WALAWI 14:3 - Biblia Ilagho Jiboie Kwa Wandu Wose

³ na mkohani uchamfunya shighadi ya kambi upate kumzighana. Ukawona angu ugho wukongo ghwa sima ghwasirie,

WALAWI 14:3 ပူးပေါင်းရင်းမြစ်များ

2 WAZURI 5:14

Nao ukaghenda na kukungira Jordani mando mfungade, karakara na ilagho ja mundu wa Mlungu, na mumbi ghwake ghukawuya ghudendere sa ghwa mwana mtini; ukaeleshwa.

2 WAZURI 5:3

Ituku jimu, uja mwai ukamzera bibi wake, “Wei bwana wapo odekanya na uja mlodi uko Samaria, kumangu wam'boisa wukongo ghwake ghwa sima.”

AYUBU 5:18

Ukashoghonua, ufunga; ukakaba, uboisa.

KUFUMA 15:26

“Ngera mchalusikira lwaka lwa BWANA Mlungu onyu kwa loli, na kubonya agho ghiko gha hachi imbiri kwake, kwa kuiwadia sharia yake na malaghiro ghake, niko aho nisechaamredia makongo agho nerewiredieghe Wamisri; kwa kukaia Ini ne BWANA m'boisi wako.”

WALAWI 13:2

“Mundu ukavimba aighu ya mrongo ghwa mumbi ghwake, angu kukonoka-konoka, angu kuwoneka na dadama ingi yawuya sima, ucharedwa kwa mkohani Haruni, angu umu wa wana wake uko mkohani;

WALAWI 13:46

Uchakaia useelie ngelo rose uko na ugho wukongo; nao uchakaia shighadi ya kambi, kula na wambao.

WALAWI 14:48

“Ela mkohani ukacha kuzighana, nao usowe mruruwe na nyumba yakabilo plasta, uchaighora iyo nyumba kukaia ielie, mruruwe ghwainjiro.

MATHAYO 10:8

Wiboisenyi wakongo, wirukishenyi wafu, wieleshenyi awo wiko na sima, riwingenyi pepo. Mwanekelo duu, mfunye duu.

MATHAYO 11:5

Vitungure vawuyawona, wakelemeri wawuyaghenda, awa wiko na sima waawuyaeleshwa, awa wifue madu waawuyasikira, wafu waawuyarukishwa, na wakiwa wachililwa Ilagho Jiboie.

LUKA 4:27

Sena korekoghe na wandu wa sima wengi Israeli matuku gha mlodi Elisha, hata ndekuwadie ungi wawo oreelesheroghe, ela Naamani Msiria.”

LUKA 7:22

Jesu ukawitumbulia, “Ghendenyi mumghorie Johane malagho agho mwaghiwona na kughisikira; vitungure wapata kuwona kwawo, watighini waghenda, wandu wiko na sima waeleshwa, na awa wifue madu wasikira, na awo wifue warukishwa, na wakiwa wachililwa Ilagho Jiboie.