WALAWI 1:9 - Biblia Ilagho Jiboie Kwa Wandu Wose

⁹ Uja mundu wafuya icho kizongona uchaoghosha mawula na vindo vose va ndenyi na maghu gharo, na mkohani uchavikora vose madhabahunyi, vikaie kizongona chekora; irumba ja vindo ivo jamnukiagha BWANA nicha nandighi.

WALAWI 1:9 ပူးပေါင်းရင်းမြစ်များ

KUZOYA 8:21

Hata iji BWANA wasikira irumba jiboie ja icho kizongona, ukaghamba ngolonyi kwake, “Sichaaiwasira ndoe njowe sena kwa wundu ghwa mdamu, kwa kukaia maririkanyo gha ngolo ya mdamu kari kose ni mawiwi kufuma wanake ghwake, hata sichaachitotesha icho chose chiko moyo sena sa iji nabonya.

1 MALAGHO GHA NGELO 6:34

Kivalwa chake chikakaia Elkana na Jerohamu, na Elieli, na Toa,

2 MALAGHO GHA NGELO 4:6

Wokoni orebonyereghe ngarai ikumi rekuoghoshera, ukawika isanu iichia cha kusinyi na isanu iichia cha kaskazinyi; naro reretumiloghe kwa kuoghosha nyamandu rerefunywagha vizongona vekora; machi gherewikiloghe itanginyi gherekoghe kwa wundu ghwa kuogha kwa wakohani.

ZABURI 51:6

Oho kwadakunda loli ya kondenyi; kunifundishe hikima ya ngolonyi.

ZABURI 66:15

Nichakufunyira vizongona vekora vinorie, nichakufukiria vizongona va bauru, na va njau, na va mburi.

KUFUMA 12:9

Msakeja nyama ingi mbishi angu idoghosero kwa machi, ela mchaija iochelo yose putu; chongo chake, chiaimweri na maghu ghake, na vindo vake va ndenyi.

KUFUMA 29:18

Niko kuikore yose aighu ya madhabahu, ikaie kizongona chekora. Irumba ja kizongona icho, janiboiagha na ndighi.

KUFUMA 29:25

Nao sena kuviwuse kwawo, kuvikore aighu ya madhabahu kuchuria icho kizongona chekora, vipate kukaia kwapo, kizongona cha vindo. Irumba ja kizongona ichi janiboiagha na ndighi.

JEREMIA 4:14

Ee Jerusalemu, oghosha ngolo yako iinjikilo ni wuwiwi, kupate kukia. Kuwika maririkanyo ghizamie andenyi kwako hata lii?

EZEKIELI 20:28

Angu iji nerewiredieghe isanga nerewilaghirieghe kuwineka, werezoeghe kufunya vizongona vawo aighu ya kula mghondi wereghuwonieghe, na aisi ya kula mudi m'baa ghukambie, wikawusira machu ghapo wikifukira marumba aho, na kufunya vizongona venywa.

EZEKIELI 20:41

Nichamrumiria sa marumba ghinukie nicha, ingelo nichaamfunya mfume kwa wandu, na kumtumbanya kufuma agho masanga moresaghisikieghe; nani nichawonyera wueli ghwapo aghadi ya iro mbari ra wandu.

EZEKIELI 40:38

Korekoghe na chumba chimu a mbengenyi ya lukumbi chiko na mnyango ghwaro, andu vizongona vekorwa vioghosherwagha.

WALAWI 1:13

Uja mundu wafunya icho kizongona uchaoghosha na mkohani uchavifunya vose kwa BWANA na kuvikora aighu ya madhabahu, vikaie kizongona chekora; irumba ja vindo ivo jamnukiagha BWANA nicha na ndighi.

WALAWI 1:17

Uchaibara mawawenyi, ela ndechaitanya putu; na mkohani uchaikora yose aighu ya madhabahu, ikaie kizongona chekora; irumba ja vindo ivo jamnukiagha BWANA nicha na ndighi.

WALAWI 2:16

na mkohani uchawusa ifungu itini ja viro viwishi vichanilo na mavuda na vilungo varo, uvikore sa ifungu jekumbuka kukaia viro vose vamerie kukorwa aighu ya madhabahu vikaie kizongona chekora kwa BWANA.

WALAWI 2:2

ima ughurede kwa wakohani, wana wa Haruni. Niko mkohani uchabegha ngonde ichue ya ugho mufu ghudendere na mavuda, chiaimweri na vilungo varo vose; nao uchaghukora sa ifungu jekumbuka kukaia mufu ghose ghwameria kukorwa aighu ya madhabahu, ghukaie kizongona chekora; irumba ja vindo ivo jamnukiagha BWANA nicha na ndighi.

WALAWI 2:9

Na uo mkohani uchawusa katini ka ijo ifunyo ja viro, na kukora sa ifungu jekumbuka kukaia mkate ghose ghwameria kukorwa aighu ya madhabahu, ghukaie kizongona chekora; irumba ja vindo ivo jamnukiagha BWANA nicha na ndighi.

WALAWI 3:11

Na mkohani uchavikora aighu ya madhabahu vikaie vindo vifunyiro kukaia kizongona chekora kwa BWANA.

WALAWI 3:5

Niko wana wa Haruni wichavikoranya na icho kizongona chekora chiko aighu ya mbande madhabahunyi, vikaie kizongona chekora; irumba ja vindo ivo jamnukiagha BWANA nicha na ndingi.

WALAWI 4:31

Nao uchainja mavuda ghake ghose, sa iji koni mavuda ghiinjwagha kufuma kwa vizongona va mapatano; na kughikora aighu ya madhabahu ghikaie marumba mecha kwa BWANA. Kwa chia ihi, mkohani uchabonya mapatano kwa wundu ghwa kaung'a ra uo mundu, nao uchafuilwa wughoma.

WALAWI 6:14

“Ihi niyo sharia ya kizongona cha viro: Wana wa Haruni, awo wakohani, wichakaia wikichifunya naimbiri ya iyo madhabahu imbiri ya BWANA.

WALAWI 8:21

Hata nyuma ya kuoghosha vindo vose va ndenyi na maghu kwa machi, Musa ukakora bauru yose aighu ya madhabahu, ikaie kizongona chekora, irumba jinukie nicha ja kizongona chekora chifunyiro kwa BWANA, sa iji koni BWANA oremlaghirieghe.

WALAWI 8:28

Niko ukaviwusa sena kufuma mikonunyi kwawo, ukavikora aighu ya madhabahu chia imweri na kizongona chekora, vikaie mafunyo kwa wundu ghwa kuwika wakfu, irumba icha ja ifunyo ja kizongona chekora kwa BWANA.

WALAWI 9:14

Ukavioghosha vindo vose va ndenyi na maghu, ukavikoranya na kizongona chekora aighu ya madhabahu.

ZEKARIA 13:7

BWANA Uwadie-Ndighi-Rose waghamba, “Wuka ee lufu kulo na mlisha uo unidumikiagha; bwagha mlisha, na ng'ondi richasaghisika. Ini nichalwa na wandu wapo;

MITALO 15:3

nenyo mkakamfunyira BWANA kizongona chekora kufumanya na ng'ombe angu ng'ondi, angu kizongona chekatisha ighemi, angu mafunyo ghafunywa kwa ngolo, angu kufunya kwa ndima riwikilo, mafunyo ghebonya irumba jinuke nicha kwa BWANA,

MITALO 28:11

Kula ituku jezoya mori muchamfunyira BWANA kizongona chekora cha wana wa njau wawi, bauru imweri, na wana wa ng'ondi wa womi mfungade wa mwaka ghumweri wisewadie itiko jingi.

MITALO 28:7

Kizongona charo cha kunywa chichakaia lita imweri ya divei irudie kwa kula mwana wa ng'ondi ngelo ya nakesho aighu ya madhabahu, ni irumba jinukie kwa BWANA.

MITALO 28:8

Uo mwana wa ng'ondi wa kawi mchaamfunya luma lwa kenyi, ukaie kizongona chekora, sa iji koni m'bonyereghe nakesho, chiaimweri na mafunyo gha viro na mafunyo gha kunywa. Ni irumba jinukie nicha kwa BWANA.

2 WAKORINTHO 2:15

Angu isi deko marumba mecha gha Kristo kwa Mlungu aghadi ya awo wikirwagha na aghadi ya awo witotagha.

WAEFESO 5:2

Nenyo mghende kwa lukundo, sa iji koni Kristo oredikundieghe, na kukufunya moni kwa wundu ghodu, ukaie ifunyo na kizongona cha marumba mecha kwa Mlungu.

WUKUMBUSO 12:27

kufunye vizongona vako vekora va nyama na bagha aighu ya madhabahu ya BWANA Mlungu wako. Bagha ya kizongona chako, ichadilwa madhabahunyi ya BWANA Mlungu wako, ela nyama kwadima kuija.

WAFILIPI 4:18

Napatire manosi ghose, hata na kuchumba seji nerekundieghe, ngakatwa; nyuma ya kupata agho nereredeloghe ni Epafrodito. Nagho ni kizongona cha marumba mecha, chirumirikiagha na kum'boia Mlungu.