WALAWI 14:12 - Biblia Ilagho Jiboie Kwa Wandu Wose

¹² Niko mkohani uchawada imu ya awo wana wa ng'ondi, chiaimweri na ifungu ja kadadu ja lita ya mavuda, na kuvifunya vikaie kizongona kwa wundu ghwa makosa. Niko uchavifunya vikaie kizongona chesughuswa kwa BWANA.

WALAWI 14:12 ပူးပေါင်းရင်းမြစ်များ

KUFUMA 29:22

“Kudumbuo mavuda gha munda ghwa bauru, na ilala ja mavuda gha vifu, na kipande cha idima, figho iwi na mavuda gharo, na bara ya mkonu ghwa kiwomi (angu ni bauru yawikwa kwa kazi ewika wakfu.)

KUFUMA 29:24

Kuviwikirie vindo ivo vose mikonunyi kwa Haruni na wana wake, wipate kuvifunya kwapo sa manosi mecha.

KUFUMA 29:26

“Kuwade nyama ya lagha ya iyo bauru emmbika Haruni wakfu, kuisughuse ikaie kizongona chesughuswa chifunyo kwa BWANA nayo ichakaia iwaghio jako.

ISAYA 53:10

BWANA waghamba, “Erekoghe ni lukundo lwapo kumvonua, na kumngira wasinyi; ingelo orekufunyagha uo moni kizongona kwa wundu ghwa kaung'a, nao uchawona kivalwa chake, na kudua moyo matuku mengi, lukundo lwapo luchakatishwa kwa chia yake uo;

WALAWI 14:10

“Ituku ja wunyanya, uchareda wana wa ng'ondi wa womi wawi, na ng'ondi ya waka ya mwaka ghumweri, riseko na itiko, kilo idadu ra mufu ghudendere; ghuranganyiro na mavuda, na ifungu jimweri ja kadadu ja lita ya mavuda.

WALAWI 14:11

Mkohani uchammbwada uo mundu chiaimweri na mafunyo ghake, nao uchamghenja mnyangonyi ghwa Hema ekwania.

WALAWI 14:19

“Niko mkohani uchafunya kizongona kwa wundu ghwa kaung'a, upate kubonya mapatano kwa wundu ghwa uja mundu ukundagha kueleshwa. Konyuma uchaibwagha iyo nyamandu kwa wundu ghwa kizongona chekora,

WALAWI 5:15

“Mndungi ukabonya kaung'a usemanyire kwa kulemwa ni kulipa malipo kwa BWANA, uchareda kizongona kwa BWANA kwa wundu ghwa makosa, bauru kufuma chaghenyi iseko na itiko. Ighuri jaro jichaboiswa kunughana na malipo gha agho matuku gha Andu kwa Wueli; ni kizongona kwa wundu ghwa wuwiwi.