WALAWI 10:14 - Biblia Ilagho Jiboie Kwa Wandu Wose

¹⁴ Ela kidari chisughusiro na bara iyo ifunyiro kwa BWANA kwa wundu ghwa wakohani, mwadima kuvijia andu uko kose kuelie, oho na wana wako wa womi na wa waka mkwanye, angu ni ifungu jako na wana wako jifumagha kwa vizongona va mapatano vifunywagha ni wandu wa Israeli.

WALAWI 10:14 ပူးပေါင်းရင်းမြစ်များ

KUFUMA 29:33

Wichaja ivo vindo verefunyiroghe kwa wundu ghwa wukomboli, ngelo werewikwagha wakfu kwa iyo kazi ya Wueli. Mndungi mzima usakeja ivo vindo, ela wakohani weni, angu ni vindo va Wueli.

EZEKIELI 42:13

Niko uo mundu ukanizera, “Vumba viko chia ya kaskazinyi, na vumba viko chia ya kusinyi kulangaya cha wazenyi ni va wueli, aho niko awo wakohani wikaiagha imbiri ya BWANA, wichaaja agho mafunyo gha vizongona va wueli vichumbie, na aho niko wandu wichaakaia wikifunya agho mafunyo gha wueli ghichumbie vizongona va viro, vizongona kwa wundu ghwa kaung'a, na vizongona kwa wundu ghwa wuwiwi; angu andu aho ni kwa wueli.

WALAWI 10:13

mchavijia aho andu kueleshero, kwa kukaia ni ifungu jenyu na ifungu ja wana wenyu jifumagha kwa mafunyo gha vizongona vekora kwa BWANA, angu huwo niko nerelaghiriloghe ni BWANA.

WALAWI 22:13

Ela uo ufuilo ni mumi angu uleghelo, nao ndewadie wana wangi, ela wadakaia ukikusaghika kwa ndee, wadima kuja ivo vindo va wueli vinekwagha ndee uo uko mkohani; ela mndungi useko wa kichuku cha wukohani useje ivo vindo.

WALAWI 9:21

ela kidari na bara ya kiwomi, ukavisughusa vikaie kizongona chesughuswa chifunyiro kwa BWANA sa iji koni Musa oremlaghirieghe.

MITALO 18:11

“Na ivi wori vichakaia venyu: vizongona va manosi ghawo, na vizongona vesughuswa va wandu wa Israeli, nakuneka oho, na wana wako wa womi na wa waka; ni hachi yenyu ya matuku ghose. Kula mundu nyumbenyi kwako uelie, wadima kuja.

MITALO 5:9

Na kula kizongona cha vilambo vieleshero va wandu wa Israeli viredwagha kwa BWANA vichawuya va mkohani;

JOHANE 4:34

Jesu ukawizera, “Vindo vapo ni kubonya lukundo lwa uo orenidumieghe na kuimeria kazi yake.