAWI 12:8

Iji usedimagha kupata mwana wa ng'ondi, uchareda vana viwi va mbughi angu va maringo; imu kwa wundu ghwa kizongona chekora, na imu ichakaia kizongona kwa wundu ghwa kaung'a; na mkohani uchabonya mapatano kwa wundu ghwa uo muka, nao uchaeleshwa.”

WALAWI 14:5

Niko mkohani uchafunya momu imu ya iro nyonyi ibwagho aighu ya kilambo cha wongo chiko na machi ghawuyaida.

WALAWI 14:6

Nao uchawada ija nyonyi imu iko moyo, na kuingira baghenyi irangane na machi ghawuyaida, na ija nyonyi yabwaghwa, chiaimweri na mudi ghwa sida, uzi wa ngundu, na hisopu.

WALAWI 5:7

“Ela ikakaia ndedimagha kupata mwana wa ng'ondi uchareda kwa BWANA vana viwi va mbughi angu maringo awi kukaia kizongona kwa wundu ghwa kaung'a yake; imu ikaie kizongona kwa wundu ghwa kaung'a, na imu kwa wundu ghwa kizongona chekora.

MITALO 19:18

Mundu uelie uchawada hisopu, na kuingira andenyi ya agho machi, na kughimichira hemenyi, na vilambo vose viko andenyi yaro, na wandu werekoghe aho. Wokoni uchamichira mundu uadadire indi, angu mundu ubwaghilo, angu ufue, angu kaburi.

MITALO 19:6

Nao uchawada mudi ghwa mwerezi, na hisopu, na sufu itinikie, na kuvikumba ghadi na ghadi ya iyo tagho ihiagha.

WAEBRANIA 9:19

Angu iji Musa wawighoria wandu kula momu ghwa Sharia, orewadieghe bagha ya ngache na mburi, chiaimweri na machi na sufu itinikie na isawi ja hisopu, ukachimichira icho chuo cha Sharia chiaimweri na awo wandu ukighamba,