WALAWI 10:1 - Biblia Ilagho Jiboie Kwa Wandu Wose

¹ Nao wana wa Haruni, Nadabu na Abihu wikawusa kula umu luwigha lwake, na kukumbiria maka gha modo andenyi yaro; wikakumbiria marumba na kumfunyira BWANA. Ela ghuja modo ndeghorekoghe ghwa wueli, kwa kukaia BWANA nderelaghirieghe anduangi.

WALAWI 10:1 ပူးပေါင်းရင်းမြစ်များ

1 WAZURI 18:38

Niko BWANA ukasera modo; ghukakora icho kizongona, na mbande, na magho, na teri; ghukaomera agho machi gheredungiloghe mtaronyi.

ZABURI 141:2

Wusa malombi ghapo sa marumba mecha, na kuwusira mikonu yapo kukaie sa kizongona cha nakenyi.

KUFUMA 24:1

BWANA ukamzera Musa, “Joka mghondinyi aha kwapo, oho na Haruni, Nadabu, Abihu, na vilongozi va Waisraeli mirongo mfungade; nenyo mkaie kakula koni, na kutasa.

KUFUMA 24:9

Niko Musa, Haruni, Nadabu, Abihu, na vilongozi va Waisraeli, wandu mirongo mfungade wikajoka koighu mghondinyi;

KUFUMA 27:3

Kubonye nyungu redikilwa ni ivu na miiko, bakuli, uma, na sufuria rewika modo. Ivo vilambo vose vikaie va shaba.

KUFUMA 28:1

“Kumrede mwanyinyu Haruni na wana wake kaavui na oho. Haruni na wana wake; Nadabu, Abihu, Eleazari, na Ithamari; kuwitenge aghadi ya Waisraeli wipate kunidumikia kwa kazi ya Wukohani.

KUFUMA 31:11

mavuda ghedunga wandu, mranganyo ghwa marumba mecha kwa wundu ghwa Andu kwa Wueli. Awo wandu wikakabonya vilambo ivo vose, wibonye sa iji koni nerekulaghirieghe.”

KUFUMA 37:29

Wokoni ukabonya mavuda gha wueli gheshinga wandu, na marumba ghiranganyiro, ghiboie, ghinukie nicha.

KUFUMA 38:3

Ukabonya vilambo vose kwa wundu ghwa madhabahu; sufuria, miiko, beseni, uma, na chuwigha ra modo. Vilambo vose verebonyeroghe kwa shaba.

KUFUMA 40:27

ukafukira marumba sa iji koni BWANA oremlaghirieghe.

KUFUMA 6:23

Haruni ukalowua Elisheba mwai wa Aminadabu, nao ni mruna Nashoni; ukamvaia Nadabu, Abihu, Eleazari, na Ithamari.

KUFUMA 8:27

Suti dighende charo cha matuku adadu noko cha kireti, dipate kumfunyira Mlungu odu kizongona, sa iji koni uchaadilaghira.”

JEREMIA 19:5

na kuagha madhabahu kwa wundu ghwa Baali, wipate kukora wana wawo wa womi aighu modonyi wikaie sa kizongona chekora; ilagho jingi nisewizerie hata kujighora, hata jingi nisejighesha.

JEREMIA 32:35

Waaghie andu kotasa kwa wundu ghwa Baali andenyi ya vololo ya Hinomu, wipate kufunya wana wawo wa womi na wa waka kwa ghuja mlungu Moleki; hata ngera saki serewilaghirieghe huwo, na ilagho ijo jingi jisengia andenyi ya akili rapo, wei wibonye ugho wuchafu na kuwishekeria Juda kungia kaung'enyi.”

JEREMIA 44:15

Niko awo womi weremanyireghe kukaia waka wawo werefukirieghe marumba kwa milungu mizima, na awo waka wose werekoghe kimusi aho, izungu ibaa ja wandu, awo wandu wose werekaiagha Misri ya Lughu wikamtumbulia,

JEREMIA 44:8

Kwaki mughiwusiragha machu ghapo kwa kazi ra mikonu yenyu, na kuifukiria marumba milungu mizima ya Misri, andu mchee mpate kukaia, eri mkumerie mmbeni hata mmbuye wandu wewadwa ni njowe na wesholelwa aghadi ya mbari rose ra ndoenyi?

JEREMIA 7:31

Waaghie madhabahu Tofethi andenyi ya Vololo ya Hinomu eri wipate kukora wana wawo wa womi na wa waka modonyi kwa kuwifunya kizongona; ilagho niserewilaghirieghe, hata jingi jisengia andenyi ya maghesho ghapo.

WALAWI 16:1

BWANA ukaghora na Musa nyuma ya kifwa cha wana wa Haruni, awo werefuyeghe angu weremfunyireghe BWANA modo ghuseelie;

WALAWI 16:12

Uchadwa modo ghwa maka na luwigha kufuma madhabahunyi imbiri ya BWANA, na ngonde iwi richue ra marumba mecha ghichanilo-chanilo; nao uchangia navo andenyi ya Andu Kwa Wueli Kuchumbie.

WALAWI 22:9

“Wakohani wose wichawadia malaghiro ghapo, wisechelushwa na kungia kaung'enyi na kufwa kwa wundu ghwa kuleghasikira kwawo; Ini ne BWANA uo uwieleshagha.

WALAWI 9:24

Modo ghukasea kufuma kwa BWANA, na kukora kizongona chekora na agho mavuda gherekoghe aighu ya madhabahu; hata iji wandu wose werewonieghe huwo, wikakema na kughwa andonyi kijimijimi.

MITALO 16:46

Musa ukamzera Haruni, “Shoa luwigha lwako, kuwuse modo kufuma madhabahunyi na kughukumbiria; nao kuwikirie marumba aighu yaro, na kulughenja izungunyi shwa-shwa, eri kubonye wupatanisho kwa wundu ghwawo, kwa kukaia BWANA wamerie kujokwa ni machu, na saka ya ngawawi yazoya.”

MITALO 26:61

Ela Nadabu na Abihu werefueghe iji werefunyireghe kizongona cha modo ghuseelie imbiri ya BWANA.

MITALO 4:18

“Msakesigha nyumba ra kichuku cha kivalwa cha Kohathi ritotesho aghadi ya Walawi;

WUKUMBUSO 12:32

“Lindia m'bonye maza rose nicha, seji namlaghira; msechurie hata kupunguza ilagho jingi.

WUKUMBUSO 17:3

nao ughende uidumikie milungu mizima na kuitasa, angu kutasa iruwa angu mori na nyerinyeri, malagho nighikanie;

WUKUMBUSO 4:2

Msechurie ilagho jingi aighu ya agho nimlaghiragha, hata msefunye ilagho jingi, mpate kughiwadia malaghiro gha BWANA Mlungu onyu agho nimlaghiragha.

WAEBRANIA 9:4

Andenyi kwaro, korekoghe na madhabahu ya dhahabu efukiria marumba, na Sanduku ya Ilaghano ishingilo dhahabu chia rose. Iyo Sanduku erekoghe na mkebe ghwa dhahabu ghowika ija mana, mzata ghwa Haruni ugho ghorejosereghe malemba, na vishawalata va magho viandikilo ija memu ikumi;