WALAWI 13:2 - Biblia Ilagho Jiboie Kwa Wandu Wose

² “Mundu ukavimba aighu ya mrongo ghwa mumbi ghwake, angu kukonoka-konoka, angu kuwoneka na dadama ingi yawuya sima, ucharedwa kwa mkohani Haruni, angu umu wa wana wake uko mkohani;

WALAWI 13:2 ပူးပေါင်းရင်းမြစ်များ

2 SAMUELI 3:29

Bagha iyo ndeikaie aighu ya Joabu na nyumba ya ndee; sena kivalwa cha Joabu chisesowe mundu owadwa ni kishonono kwa kala na kala, angu uko na sima, angu oghenda na midi, angu obwaghwa kwa lufu, angu osowa vindo!”

2 WAZURI 5:1

M'baa wa majeshi gha mzuri wa Siria, uwangwaghwa Naamani, orekoghe m'baa unekelo ishima na kukundwa ni mzuri, angu nuo oretumiloghe ni BWANA kuwiredia Wasiria wusimi; orekoghe mundu m'baa uwadie ndighi, ela orekoghe na sima.

2 WAZURI 5:27

Ola sima ya Naamani ichakuwada oho na kivalwa chako kwa kala na kala.” Nao Gehazi ukafuma imbiri ya Elisha wameria kuwadwa ni sima ielie sa thaluji.

ISAYA 1:6

Kufuma lwau lwako hata chongo, ndekuwadie wubanana ghungi; ela ni kuvonoka na vonda, na ngoru riruchagha; ndevioghoshero hata kufungwa, hata ndevishingilo mavuda anduangi.

ISAYA 3:17

ini BWANA nichawikaba wai wa Jerusalemu na fwali ra chongo, na kughufunukua wuduu ghwawo.”

WALAWI 13:1

BWANA ukawizera Musa na Haruni,

WALAWI 13:3

nao uchazighana iyo dadama, iko aighu ya mrongo ghwa uo mundu. Ikakaia mafuri ghiko kwa iyo dadama ghiwurie gha chokwa, na iyo dadama iwoneke ingirie nokondenyi kutini, kuida mrongo ghwa mumbi, ugho wukongo ni sima; na mkohani uchamghora kukaia mundu useelie.

WALAWI 13:8

na mkohani uchamzighana sena. Iji yawoneka kukaia chonda chachurikie, uchamghora kukaia mundu useelie, ugho ni wukongo ghwa sima.

WALAWI 14:3

na mkohani uchamfunya shighadi ya kambi upate kumzighana. Ukawona angu ugho wukongo ghwa sima ghwasirie,

WALAWI 14:35

mundu wa nyumba iyo uchaghenda na kumghoria mkohani kukaia, kilambo chimu sa mruruwe chawuyawoneka nyumbenyi kwake.

WALAWI 14:56

na wukongo ghovimba kilemenyi, na ghokonoka, angu andu kuko na dadama;

MALAKI 2:7

Ni kazi ya mkohani kufundisha malagho gha loli gha Mlungu. Yawifwana wandu wighendeghe kwa mkohani, wipate kufundishwa sharia rapo angu uo ni mdumwa wa BWANA Uwadie-Ndighi-Rose.

MITALO 12:10

Hata iji ijo iwingu jainjwa aighu ya Hema, Miriamu ukawoneka wawadwa ni sima, nao ukakaia wachokwa cho sa theluji. Hata iji Haruni wamgalukia Miriamu, ukammbona wawadwa ni sima.

MITALO 12:12

Kusakemsigha ukaie sa mundu uvalo ufue, uko na nyama ijikie nusu.”

MATHAYO 8:4

Jesu ukamzera, “Kusakemghoria mndungi ilagho jingi; ela ghenda kukuwonyere kwa mkohani, kufunye ivo vizongona vilaghirilo ni Musa, ghukaie wushuhuda kwa wundu ghwa kueleshwa kwako.”

MARKO 1:44

ukimzera, “Manya kusemghorie mndungi; ela ghenda kwa mkohani, kukuwonyere kumoni kwake, kufunye vizongona va kueleshwa kwako, sa iji koni verelaghiriloghe ni Musa, ghupate kukaia wushuhuda kwawo.”

LUKA 17:14

Uendawiwona, ukawizera, “Ghendenyi mkuwonyere mmbeni kwa wakohani.”

LUKA 5:14

Ukamlaghira ukighamba, “Kusakemghoria mndungi, ela ghenda kukuwonyere kumoni kwa mkohani, sena kufunye kizongona kwa wundu ghwa kueleshwa kwako, sa iji koni Musa orelaghirieghe, kwa wundu ghwa wushuhuda kwa wandu.”

WUKUMBUSO 24:8

“Iji kwawadwa ni wukongo ghwa sima, kulindie na ndighi kubonye seji kughorelwaghwa ni wakohani Walawi; koobonya woruwo sa iji koni nerewilaghirieghe.

WUKUMBUSO 28:27

BWANA uchakubonya kubuko ni mbama sa iji orewikabieghe Wamisri, na kubukwa ni vonda, na fwali, na kukusuwa kusedimagha kuboa.